حاسبو من عمرو خالد و امثاله يأخواني

**MAMDOH111** · 05-09-2009 11:31 AM

بعد اذن حضرات المشرفين

ارجو حذف الموضوع حتى لا نشارك جميعا فى أى ذنب او نقع فى الغيبة

فالله سبحانه وتعالى أعلم بنوايا كل انسان

فالأستاذ عمرو خالد والشيخ محمد حسان نحسبهما من الصالحين ولانزكى على الله أحد

**wawoo** · 05-09-2009 12:22 PM

المشاركة الأصلية كتبت بواسطة mangere90

مش عارف كلمة ان الرسول فشل في المحاولات دي لوحتها تكفي يأخي الرسول مافشل قط لأن اعماله كلها من عند الله سبحانه وتعالي ...

يعنى اية اعمالة كلها من عند اللة سبحانة و تعالى ....
مش فهمها دى بصراحة , رسول الله .هو بشر فى الاول و فى الاخر .

مش من الحكمة نزع الصفة البشرية فى رسول اللة .
الرسول كان يوحى الية من الله , لكن دة مايمنعش انة بيتصرف تصرفات بشرية زى و زيك .

حقيقى هو مش بيخطء او بيرتكب معاصى يعنى بمعنى الكلمة , انما هناك افعال كثيرة لرسول اللة بشرية زى اى شخص عادى .

و الرسول مر فى بداية الدعوة بعقبات كثيرة و يمكن وصفها بمحولات فاشلة "اية المشكلة فى كدة"
مهو الهدف من التجربة هو التعلم , و تجربة رسول اللة تجربة انسانية فى المقام الاول .
عشان احنا نتعلم و ناخد عبرة , ازاى الرسول تحمل و صبر على الابتلاء و تحمل و اجتهد عشان الدعوة توصل ليا و ليك ,و اكيد الطريق لم يكن مفروش بالورد طوال دعوة الرسول ,و كان فى اوقات نجاح و اوقات صعبة و اوقات اخفاق .

و هذا لا يقلل من مكانة الرسول فى شىء او يقلل من تايد الله لة , بل العكس تمام هو اللى يحصل , و لو كان اللة يريد من ليسة لة صفات بشرية كان نزل ملائكة بالرسالة .
انما الله اراد ان الرسالة تكون على يد بشر عشان احنا نتخذة قدوة و نمشى على خطاة و نفهم ان الحياة مش نزة و ان الايمان محتاج شغل و محتاج عمل مش كلام و خلاص .

و الدليل ان بعد محاولة الطائف دى ان الرسول لجاء اللى اللة فى الدعاء الشهير , عشان ياخد العزم و القوة اللازمة لاستكمال الرسالة ,و يتغلب على ما اصابة بالطائف .

حياة الرسل و الانبياء فى النهاية هى حياة بشرية ,و اللة اراد انها تكون كذلك عشان احنا نتعلم و لما نمر بظروف مماثلة لا نيئس و نستكمل المشوار , اما لو كان الطريق مفروش بالورد دائما للرسل .

كنا ببساطة حنبتعد عن سيرة الرسل و الانبياء لانها وقتها حتكون تجارب خارقة لا يسطيعى البشر العاديين الاقتداء بيها او التعلم منها , حتى معجزات التأيد من اللة كانت بتحصل فى نهاية المشوار بعد ما يكونو استنفزو القدرات البشرية و يكون التدخل الالهاى وقتها تدخل لابد منة لاظهار قدرة الله وحكمة .

يبقى لما يجى الشيخ زى محمد حسان يمسك فى كلمة فشل دى و يخرجها من كل محتوها و من معنها المقصود فى كلام عمر خالد , و يتخذها قاعدة لانطلاق هجوم مكثف على عمر خالد و على كل شغلة و هو يعلم جيدا ان عمر خالد لم يقل على رسول اللة فاشل ابد .

كلنا يحب رسول اللة و كلنا يقدر قيمة تجربة رسول اللة فى رحلة حياتة للدعوة و نشر دين اللة ,
و كل دة لا يمنع اننا نححل هذة التجربة و نخرج منها بالعبر و الدروس المطلوبة لنستفيد بيها فى حياتنا العملية البشرية .

اللة كان ممكن يرسل هذا الدين بواسطة الملائكة على الناس و خلاص و لكن فى الحالة دى التجربة البشرية حتكون مفقودة و بالتالى الاقتناع بيها و الايمان بيها حيكون اضعف كتير .

**ams** · 05-09-2009 01:51 PM

متابع باستغراب
احترمو الاختلاف فيما بينكم
احترمو اراء بعض
متوصفوش الاشخاص انتقدو الافعال
و متحكموش على حد لان اللى بتحكم عليه ده انت مش مخول لذلك انت مش اعلى منه
و مفيش حد عنده الحقيقة الكاملة مفيش
امال لو بتتكلمو فى امر عقائدى كان هيبقى ايه الحال ؟ و لو بتتكلمو مع ملحدين كنتم هتقولهم انتم كفره و تقتلوهم ؟!!

**ahmad--ezzat** · 05-09-2009 02:24 PM

الموضوع ابتدى بتغير خالص وهندخل فى مشاكل فى الدين والارا ء والافكار

ياريت الموضوع يتقفل

**MOSHAKS** · 05-09-2009 02:53 PM

مش ملاحظين ان هتحصل بينا فتنه فيما بيننا وهو ده المقصود

**ahmed1981** · 05-09-2009 03:02 PM

أستاذ توت
حضرتك من الناس المحترمين في المنتدى
ومش غريب على حضرتك الأخلاق الطيبة

**ahmed1981** · 05-09-2009 03:05 PM

سؤال للسادة المشرفين:
هل من قوانين المنتدى السماح بشتم شخصيات عامة ووصفهم بابن الفاشلة
حتى وإن كنا نختلف معهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
أنا لا أتحدث عن رد لهذا الموضوع

لكن ماذا تنتظرون ؟
هل تنتظرون أن يبدأ كل حزب ليكتب موضوع عن شيخ الفكر الآخر ويسميه بإبن الفاشلة أيضاً ؟؟

**نور القمر** · 05-09-2009 03:14 PM

المشاركة الأصلية كتبت بواسطة a.saad

انا كنت سمعت قبل رمضان انه ممنوع من الفضائيات
ايه صحة المعلومة دى

مش ممنوع هو له برنامج في رمضان السنة دي على الفاضائيات

**نور القمر** · 05-09-2009 03:18 PM

المشاركة الأصلية كتبت بواسطة thebraveeagle

لا تعليق طبعا

جيبلي واحد تعرفه من علمائنا الأفاضل في أخلاقه وإحترامه للرأي الآخر !

كل العلماء وشيوخنا الأفاضل إللي ردوا عليه بجد على عيني وعلى راسي والله يعلم كم أكن لهم من الإحترام والتقدير ... ولكن طريقة الرد بتكون بجد منفرة جدا ... عمرو خالد غلط في بعض الحاجات ... وده دليل إنه بشر ... الراجل داعية مش شيخ ... ممكن يغلط ... الواجب على الشيخ إنه يصلحلوه

عمرو خالد كلامه ليه غرض أساسي ونيته معروفة وواضحة ... ممكن يخونه التعبير فقط ... وهو مقالش على الرسول فاشل ... هو كان قال إن الرسول فشل في حاجة معينة بطريقة معينة وبعد كدة نجح ... كل ده على شان يوصل إن تجربة الرسول صلى الله عليه وسلم تجربة بشرية نستطيع الإقتداء بها !! ... الوصف قد يكون غير مستساغ ... بس الموضوع مش محتاج الشتيمة والتهزيء ده ... لإن الموضوع بجد والله أنا سمعته محستش بيه بأي إهانة لسيدي رسول الله صلى الله عليه وسلم ... بل على العكس بيزيد حبه في قلبي أكثر وأكثر ... كون إن في ناس شغلتها تصيد الاخطاء وسط بحر كبير من الخير ده بجد حاجة تزعل !

نفسي شيخ يطلع في درس كدة ... ويقول أنا مختلف مع أخي العزيز عمرو خالد ... هو قال حتة من حديث موضوع ... والصح ياجماعة كذا وكذا ...

المؤمن للمؤمن كالبنيان المرصوص ... يشد بعضه بعضا .... يعني لو واحد عك أو غلط التاني يسنده ويصلحله مش يدوس عليه بالجزمة !

والله قلت كل اللي عايزه اقوله
ياريت نبقه زي عمرو خالد