اصحابي عاوزين ياجروا عربية وانا اللي اسوقها واجبها على رخصتي وكنت عاوز اعرف لو في مشكلة حصلت في العربية لاقدر انا هشيل حاجة ولا ايه بالظبط
اصحابي عاوزين ياجروا عربية وانا اللي اسوقها واجبها على رخصتي وكنت عاوز اعرف لو في مشكلة حصلت في العربية لاقدر انا هشيل حاجة ولا ايه بالظبط
هتجيب نفسك لوجع دماغ على الفاضى...... لو حصلها خربوش بسيط وعايز يرخم عليك هيقولك صلحالى لا وفى التوكيل كمان ........ولو كلة تمام وحصل خير والعربية مفهاش اى اضرار وسلمتها واتبسط بيها ودة مستحيل لان فى شوارعنا بتتخبط وهيا واقفة هتلاقيك كل شوية عايز تاجر تانى ورجليك مالت لسكة التاجير وكل شوية تجرب نوع شكل بصراحة الحكاية مغرية بس انا اخاف ااجر عربية اكتر من تلت ايام .......ومتناش انهم بيمضوك على وصولات بحق العربية وبلاوى يعنى لازم كمان يكون ليك معرفة بصاحب المكتب وواثق فية..........
لو خلاص هتعمل كدا يبقى محدش يلمس دركسيون العربية غيرك أنت عشان ميحصلش حاجة و الى كان السبب يخلع منك
و فعلا أى حاجة بيتلكك و غالبا العربية بيبقى فيها حاجة فلازم تبص عليها كويس جدا أكينك هتشتريها
ايوه على رخصتك يبقى بياناتك انت واللى مضى عند الراجل , وساعه الهزار بيبقى كله اصحاب
اول ما تقلب بنكد بتلاقى كل واحد بيقول يلا نفسى ومليش فيه وكلام من دا , وزى ما قالك استاذ احمد رجلك لو خدت على الايجار مش هتعرف تبطله
انتو عايزين تتأجروا ولا تشتروا عربيه تأجروها ؟!!
عموما في الحالتين وجع دماغ ومسؤولية عليك وانت اللي هتتحملها كلها وزي مالاخوة قالوا ساعة الجد كله يلا نفسي
بجد يا جماعه يا ريتني سمعت الكلمتين دول من شهر واحد بس
إياكم وتأجير العربيات
اجرت عربيه لانسر وكتبت على نفسي وصل بتمن العربيه وفعلا ساعة الهزار كان كله اصحاب وعادي يا عم انت خايف من ايه ؟ ان شاء الله مايحصلش حاجه وكله يعدي تمام ...
فعلا كله عدى تمام لغاية قبل ما اسلم العربيه بنص ساعه !!! واحد معرفه كان معانا ( كنا في فرح ) هو مش صاحبي ... المهم قالي عايز اجرب العربيه ... وطبعا كانت اكبر غلطه عملتها ... خد العربيه مفيش دقيقتين وخبطها في حيطه
الخساير : اكصدام وفانوس خلفي وخبطه في الرفرف
رجعنا بيها عالمكتب الوضع طبعا اتغير تماما ... بقيت حاسس اني متهم وهدخل الحبس خلاص ... المعامله بقت يا تدفع حق قطع غيار اصلي يا تتحبس ... وطبعا صاحبنا في الاول قال هشيلها انا ... لما عرف ان موقفي صعب طبعا قالي النص بالنص ... وخليته كتب وصل على نفسه لكن هو اصلا ماكملش 21 سنه وطبعا ولا حس ولا خبر ولا خدت منه جنيه واحد
اهي برضو جت في 2000 جنيه الحمدلله يعني تخيل لو جت في اكتر من كده ولقيت نفسك متدبس في 30 - 40 الف
يبقى ابعد عن الشر وغنيله وبلاااااااش ايجاار
الحمدلله يا سمارت ومحدش بيتعلم ببلاش
وموضوع الايجار دة مينفعش غير للي مزنوق فعلا
والي يمضي علي حاجة يكلبش فيها بإيده وسنانه مهما حصل .
انا مش عارف اقولكم ايه ربنا يكرمكم ويتقبل منكم صياكم
واحب اقول انا مش اجر عربيات ولا سايق ولا اي حاجة انا هفضل بال504 بتاعتي وخلاص
والعربية كانت هتروح فرح فعلا ستر ربنا وقولتولي
مادام معاك عرربية ايا كان نوعها فانت مش محتاج تأجر اللى يأجر المضطر ومعندوش
بس على فكرة احنا كنا لسة مأجرين افيو لمدة شهر ورجعناها وكله تمام والمكتب كان محترم جدا رجعلنا وصل الامانة بكل ادب واحترام مادامت عربيته سليمة
عشان بس ما نظلمش كل مكاتب التأجير
يا فندم احنا مش قصدنا ان مكاتب التأجير نصابين او كده بالعكس فيهم ناس قمة في الذوق والاحترام
ولكن القصد ان افرضي لا قدر الله حصل حادث ؟ وهيكلف مبلغ كبير ؟ غرامه مالهاش داعي خاصة لو عندي عربيتي
خاصة ان بيكون فيه وصل أمانه يعني صاحب المكتب في إيده يؤمر ويتأمر عليا ... يعني مثلا العربيه اللي كنت مأجرها عربيه طالعان عينها وجه الفانوس اتكسر ممكن اشتري واحد مش اصلي وهيبقى ارخص كتير لكن طبعا صاحب المكتب بيتأمر عليا وعايز تمن فانوس اصلي
طيب الاكصدام اتخبط وانا ممكن اصلحه ويرجع زي الفل ... يقولي لا دي عربيه فابريكه عايز اكصدام جديد اصلي ... فابريكه مين يا عم انت مش واخد بالك عربيات الايجار بيحصل فيها ايه ؟؟؟؟؟؟؟؟
ده غير طبعا ان الواحد بطبعه بيخاف على حاجة غيره لأنها مهما كان أمانه
يبقى لو انا مش مضطر وماعنديش مكتب معرفه اكون واثق فيه يبقى بلاش تأجير احسن
للعلم ... صاحب مكتب التاجير بيفرح لما العربيه تجيله مخبوطه !!! ليه بقى ؟ لأنه اساسا مأمن عليها يعني التامين كده كده هيصلحها ... والباشا كمان بياخد مني حق التصليح ... يعني جاياله فلوس من الهوا مش تعبان فيها
مكاتب التاجير بتكسب من الحوارت دى يقولك مثلا الفانوس مكسور وتمنه 500 جنيه وياخد منك الفلوس ويصلحه هو ب 100 جنيه وحاجات كده
راى طبعا بلاش موضوع التاجير ده
احنا مره كنا مأجرين عربيه والباشا صاحب المعرض كنا مدينا العربيه وكان العربيه مفهاش زيت وطبعا جابت مننا موتور وطبعا لازم انت اللى تصلحها علشان انت اللى ماضى وهو ميعرفكش
رحنا سقطنا موتور فى الحرفين اى كلام واستلم العربيه وطبعا هو هيلبس علشان معهوش ورق المورق الجديد فى الترخيص
هى من الاخر كلها حوارت ووجع دماغ
والله اللى عاوز ياجر عربيه علشان فعلا هو محتاج يبقى المفروض ياجر عربيه بسواق ويريح دماغه ولا هو لازم ياعنى اللى ياجر يسوق
كان عندى حق لما سيبت المجال ده بسبب سؤ السمعه والكلام ده كله وراى الناس فى اصحاب مكاتب الايجار
بلاش احسن
الموضوع ده مشاكله كتير
انا شايف ان لو مكت التاجير ده مش واحد معرفة يبقى متاجرش
انا نزلت انا واصحابي اسكندرية
المهم كان لازم ناجر عربية
رحنا اجرنا ماتركس فل اوبشن موديل السنة
المهم الراجل مضاني على وصل بياض يريت مش بتمن العربية بس
وقال ايه كمان صحبي كان من اسكندرية كان ضامن وماضي على وصل تانى على بياض
وواخد كل بياناتى انا اما شفت كده اتنرفزت اوى وكنت همشي والله بس اصحابي هما اللى جروا رجلى وبكلام محل الايجار المنظم المنمق يعني من الاخر بيثبتك بس الحمدلله اجرناها ورحنا بيها كل حتة وطلعنا على الساحل وكله قشطة
واما رجعنا ادانا الوصل وقطعناه
صحبي بقى فاتح محل ايجار واحتمال قريب ااجر منه مازدا ثري ممكن اخدها منه ب150 او حاجة
وشارط عليه انه لا وصل ولا عداد محدود ولا اي حاجة خالص وطبعا صحبي ومش هيقول حاجة فهاجر باذن الله
ولعلمكوا انا صحبي بيقولى اكتر حاجة تكسبنا عداد الكيلوهات الزيادة ولو واحد خابط ....لانه مامن على العربيات وبيحط الفلوس في جيبه
والتامين يصلحهاله
من الاخر لو عاوز محل الايجار يفرح ارجع بيها مخبوطة
تشيل حاجه !!! دنتا اللي حتشيل كل حاجه :ma:
مفيش واحد شكر في موضوع التاجير خااااااالص هههههه
يااااه هو انت كنت هرتكب جريمة شديدة اوووي كده
حسب الاصحاب!!! الفيصل الأول والأخير !!!
انا أجرت مرة مع اتنين اصحابي وسافرنا الغردقة بس انا اللي كنت مسئول عن العربية وانا اللي مضيت ومحدش اصلا طلب العربية يسوقها غير واحد نزل يجيب حاجات بيها ورجع على طول وجت سليمة وبرضة حسب الأصحاب !!!! يعني انا في حياتي كلها واحد بس اللي ممكن اديله عربية مأجرها او اسلفه عربيتي غير أخويا شقيقي طبعا معاه أصلا نسخة من مفتاح عربيتي
http://www.nilemotors.net/Nile/86654-a.html(الفيرنا بتاعتي اتقلبت)
اقرا موضوعي وفكر كويس قبل ما تعمل كدة علشان واللة الموضوع دة هيخسرك كتير
ممكن يخسرك اصحابك وفلوسك انا خسرت صاحب عمري علشان حتة صفيحة يجماعة
ربنا يعوض عليك يا اخ احمد في الفيرنا بتاعتك وانا بشكركم ياجماعة كلكم والله من قلبي انكم خلتوني اخد بالي من حاجة زي كده
وهفضل اقول دايما نايل موتورز يعني الذوق والادب والثقافة وحاجات كتير كمان.................
انا اعرف مكتب استحالة يا أجر عربية هتمشى فى فرح
أنا بقلك بلااااااااااااااااااااش
إفتكر إني قلتلك بلااااااااااااش
بص انا هقولك كلمتين ..
انا شيلت 15 الف جنيه بسبب تأجير عربيــة .. ويارتني انا الي قلبتها ...
انا سايق وانا راجع من الساحل الشمالي .. وتعبت اديت العربية لزميلي يســوق لاني تقريبا كنت سايق بقالي بتاع 3 ايام ولا حاجة
خد العربيــة ومشي بيها 3 كيلـــوا .. وراح قلبهــا ... هو قدر الله وما شاء فعــــل ..
بس اولا الغي من مخك موضوع التأجير دة نهائيا ..
ثانيا . لو حتى نويت تأجر اولا يبقى معاك حق التأجر + بنزين بزيادة لحالة الطواريء + تبقى متأكد انك عندك فلـوس في البنك تغطي حق العربية كلها لو لا قدر الله حصــل حاجــة .. علشان متجيش وقت الجد وتقول ياريت الي جرا ما كان دة انا معيش فلــوس ..
وفي الاول وفي الاخــر انا واحد من ملاك السيارات وفي نفس الوقت جت عليه سنة مكنتش بمشي فيها من غير عربية ايجار بس من ناس اعرفهم يعني .. وبرضــوا لبست في ال 15 الف جنيه الي قوللتلك عليهم ..
يبقى كل واحد في راسه يعرف خلاصه