منين ممكن اجيب كومبروسر الهوا الصغير بتاع العربيه واسعاره ايه وايه افضل انواعه؟
جزاكم الله خير
عرض للطباعة
منين ممكن اجيب كومبروسر الهوا الصغير بتاع العربيه واسعاره ايه وايه افضل انواعه؟
جزاكم الله خير
من التوفيقية
اعتقد سعرة من 35 او 40 جنية و طالع
بس نصيحة مني, علشان تجربة صح, فضي الهواء من كاوتش العربية و هيه واقفة, و جرب تملاة بالكمبريسور
ماتعملهاش عالاستبن
فية كمبريسورات ضعيفة لدرجه انها ماتقدرش تملا الكاوتش و العربية وزنها تقيل علية, لازم تفك الماوتش و يتملي و بعدين يتركب لأن وزن العربية بيخللي الكمبريسور مش قادر يرفع تقل العربية من عالكاوتش
طب فيه نوع معين انت مجربه يا ادهم عشان نروح نشتريه على طول...او نشتري المانوال افضل من الكهربا..
لا للاسف
انت روح و جرب و اشتري و قولي النتيجة, و انا استفيد بخبرتك لما اشتري اشتري النوع اللي يستحمل يرفع عربية و ينفخ كاوتشها
بس عامة انا دلوقتي عربيتي مش سهل الاقي منفاخ يقدر على وزنها 1700 كيلو :D , انا باتكلم عن تجربة سابقة في عربيتي الهوندا لما كاوتشها نام و جربت منفاخ كهرباء بتاع حد معرفة كنت عندة في زيارة ماقدرش ينفخ الكاوتش و العربية عالارض, مع ان الهونجا مش عربية تقيلة
السلام عليكم
فيه نوعين فى كارفور و ايضا هايبر وان و منهم نوع غال شوية بحوالى 90 جنية شاكله كويس
و ايضا رأي من رأي أ/أدهم ان يتم التجربة على الكاوتش و هو راكب
هااااه طمننا عملت أية جبت أية و بكام و شغال و لا أية ؟؟
شكلك صرفت نظر عن الموضوع وللا أية ياباشا
بصراحة ملقتش حاجه عليها القيمه
وربنا يسهل ان شاء الله واي جديد ابلغكم على طوووووووووووووول ما تخفوش
انا اشتريت كمبروسور من حوالى 7 شهور من التوفيقية بحوالى 55 جنيه من محال كماليات كبير هناك و هو صينى الصنع و الحمدالله افادنى بشكل كبير جدا و انصح الكثيرين باقتناءه خصوصا لو المدام بتاعتك بتستخدم العربية حيث ان الكمبروسور مع قليل من الجهد يصبح بديلا فى كثير من الاحيان لتغيير الاطار مكان الاستبن و استخدام المفك و الرافعة و كل ما تحتاجه هو توصيل خرطوم الكبمروسور بالاطار المراد نفخه او تزويده و ووضع فيشة الكمبروسور فى ولاعة السيارة و نفخها
و هو ايضا مزود بعداد يعطيك القراءة الحالية لضغط الكاوتش - و معاه مجموعة من البلفات التى تصلح لنفخ الاشياء الاخرى مثل الكرة او قارب مطاط مثلا الخ الخ
و مكتوب عليه تحذير بان لا تستخدم الجهاز فى المرة الواحدة اكثر من 10 دقائق و ان يعقبها ايضا 8 دقائق راحة - و انا اشتريت ايضا عداد منفصل لقياس ضغط الكاوتش مثل الذى يستخدم عند بتوع العجل و تمنه حوالى 20 جنيه من منطقة قريبة من الرويعى و حديقة الازبكية
ايضا انا وجدت جهاز كمبيروسور يباع فى منطقة ش الجمهورية اكبر بقليل من اللى اشترتيه و تمنه حوالى 180 جنيه و هو صناعة تايوانى كما قال لى بائع المحل
لكن فى النهاية اقتناء هذا الجهاز مفيد جدا جدا جدا - تخيل انك رايح الشغل الصبح و لقيت العجلة
نايمة - كم من الوقت سوف يضيع فى استبدال العجلة ناهيك عن البهدلة - لكن باستخدام الكمبروسور اياه لن ياخذ اكثر من 5 دقائق
ملحوظة : الكمبروسور ايه مفيد فى حالة اذا كانت الاطار من النوع التيوبلس و ليس مزود باطار داخلى ( شنبر ) حيث ان الاطار الداخلى اذا نام معناه ان هناك قطع واضح ويجب علاجه
لكن فى حالة استخدام اطار تيوبلس بدون داخلى لو نام ممكن تزويده و المشى بالسيارة حتى اقرب محل كاوتش
ارجو ان اكون وضحت الصورة
انا معايا الكومبرسور دة من سنه 2003 اشتريته من اليابان كان وقتها ب 750 ين ...يعنى حوالى 37.5 جنيه وقتها... ممتاز و مع ذلك هو صناعه صينى!!! و بصراحه لا يوجد غنى عنه من وقت ما اشتريته...الملاحظه انه لا يستخدم لملىء اطار فاضى على الارض .دة فقط يزود لك العجله لو هى مفضيه شويه لغايه لما توصل لمحل الاصلاح...كمان لازم يكون الكاوتش تيوبلس...هو بياخد معايا حوالى 3 دقائق لملىء الاطار و مزود بعداد ضغط و انصح كل الزملاء باقتناءة نظرا لاهميته.
اشتريت التايوانى فى شهر اكتوبر 2007 بمبلغ 120 جنيه مصرى من عند "ابو الجوخ" فى ش الجمهورية
وكان عنده الصينى بمبلغ 85 جنيه مصرى بس هو قالى انه مش مضمون (الصينى)
والكمبروسور التايوانى ده ثبت انه اكتر من ممتاز بعد استخدامه
وعنده كمان مقياس صينى ديجتال ب 15 جنيه مصرى ممتاز جدا وعملى جدا ودقته لحد"0.5 psi"
نصيحة هامة:
فى حاله شراء المقاس الديجيتال الصينى يجب معايرته بمعنى انك بتروح لواحد او اكثر بتاع كاوتش يكون ثقة
وبتقوله يعملك الاربع فرد 30 مثلا وتقيس وراه مباشرة كل فردة بالمقاس بتاعك الديجيتال وتشوف الفرق كام بالزيادة او النقص وتاخده دايما ف الاعتبار
انا كان ال 30 عند تلاتة بتوع كاوتش محترمين كانت عندى بالمقاس الديجيتال 25(لاحظ الفرق 5 مش قليل لا وبالزيادة كمان)
اسف للاطالة
انا لقيت واحد ياياني اصلي كان عند الوالد ومش بيستخدمه..بقاله عنده اكثر من 20 سنة واخذته جربته على عربيتي...فعلا ممتاز ونفخ العجله 5 درجات في اقل من دقيقة .