نظفت المافول بس في مشكلة محتاج مساعدتكم بسرعة

**ehab** · 04-09-2009 11:28 AM

انا نظفت المانفول ب اسبراي كارب كلينر
المهم في خطوة انا نسيتها الي هي فك كتاوت طلمبة البنزين و مختش بالي من الحكاية دي المهم
العربية فضلت تنطر الوساخة من فتحات البوجيهات لحد ما ملقيتش حاجة بتطلع قومت مركب البوجيهات و جيت ادور العربية مدريتش قولت يمكن عايزة تنضيف تاني فكيت البوجيهات لقيت الوساخة ناطرة عليها بعدين قولت اجرب اخليها تطرد تاني الوساخة بلاقي الوساخة بتطلع في فتحة البوجيهات بس مش بتخرج لبرة .
العربية لانوس 2001 عاملة 100 الف بس تقريبا المانفول عمره ما اتنضف قبل كدا
ارجو مساعدتكم بطريقة عاجلة جدا جدا جدا .

**ehab** · 04-09-2009 11:58 AM

حاجة كمان نسيتها اني ركبت البوابة قبل ما اخلي العربية تطرد الوساخة هل دا ممكن يكون سبب لضعف قوة الدفع الطاردة .

**MMamdouh** · 04-09-2009 03:47 PM

التاخر فى الدوارة طبيعى لان السبراى راقد على البساتم... كرر عملية التدوير على الفاضى كذا مرة بفاصل 3 الى 5 دقايق عشان الكارب كلينر يطير

و موضوع البوابة كدة صح اصلا عشان تدخل اكبر كمية هوا ممكنة للمنافولد عشات تطرد المنظف... لو ركبت البوابة حتكتم الهوا و مفيش حاجة حتدخل للبساتم عشان تطرد المنظف غير شوية هوا قليلين اوى

MMamdouh

**ehab** · 04-09-2009 10:12 PM

شكرا يا استاذ محمد العربية دارت و كله تمام بس بعد ما فكيت البوابة في جوان بينها و بين المانفول القيته منتهي خالص مجرد ما مسكته اتكسر روحت اجيب واحد بداله فبقول للراجل عايز جوان مانفول راح مطلعلي حاجة كدا اربع خانات و قالي هوا دا الجوان حاولت افهمه الي انا عايزه معرفوش يا تري هو اسمه ايه الجوان دا ؟

**MMamdouh** · 05-09-2009 07:20 PM

دا جوان المنافول اللى بين المنافول و الوش

قول للراجل انك عايز الجوان اللى بين المنافول و البوابة

MMamdouh

**samirayad** · 05-09-2009 08:14 PM

خد الصوره دى معاك على الموبايل
يا أستاذ : أيهاب
وقول للبياع
أنا عاوز الجوان رقم 2 ده اللى فى الصوره
وبين البوابه ومجمع الهواء
أحتمال كده يفهم الوضع أحسن