ارجو الافادة انا عايز اجيب عربية في حدود 105 الف ومحتار مابين النيو النترا و النيو سيراتو ياريت حد يقولي اية عيوب و مميزات الاتنين ولو في اقتراحات تاني في حدود نفس السعر
عرض للطباعة
ارجو الافادة انا عايز اجيب عربية في حدود 105 الف ومحتار مابين النيو النترا و النيو سيراتو ياريت حد يقولي اية عيوب و مميزات الاتنين ولو في اقتراحات تاني في حدود نفس السعر
دى مقارنه بين العربيتين
http://www.nilemotors.net/Nile/81095-a.html
وشخصيا أرشحلك السيراتو
اوتوماتيك ب 103 الف
زود عليهم 5000 واركب هيونداي هاي لاين خليجي ..هتكون احسن وارخص من السيراتو وخاماتها هتكون احسن
بردة برشح الالنترا الهاى لاين الخليجى
مشكورين
دلوقتي الكلام هيختلف !
ممكن حضرتك تفتح قسم كيا وتشوف عدد العيوب اللي الناس طلعتها في العربية اللي مبقالهاش كام شهر.
اكيد الالنترا افضل . عربية مجربة على مدى اكتر من 15 سنة ومفيهاش مشاكل .
خصوصا ال gls .... رائعة.
خاليك فى الالنترا على سمعتها كويسة وخامتها الداخلية افضل
معلش ممكن تقولي ايه هي العيوب اللي الناس طلعتها في العربيه علشان هي معايا وكل اللي معاهم مشتكوش اللي بيشتكي ناس لا شافتها ولا ركبتها
رجاء تحري الامانه
اما بالنسبه لصاحب الموضوع صلي استخاره وروح اركب الاتنين واللي تستريحلها جيبها
العربيتين اختيار جيد جدا ولا يذكر لها اي عيوب
وسيبك من كلام اللي معهوش العربيتين لانه حيبقي انطباع شخصي بدون تجريب لاي منهما
اولا انا مبتكلمش من دافع انطباعات او احساس . انا امتلك بالفعل الالنترا 2009 اوتوماتك.
ثانيا: بالنسبة للسيراتو بعض الاخوة في قسم كيا طلعوا فيها بعض العيوب .
مثلا:
العربية مش مصفحة من تحت .
العزل فيها سئ واللي سايق بيحس بحرارة قادمة من اسفل السيارة لما تمشي بيها مسافات طويلة.
الصاج خفيف بدرجة كبيرة جدا.
العفشة بتاعتها من الخلف مش متعددة الأذرع مما يعطي ثبات اقل في المنحنيات على سرعات عالية.
وده مش كلامي ده كلام منقول من قسم كيا وانا مش متأكد من صحته100 % عشان محدش ياخد بالكلام ده غير لما يتأكد منه .... والله اعلم
يعني هي الالنترا اللي مصفحه من تحت
السخونه مش سخونه بالمعني المعروف ودي موجوده في كل العربيات حسس جنب الكونسول حتلاقيه دافي
بالعكس عندي لانسر بومه 2008 بتسخن اشد منها
العفشه محدش يتكلم عليها غير اللي جربها وبعدين تقول ايه معناها
الصاج خفيف دي ميزه فيها مش عيب وممكن تقري عن موضوع الصاج شويه وانت تعرف
ولانه فعلا مش كلامك وانت مش متاكد منه ياريت ما يتمش تداوله لمجرد النصيحه
عايز تنصحه انصحه بمميزات عربيتك مش بعيوب اللي قدامها ( وانت كمان مش متاكد منها)
- الالنترا مصفحة من تحت.
- السخونة وسوء العزل ده عيب في العربية وتوكيل كيا قال انه هينزل عوازل .
- انا متفق معاكي وانا من وجهة نظري الصاج الخفيف ميزة في التسارع وقلة استهلاك البنزين. ومش معني ان الصاج خفيف ان العربية امانها ضعيف . لان في تقارير الامان الكرولا واخدة 5 من 5 والاوكتافيا اللي صاجها تقيل واخدة 4 من 5 ...
- اعتقد ان السيراتو تتفوق على الالنترا في التصميم الخارجي فقط والالنترا تتفوق عليها في جودة الخامات الداخليه و العزل الممتاز و العفشة متعددة الاّذرع من الخلف والتصفيح من تحت العربية.
وبالنسبة لعوامل الامان دلوقتي غبور نزل الالنترا الاوتوماتك بعوامل امان ( abs - ebd - airbags).
الالنتر عربية من وجهة نظرى المتواضعة افضل من السيراتو فى حاجة , وهى ان بقالها فترة فى السوق واثبتت نفسها فعلا فى الانتشار , ويعيبها بس من وجهة نظرى الافتراء اللى بيعمله فينا غبور سواء انه شال عوامل الامان منها ويوم ما نزل عوامل الامان خلى اسعارها غالية ,ولو نزل فى سعر العربية بيبقا مضطر عشان السيراتو لانها بتنافسه بقوة ,
وبالنسبة لموضوع الامان وقياسات الامان اللى بنشوفها بره يا جماعة دول بيركزوا فيها على سلامة الاشخاض فى الاول قبل الصاج وبعدين بصوا على العربيات اللى بيتعمل عليها اختبارات الامان حتلاقى العربية فيها ايرباجز كتيرة ,( يمكن لو بصينا تحت العربية نلاقى كمان هههههههههه) ولكن نشوف العربيات اللى بتنزل مصر متشال منها كل حاجة ولو نزلوا اى ايرباجز بيحسبونا عليها باسعار عالية ويعملوه فئات بمعنى ان فى عربية نازل معاها واحد بس ودى بسعر كذا , ولو فى فئة تانية يقولكم اصل دى اغلى عشان نازل فيها اتنين وهكذا بس اننا بنتذل
فمفروض بصراحة وسائل الامان تنزل فى العربية ومش يتشال منها حاجة ابدا , ومحدش يقولى اصل الجمارك غالية عليهم , فى واحد اكدلى الكلام ده لانه من ملاك العربية ان الرينو فيها وسائل امان قدام وفى الخلف وفى الاجناب كمان , ولوالجمارك غالية بصراحة يبقا مفروض مبيقاش فى جمارك على حماية الناس ووسائل الامان فى العربية وممكن ياخدوا جمارك على الكماليات والرفاهيات , ولا ايه يا جماعة
اما بخصوص الصاج ان كل ما بيخف احسن للجرى واستهلاك البنزين , الكلام ده حقيقى فعلا بس مصر عندنا صعب تجرى فيها كل البلد وماليانة حوادث كبيرة وخفيفة , ده الدائرى بتاع السلام فى حتة شق فى النص يقلب اجدع عربية وغيرالتريحات على العربيات بقة موضة دلوقتى لما حد يريح عليك فى مطلع او فى الشارع او فى اشارة بقا عادى جدا ومش معقول من تريحة او خبطة صغيرة الاقى الصاج اتبهدل , فدى بتخلى الواحد يقلق طبعا بس مش فارق كتير صاج النترا عن السيراتو بس الالنترا اقوى شوية من السيراتو
وبردوا السيراتو بتتفوق فى الشكل الخارجى وبتتفوق فى كثرة الكماليات اللى نازلة مع السيارة عشان كدا هى تكسب عن الالنترا
وغير كدا يا سبحان الله توكيل كيا هنا فى مصر محترم عن توكيل غبور , لان بره فى دول الخليج سيارات هيوانداى عملة شغل اكتر من كيا , فالنسبة الى الاختيار للتوكيل اخترلك توكيل كيا افضل من غبور هنا
فى النهاية اختار السيراتو عن الالنترا مع انى بحترم الالنترا جدا
- بالنسبة لاختبارات الامان مبتكنش مقياس على الايباجز بس . الموضوع اكبر من كده بكتير. ده بعد ما الاختبار يخلص بتلاقي مهندسين واقفين وبيشوفوا العربية من جميع النواحي وبيفتحوا الابواب بعد التصادم .
مقياس الامان في العربيات كذا حاجة واهمهم ان الهيكل يكون مصمم بحيث يقلل الصدمة لمقطورة الركاب الدالخلية خصوصا لو العربية اتخبطت من قدام.
يعني عندك مثلا اللانسر شارك اللي بيوقولوا انها اخف صاج لكن اتفرج عليها لما تاخد صدمة جامدة جدا من قدام هتلاقي الطابلوه متحركش من مكانه ومفيش اي تشوه داخلي في العربية. وده المهم قبل الايرباج.
لكن التصادم الجانبي برضه بيعتمد على الهيكل والايرباجز بشكل مهم.
عشان كده الالنترا واخدة في اختبارات الامان 5 من 5 في التصادم الامامي و 4من 5 في التصادم الجانبي.
وبرضه خفة الصاج مش هي العامل الوحيد اللي بيحدد ثبات العربية على السرعات العالية. المهم في الثبات تصميم الايرودينامكس بتاع العربية و العفشة تكون ماكفيرسون من الامام وتكون متعددة الاذرع من الخلف.
حد يقارن بينهم من جوه ارجوكم
انا ماشوفتش من جوه غير الالنترا وهى تحفه .....حد شاف السيراتو من جوه ؟