السلام عليكم ورحمة الله وبركاتة
انا عندى اوبل كورسا 1600cc موديل 2007 مستعملة وكنت عايز ابدلها برينو لوجان الجديدة زيرو
فاية راي اهل الخبرة ولو فية اقتراح لاى عربية تانية افضل من الرينو فى سعرها كدا اكون شاكر:11:
عرض للطباعة
السلام عليكم ورحمة الله وبركاتة
انا عندى اوبل كورسا 1600cc موديل 2007 مستعملة وكنت عايز ابدلها برينو لوجان الجديدة زيرو
فاية راي اهل الخبرة ولو فية اقتراح لاى عربية تانية افضل من الرينو فى سعرها كدا اكون شاكر:11:
اكيد منبدلش الاوبل باللوجان ولا اى حاجة اصلا فى نفس السعر
الاوبل اوبل
شكرا على رايك يا استاذ شريف . كدى انت هتخلينى ارجع فى كلامى عن البيع
كنت عايز اسئل حضرتك سؤال عشان نعرف ندخل فى مقارنة .
حضرتك عايز تبيع عربيتك الاوبل ليه ؟
السؤال دة حيوضح اكتر الحاجات اللى مش عاجباك فى الاوبل وهل لو بعتها حاتلاقى
الحاجات دى فى عربية تانية بنفس سعر الاوبل المستعملة يا ريت ياباشا توضحلنا اكتر
عشان اعضاء وخبرات المنتدى يقدروا يفيدوك
شكرا لاهتمامك يا استاذ رنجوو
انا عايز ابيع العربية لانها مستعملة ولسة مغيرلها كمبروسر بتاع التكيف وانا بكرة اروح اصلح العربية كل شوية والحمد لله هيا دلوقتى تمام بس خايف تعمل معايا دقة نقص تانى ولانها مبقتش تنزل مصر ودة مخوفنى لسعرها ينزل
وانت عارف ان الزيرو مشاكلة قليلة
طالما الاوبل شغالة كويس يبقى منصحكش تغير لانك ممكن تجيب عربية
زيرو وادائها ميعجبكش لانك راكب المانى وموديل العربية 2007
يعنى مش موديل قديم خلى الاوبل معاك شوية خد خيرها وبعد كدة
تبقى حضرتك تفكر فى الزيرو وربنا يوفقك لما فيه الخير
كلام ringoo سليم لو عربيتك كويسة بلاش و لو عايز تغير دور علي حاجة اعلي شوية عشان تحس بفرق
لا منصحكش .. الاوبل اعلى .. وطبعا دي مش حاجة تقلل من اللوجان لان برده رينو شركة محترمة .. بس لما تركب اوبل بالذات لما تيجي تغير لحاجة تانية لازم تركب حاجه اعلى ان شالله تكون راكب توكتوك اوبل .. لازم تركب بعدها توكتوك بي ام او مرسيدس .. والاوربي ليه جماله ورونقه برده
شكرا على كل ردودكم وفعلا انا هسيب الاوبل معايا