لسه شارى لانوس 2 ولاحظت كام حاجة

**sayedmsm2** · 04-09-2009 08:27 PM

انا لسه شارى لانوس 2 من اسبوع موديل 2003
ولاحظت كام حاجة عايز اعرف ليها حل
1- فيه صوت خفيف زى خبطه او دبدبة من الخلف ناحية اليمين لما اعدى فوق مطب منخفض
2- استهلاك البنزين لاحظت انها بتستهلك كتير جدا ......هوه ده عادى ولا ايه ؟
3- سخونة المحرك بس من غير موشر الحرارة مايزيد على النص وده بيبان لما احط ايدى على كبوت العربية
4- العربية بتحك فى المطبات العالية بتاعة بلدنا المحروسة ( ناس قالولى اعمل تعلية 2 سم للعربيه)ايه رايكم ؟
5- صوت الموتور شويه عالى دا طبيعى ولا لا ؟
والف شكر لكل من يقرا........ومليون شكر لكل من يرد ويفيدنى ويفيد ناس تانيه عندها المشاكل دى او مشكلة منها

**hanycapoo** · 04-09-2009 08:37 PM

باشا الف مبروك الاول العربية زى الفل وهتعجبك بص ياباشا حكاية السخونة بتاعة المحرك متشيلش هما لانالاانوس الهاف اوبشن بيبقة مفيهاش بطانة للمحرك عند الكبوت فبتحس انها سخنة بالنسبة للبنزين ياريت تقول استهلاك عالى ازاى يعنى اما بالنسبة للصوت دة ممكن يكونكوبلن بيطقطق او مقصات اعمل الاول طقم السيرفيس وبعدين روح لبتاع عفشة كويس بس قولنا مواصفاتها اية وجبتها بكام وربنا يديك خيرها ويكفيك شرها ومبروك تانى مرة

**MMamdouh** · 04-09-2009 08:49 PM

المشاركة الأصلية كتبت بواسطة sayedmsm2

1- فيه صوت خفيف زى خبطه او دبدبة من الخلف ناحية اليمين لما اعدى فوق مطب منخفض

ربط عفشة

2- استهلاك البنزين لاحظت انها بتستهلك كتير جدا ......هوه ده عادى ولا ايه ؟

اولا بتحسب الاستهلاك ازاى و ثانيا العربية بتعمل كام كيلو فى الصفيحة؟

3

- سخونة المحرك بس من غير موشر الحرارة مايزيد على النص وده بيبان لما احط ايدى على كبوت العربية

سخونة الكبوت ملهاش اى علاقة بسخونة الموتور... طالما مؤشر عداد الحرارة قبل النص بحاجة بسيطة يبقى حرارة الموتور طبيعية

4- العربية بتحك فى المطبات العالية بتاعة بلدنا المحروسة ( ناس قالولى اعمل تعلية 2 سم للعربيه)ايه رايكم ؟

تعلية لعربية غلط بالرغم من ان فيه ناس بتعمل كدة

ثبات العربية حيقل و ممكن المساعدين تدب فى المطبات

5- صوت الموتور شويه عالى دا طبيعى ولا لا ؟

دا عادى فى الدايو

MMamdouh

**samirayad** · 04-09-2009 10:52 PM

أولا مبروك على السياره
ثانيا
غير سير الكاتينه وبوجيهاتك والشداد وأكشف على طلمبة الميه والفلاتر
قبل الحكم على سخونة السياره والأستهلاك للبنزين والصوت
وبالنسبه للدبه فى الجانب الخلفى يمين
مراجعة العفشه حيبين الوضع
وأعتقد حتحتاج تغير مساعدين ورا
وتغير اليايات الخلفيه ( لو كانت طريه )
أو تحط علايات كاوتش لتعويض فرق المرونه لليايات الناتجه عن الأستخدام السابق للسياره