الموضوع: شكر واجب لمركز صيانه كيا فرع روكسى

حقيقى الناس كلها بتشكر فى مراكز الصيانه بتاعت كيا فى ابو رواش والقطاميه لكن الواحد حاسس ان مركز صيانه روكسى حقه مهضوم الاسبوع اللى فات حصلت مشكله فى عربيه مراتى النيو سيراتو وودينها توكيل روكسى بصراحه من اول الناس اللى ردو علينا فى الكول سنتر كان بيطمنو كل شويه ان الونش وصل علشان يقطر العربيه ولغايه لما وصلت مركز الصيانه لغايه مهندسين الصيانه المهندس / عمرو اللى استقبل العربيه علاطول مع ان الساعه كانت 11.30 بليل وادانى رقم موبيله علشان اتابع معاه والمهندس محمد يحيى برضه اللى لما حصلت مشكله بسيطه تانيه بعد ما استلمت العربيه ماتخنقش منى ولا اى حاجه فتح العربيه وحاول يحلها بنفسه مع ان الساعه كانت 10 بليل ولما معرفش قال هاتوها الصبح نحلها والمدام اول ماراحت دخلوها اول واحده وحلو المشكله فى اقل من 5 دقايق ناس ممتازه وتوكيل محترم وبصراحه دى حاجه من اهم الحاجت اللى تخلى الواحد يفكر انه يشترى من كيا بمختلف انواعها وشكرا لرجاله توكيل روكسى اللى متاخد عنهم سمعه مش فى نفس سمعه الفروع التانيه وربنا يبارك لكل واحد جاب عربيه كيا او ناوى يجيب عربيه من توكيل كيا . ورمضان كريم