فين المشاركات والاراء , ولا الموضوع مش حلو ومش مفيد
عرض للطباعة
فين المشاركات والاراء , ولا الموضوع مش حلو ومش مفيد
أنا عن نفسى الموضوع عاجبنى .... بس المشكلة الحقيقية للعربية دى التوكيـــــــــــــل
و كمان أنا عديت بصيت على السكودا فابيا و بجد ما شـــــــاء الله تحفة
فالصراحة لو الألمانى دخل فى المقارنة, يبقى الألمانى يكسب أكــــــيد
و لا إنت شايف إيه يا أحمد ؟
تقرير مميز يا باشا
ربنا يوفقك لما فيه الخير
( ahmedelsaeed ) الاسكودا فابيا تحفة طبعا ولا خلاف عليها بس صغنونة وانا معايا بولو وزهقت من الهاتش باك وعاوز عربية كبيرة وبشنطة واسعة وغير كدا سعرها ميعديش ال110 الف عشان امكانياتى , وحتى مش حقدر اشترى كاش ده حيكون قسط
اما بخصوص التوكيل انا مش اتعاملت معاه بامانة عشان اقدر احكم عليه, بس الشكوى اللى جت منه فردية مش عامة وغير كدا الشكوى اللى جت على فرع الدقى وانا اعرف ان مودرن ليها فروع اخرى زى ابو رواش , الاهم من ده ان سمعت ان السبع بيعمل صيانات العربية بردوا عندهم , وبعدين التوكيل فى الدقى موجود ولو عايزين ننزل نروح نتفرج على صيانتهم وشغلهم محدش حقولنا لا
(ahmed_su) الله يخليك وشاكر على مرورك الكريم وشرفتنى ونورتنا بوجودك معانا وسعيد عشان التقرير والمجهود عجبك ويارب نكون عند حسن ظنكم دايما
على فكرة يا أحمد مش صغنونة خالص ... دى ما شاء الله واسعة جدا من جوه
بس هى النقطة فى حتة الشنطة فعلا ... مع الوقت بتحتاجها
Mr . ali357
Can you please give me the number of the nissan Tida dealer because I am interested in it.
Thanks in advance.
فين الاراء يا جماعة والردود والمشاركات
هو المجهود مش عجبكم ولا ايه , ده كله كان عشانكم والله
على فكرة يا أحمد أنا عديت النهارده على معرض و شفت العربية
ما شــــاء الله تحـــــفة .... عجبتنى جدا جدا
زيارة العين تفرق كتير عن الصور ..... لا بجد عربية ما شاء الله هايلة
أنا فعلا هحطها على قائمة العربيات اللى ممكن أجيبها
------------------------------------------
اكيد طبعا زيارة العين تفرق طبعا عن الصور , والحمد لله ان التقرير عجب بعض الناس وقدرت اساعد اعطى للعربية دى جزء من حقها , ولسه كمان حروح تانى عشان اعمل تيست دريف بنفسى بعد العيد باذن الله فى فرع مدينة نصر عند كريم , بصراحة مهندس المبيعات اللى هناك كريم ناصر كان متعاون معانا جدا فى الجولة اللى عملناها وسبنا نفصص العربية ونصورها وانشاء الله حنروح له تانى عشان نعمل تيست دريف
وياريت صديقنا واخونا العضو مكاوى مينسناش فى تقييم للعربية اللى معاها لانه مهم جدا
وحستناك يا احمد نروح مع بعض باذن الله وحكلمك وانسق معاك