الموضوع: اخر كلام فى عرض رمضان للسيارة سيريون

الكلام ده لموديل ال gl بس و لا ال glx كمان ؟

الحقيقة مش عارف بس ممكن حد يعرف يفيدنا

العرض يا جماعة لغاية اخر رمضان

و مدة التقسيط 5 سنوات

و قيمة القسط 1700 لمدة 60 شهر بالنسبة لسيريون وان

1900 قيسمة القسط لمدة 60 شهر بالنسبة لسيريون 1300 اتوماتيك

وده شامل التأمين الشامل مع شركة تأمين تكافلى اسلامى

و كان حد قال انه لو العربيةاتخبطت انت توديها التوكيل و هما يصلحوها و هما يحاسبوا شركة التأمين و انت تريح اعصابك يا معلم ....... بصراحة حاجة مريحة جدا لو كان الكلام ده صح ....... يبقى كده تمام

بصراحة بعد ما الواحد قرر يبعد عن السيريون و رسيت على الياريس ....... دماغى ابتدت تلعب تانى .... و مش عارف اعمل ايه ...... بصراحة الراجل عبد اللطيف جميل ده راجل محترم اوى و بيعمل عروض قوية جدا ..... محدش عملها قبله .... و الراجل بيخليك تجيب العربية بالحلال يا معلم

انا بجد محتار بين الياريس و السيريون 1300 مانوال....... و اللى مخلينى متماسك و ماسك نفسى انى مروحش احجز السيريون انه العرض على 1000 سى سى و 1300 اتوماتيك ...... معرفش ليه مش على 1300 مانوال اللى نفسى فيها ...... و اللى مجننى انه توكيل تويوتا و لا على باله خااااااااااالص ........نفس الاعلان بينزل من شهور و لا فيه عروض و لا تقسيط و لا زمامير حتى ؟؟؟؟؟؟ و اللى مقلقنى كمان انى من الصعيد و مفيش توكيل و لا خدمة تويوتا فى الصعيد كله حاجة غريبة الصراحة ..... مع ان دايهاتسو عامل مركز بيع فى قنا و بيع و صيانة فى الاقصر ...

بس هوا ليه عامله على الموديلين دول بس ؟؟؟؟؟؟؟ من غير الباقى موديلات السيريون و لا التيريوس و الماتيريا ؟؟؟؟؟؟؟

لو حد يقدر يساعدنى فى حيرتى دى ...... ياريت يا جماعة و يبقى ليه الاجر و الثواب

انا استخدامى قليل و كله جوه المدينة ....ممكن لو سافرت يبقى مرة فى الشهر او شهرين و عندى طفلين صغيرين ؟؟؟؟؟؟؟؟؟؟