السلام عليكم و رحمة الله و بكاته
احلى تحية لاحسن شباب في المنتدى كله و همه البرتوناوية
يارب تقبلوني ضيف جديد عليكم ويا رب ما كونش ضيف رخم
انا بعد تفكير عميق و تدوير كتير حول موضوع السيارات ده ربنا هاداني الي حبيبة قلبي gen2
وانا من كتر ما شفت حبكم ليها و المقارنات اللي اتعملت ما بينها و ما بين سيارات اغلى و احدث منها بكتير
بيؤكد ان السيارة دي 100 100 بمعنى الكلمه و اللي مش مصدق يقرا نص المواضيع اللي مكتوبة عنها
دانا قريت حتى الاشعار اللي الناس كتبنها فيها المهم انا عايز اطلب من احلي شباب شوية مساعدات كده
اه انا نسيت اقولكم انا روحت فرع التوكيل اللي في العجوزة وقابلت استاذ وائل من المبيعات و دفعت 1000 جنيه حجز
و طبعا التعاقد ده على جين 2 2010 بس طبعا هيا مش موجوده دلوقتي و هو قللي انها جاية علي نص 9 كده
انا معايا حوالي 30000 و عايز اقسط ال 55000 الباقيين ( علي اساس ان العربية ثمنها 84900 )
ندخل فب الموضوع انا عايز اطلب منكم ايه :
1- ادعولي تكون من نصيبي و قسمتي
2- عايز اعرف هيا فعلا هاتيجي في نص 9 ولا هيا جايه في 10 زي ما بتقولوا (انا مستعجل موووووت ونفسي اركبها امباح)
3- موضوع الخصم اللي في التوكيل ده ساري على القسط ولا ده لما العربية تكون كاش ؟
و لو الموضوع ساري علي القسط لازم يكون في فرع الصحراوي ولا ممكن اخد الخصم ده من فرع العجوزة برده
و لو لازم الصحراوي اروح اسحب الفلوس من العجوزة واوديها الصحراوي ولا اروح بالوصل علي طول للصحراوي(معلش يا جماعة اصل اخوكم يفرق معاه ال 1000 و ال2000 دول عشان انا هاقسط الباقي)
4- انا عايز اشترك في كل ال clubs اللي انتوا عاملينها و عايز الاستيكر بتاع ال nile motors بتاعكوا عشان اخد نسبة الخصم اللي انتوا عاملينها
5- عايز بردوه اعرف ايه اللي المفروض استلموا لما اجي استلم العربية (باءذن الله) - يعني اجرب التكييف و ابص على الموتور - وايه الحاجات اللي اتاكد منها عشان اتجنب موضوع عيوب التقفيل
6- عيز اعرف هل ممكن اشتري قطع الغيار من بره التوكيل واركبها فقط جوا عشان مطلعش بره الضمان و ايه هيا الحاجات اللي ممكن تتركب و منغير ماطلع بره الضمان و ايه المحلات اللي ممكن اجيب منها قطع الغيار المضمونة و الرخيصة مع العلم اني من القاهرة-العباسية
7- عايز كم بقه يا جماعة تشهيصوني كده و تقولولي على كل شىء جديد و انا من ناحيتي ححاول برده اكون عضو مفيد ليكم و لو عرفت اي حاجة جديدة اقدر افيدكم بيها او افيد اي شخص جديد عايز يشتريها مش هاتردد ثانية في اني اقولها
انا عارف اني طولت عليكم بزيادة بس انا طمعان في كرمكم و انتوا اللي خلتوني اطمع فيكم من الاول
لو مكنتوش احسن ناس في المنتدي -من رايء المتواضع- مكنتش طمعت فيكوا
كل سنة و انتم جميعا بالف خير
اخوكم شريف فوزي
المفضلات