مقاطعة شراء السيارات الجديدة في مصر الي حين احترام زكاء ووعي المستهلك المصري

مقاطعة شراء السيارات الجديدة في مصر الي حين احترام زكاء ووعي و عقلية المستهلك المصري و قدرته علي التحكم في رغباته الشرائية عند الضرورة و ذلك الي ان تتراجع الاسعار الي معدلاتها الطبيعية كما في الخارج

اتمني ان الناس تتفق علي المقاطعة اللي لو فعلا حصلت لمدة 3 شهور بالكتير انا متأكد ان حيبقي ليها رد فعل جامد جدا و الاسعار حتنزل بدون شك
بس المهم ان الناس تبقي فاهمة إنها هي المتحكمة في كل السوق مش العكس
و طبعا بقي ساعتها بتوع العربيات حطلعوا اشاعات و تقول العربيات حتغلي مش حترخص فالناس تترعب وتجري تشتري
و الله يا جماعة كله في ايدنا

ودة موقع فيه اسعار السيارات بالدولار و اتصدموا زي ما انا اتصدمت
http://www.internetautoguide.com/car...nda/index.html
مع ملاحظة فرق مستوي الدخل بين مصر و بين اي دولة تانية

صعب أوي أننا نتفق علي حاجة و علي رأي أخونا الاستاذ / أحمد أبراهيم اللي قال أمبارح أننا مابنعرفش حتي نتفق علي الوقفة في صف أثناء الصلاة و لو كان هذا الصف مكون من ثلاثة

الحكاية مش مقاطعة الحكاية هي سلوكيات و فكر شعب أنعدمت لديه ثقافة البيع و الشراء كما أنعدمت لديه ثقافات أخري كثيرة

متتعبش نفسك كلوا راح اشترى بالرغم من الكلام دة كلة وانهم بسرقونا وجشع التجار بالعكس انا حاسس ان الناس كانت مستنية الاسعار لما تغلى علشان تشترى لاحول إلابالله يارب دا حتى المبيعات اتحسنت بالرغم من الازمة الناس ماشية بالعكس لعلمك سبب الرخص فى باقى الدول بسبب انهم عندهم مخزون كبير ثانيا عندهم موديلات تانية مش محصورين على موديلات معينة زينا عندهم كل العربيات اللى تتوقعها بورش فيرارى بوجاتى لمبورجينى وسعرها مش غالى بالنسبلهم فعندهم بدائل اغلبية المبيعات بتتحسن عندنا لانهم ابتدوا يدخولوا الاسواق هنا واحنا بطبيعتنا شعب مستهلك



تعديل بواسطة مشرف عام .4

أنسى الموضوع ده خالص لآن أغلب المصريين اللى بيشتروا عربيات زيرو دلوقتى مش تعبانين بفلوسها

ممكن الناس تتجه لشراء المستعمل مؤقتا لو فعلا فيه فكر لتغيير ، بس ده لازم يكون نابع من الشخص ذات نفسه ميبصش لباقي الناس و يقول إشمعنا هوا يعني أنا إلي هفرق ؟؟!!!!

اقتباس:

---

المشاركة الأصلية كتبت بواسطة waelwael

أنسى الموضوع ده خالص لآن أغلب المصريين اللى بيشتروا عربيات زيرو دلوقتى مش تعبانين بفلوسها

---

ماعتقدش كلام حضرتك سليم

اغلب الناس طلعان بوزها و بوز اهاليها سواء في تمن العربية المتحوش من زمان او في الاقساط الشهرية

و اللي مش تعبان و بفلوس اهله ما اهله برضه تعبانين

اقتباس:

---

المشاركة الأصلية كتبت بواسطة أحمد كمال

ماعتقدش كلام حضرتك سليم

اغلب الناس طلعان بوزها و بوز اهاليها سواء في تمن العربية المتحوش من زمان او في الاقساط الشهرية

و اللي مش تعبان و بفلوس اهله ما اهله برضه تعبانين

---

+1

بالإضافة الي ان حضرته لو بص على المواضيع اللي موجودة هنا في نايل موتورز هيلاقي ان ناس كتير بتسأل و تستفسر عند الشراء و بعد الشراء للمحافظة على العربية لأطول فترة ممكنة لانهم فعلاً بيتعبوا في فلوسها...

لسة الاماني ممكنة ممكنة

ده لما كان في ازمة و اسعار العربيات نزلت في العالم كله بردو الناس مبطلتش تشتري و راح الوكلاء طلعوا كلام ان الاسعار هاتزيد زي الياريس مثلا رفعوها لحد 100 الف تقريبا و بعد كده الناس بدات تشتري راحوا قال ايه سعر الين نزل فقرروا يعفوا عننا و ينزلولنا ثمن العربية و احنا زي الهبل فرحنا العربية رخصت و رحنا اشترينا و المصيبة بقي انهم لحد دلوقتي لسه بينزلوا اعلان بتاع انخفاض سعر الين و اسعار جديدة و تتصل يقولولك لا ده هو هو الاعلان القديم مفيش اسعار جديدة و لاحاجة احنا شعب بيساق طبقا لنظرية القطيع و اسف علي التشبيه لكن دي الحقيقة و اللي متابع سوق الحديد و الاسمنت هايتاكد من الكلام ده

اقتباس:

---

المشاركة الأصلية كتبت بواسطة waelwael

أنسى الموضوع ده خالص لآن أغلب المصريين اللى بيشتروا عربيات زيرو دلوقتى مش تعبانين بفلوسها

---

التعليق ده خطير ( طيب ادينى أمثلة ) مع العلم ان مش كل اللى جايبين عربيات جديدة شباب

ياعم مش تعبانين ازاي بس حرام عليكم هو في حد زينا مش لاقي ياكل و يعيش عيشه مرتاحة و مصر انه يركب عربية زيرو يبقي ازاي مش تعبان في فلوسها ده طالع عين امه في فلوسها و الفئة اللي حقيقي مش تعبانه في فلوسها دي مش تتعدي 10% من مبيعات العربيات

ياجماعه انتوا بتتكلموا في ايه انا اشتريت عربيتي كرورلا 2002 سنتها كانت ب 77 الف بعدها بكام شهر بدات العربيه توصل ل 83 و 90 و نطت اسعار العربه ل 130 في 2003 ومنتشرتش الا لما بقت فوق ال 100 الف ناس غريبه تقلي ناس تقاطع !

طول اما مفيش رقابة على تجار السيارات واصحاب المعارض والتوكيلات حيفضلوا يسرقوا بالشكل دة ويغشوا المستهلك المصرى وبلمناسبة مفيشش حد مش تعبان فى الفلوس دة سواء شاب او مدير ادارة لو منا مرفهين للدرجة دى مكنش دا بقى حال البلد دة اغلبية الناس بنسبة 70 % بشتروا بالقسط وجمعيات علشان يقدروا يشتروا وال10% بيشتروا كاش و20% بيشترى مستعمل لنا الله ياجماعة وربنا يكرمنا جميعا للعلم احنا اللى بنخلى التجار يرفعوا الاسعار لاقبالنا الشديد على الشراء مهما كان السعر