السلام عليكم أهالي نايل موتورز

شفتوا اللي حصلي


إهئ إهئ....كنت عاملة لواحد توكيل يجبلي شهادة بيانات ومخالفات لزوم تجديد الرخصة


طبعا انا كنت متوقعة مخالفات كتير بس صف تاني لاني بعملها كتير بصراحة

الغريبة بقي اني لقيت سبعمية وحاجة...المبلغ اقل مما توقعت ولله الحمد

بس كلها مخالفات حزام...ونا بربطة من ونا بسخن العربية حتي..عشان بس مقرفش نفسي واعرض نفسي

لكلمة او رشوة لكل من هب ودب


ثانيا حديث فلموبايل...وبنفس الطريقة ديما بركن ونا برد ع الموبايل مش عارفه الراجل بيتهيأله اني ماشية ونا راكنة ولا ايه


فعلا محروق دمي

عشان اخد مخالفات علي حاجات مبعملهاش....
طب اصوت؟؟

الطم؟؟

يقولوا الولية اتجننت؟؟
طب انا امبارح بس في سواق تاكسي كان بيرخم علي واحد فرمسيس..وكان تقريبا بينتحر قدامي ولف 90 درجة

قدامي ونا ماشية علي تسعين بس ربنا ستر...وكان قدامننا 3 امناء شرطة ولا حد اتحرك

بس الحمدلله اتخفضوا ل 145 جنيه بس وهبقي اشتري بالباقي بيبس