ابراهيم الفقي في منافسه مع هيفاء وهبي!!!!

**Terrible_DaRsH** · 05-09-2009 03:46 PM

نصاب ايه ؟؟

هو تاجر خضار فى سوق العبور علشان تقولوا عليه نصاب ؟

روحوا اسمعوا قصة حياته الاول و ازاى وصل للى هو فيه و بعدين احكموا عليه ..

و بعدين هو بايع اكتر من مليون نسخة لكتبه حول العالم و كتبه محققة نجاحات فظيعة , معتقدش ان حد فيكم اشترى كتاب له و لما فتح الكتاب لاقاه كتاب نكت علشان تقولوا عليه نصاب و بياع كلام .

**mando_07** · 05-09-2009 08:15 PM

المشاركة الأصلية كتبت بواسطة terrible_darsh

نصاب ايه ؟؟

هو تاجر خضار فى سوق العبور علشان تقولوا عليه نصاب ؟

روحوا اسمعوا قصة حياته الاول و ازاى وصل للى هو فيه و بعدين احكموا عليه ..

و بعدين هو بايع اكتر من مليون نسخة لكتبه حول العالم و كتبه محققة نجاحات فظيعة , معتقدش ان حد فيكم اشترى كتاب له و لما فتح الكتاب لاقاه كتاب نكت علشان تقولوا عليه نصاب و بياع كلام .

+1111111111

**HAMZAWY** · 06-09-2009 12:49 AM

انا اسف يا جماعة محدش يزعل منى
ربنا بس يكرمنا ونبقى بلد ديموقراطى والواحد يعرف يقول رايو براحتو

مع ان فى حد برضو فى الموضوع قال عليه وحش بس محدش كلمو

ابراهيم الفقى احسن واحد فى الدنيا

**aymansaad** · 06-09-2009 12:59 AM

الراجل دهاسلوبه رائع ومقنع واهم حاجة بتعجبنى انه دائما يربط الحياة بالدين على عكس معظم بتوع علم النفس

**sherif222** · 06-09-2009 01:32 AM

فيديو جامد جامد ... شكرا

**evoo90** · 06-09-2009 03:29 AM

فعلا الراجل ده نصاب
قدر يضحك وينصب على علماء وخبراء واساتذه ودكاتره العالم كله
على اساس انه كائن فضائى وخارق الذكاء وبيطير من على الارض
اقروا الناس الكبيره الخبيره بتقول عليه ايه؟

فى رأيى يعتبر الدكتور ابراهيم الفقى من افضل المحاضريين العلميين
( برناديت ريكارد مذيعه kpl اويزيانا الولايات المتحده )

اكثر من رائع ومهاره منقطعه النظير فى فن العرض
( دكتور كليمنت جونسون طبيب تكساس الولايات المتحده )

ممتع ومتمكن ويصل الى المستمع بسرعه وقوه لم ارها من قبل
( كريستيان ماكدونالد مونتريال كندا )

غير الكتير والكتير العرب والاجانب

شوفوا كم الجوايز اللى واخدها
شوفوا كم المعجبين بيه

الراجل ده عمل اللى ماحدش قدر يعمله وهو انه قدر يتصل بالمخ ويتحكم فى شعوره واعماله
يكفى ان مع نظره فى عينك وسؤالين تلاته وتلاقيه حللك شخصيتك

حاجه بسيطه فهمتها منه
انك لازم تكون هادى ومستريح نفسيا وتقدر تتحكم فى نفسك فى كل الاوقات
ممكن لو ماعرفتش تعمل كده هتخالف دينك 90 درجه
ازاى؟؟
مثال انت نازل قرفان من البيت واللى فيه ومش قادرتتحكم فى نفسك وخلاص بقيت شااااايط
وانت نازل على السلم عمال تلعن فى البيت والفلوس و و و و
قابلت واحد بيسلم عليك هترد بقرف ولو ماكانش هترد وانت مخنوق مافيش حتى ابتسامه
قابلك واحد شحات بيقولك لله
ياعم ابعد عنى هى ناقصاك انت كمان
او
الله يسهلك ياعم بطريقه وحشه شويه
تركب العربيه مضايق وتقعد تشتم فى الناس وحاسب يازفت واوعى يابنى ادم وواحد يرد عليك وتنزل تتخانق وتضربوا بعض

كل ده عشان ماقدرتش تتحكم فى اعصابك
الراجل ده بيعلمك ازاى تتحكم فى اعصابك
مره حكى حكايه عن نمله شافها فى جنينه بيته ماشيه شايله حتته اكل كبيره جدا على حجم النمله وفضل مراقبها 16 ساعه وهى بتحاول تنقل الاكل ده
حد فينا يقدر مثلا يركب الاستبن بتاعه ويقعد يركب فيه 12 ساعه ؟؟
الراجل ده كبير جدا جدا وساعد ناس كتير جدا
ماينفعش نقول عليه نصاب
واللى مش عاجبه او مش مقتنع بيه يقول ماقدرتش افهمه
لأن ملايين غيرك وغيرك مقتنعيين بيه جدا

اسف طولت

**MoToRiZeR** · 06-09-2009 03:37 AM

يا جماعة إبراهيم الفقي من خلال قراءة كتابين له و متابعة بعض حلقاته
أقدر أقول إن هو مش بيحقق للي بيسمعه أو بيقراله أي إستفادة معلوماتية حقيقية .. أو بمعني أخر .. بعد الكتاب أو المحاضرة مش هتطلع عارف حاجة زيادة .

و لكن ...

هو بيرتبلك اللي إنت بالفعل عارفه .. أو اللي إنت عارفه و نسيت إنك عارفه .. و ده بيخليك تشوف حاجات كتير في حياتك بشكل أوضح .. و ده في بعض الأحيان أحسن من معلومة جديدة .

**evoo90** · 06-09-2009 03:59 AM

المشاركة الأصلية كتبت بواسطة motorizer

يا جماعة إبراهيم الفقي من خلال قراءة كتابين له و متابعة بعض حلقاته
أقدر أقول إن هو مش بيحقق للي بيسمعه أو بيقراله أي إستفادة معلوماتية حقيقية .. أو بمعني أخر .. بعد الكتاب أو المحاضرة مش هتطلع عارف حاجة زيادة .

و لكن ...

هو بيرتبلك اللي إنت بالفعل عارفه .. أو اللي إنت عارفه و نسيت إنك عارفه .. و ده بيخليك تشوف حاجات كتير في حياتك بشكل أوضح .. و ده في بعض الأحيان أحسن من معلومة جديدة .

بالظبط ابراهيم الفقى مابيساعدكش بنفسه
بل
بيأهلك انك تساعد نفسك بنفسك

**Terrible_DaRsH** · 06-09-2009 05:17 AM

كلام صحيح فعلا , محدش جاب جديد .

لو حد متابع ابراهيم الفقي باستمرار هيلاقى ان اكتر كلام بيقوله انك تطلع اللى جواك و تنميه , مش بيقول انا هبنى جواك كذا و كذا .

بجد نفسي اشوف حد الناس كلها تشكر فيه , حتى عمرو خالد خلوه واطى .

مش عارف مين الشخص اللى هينول اعجاب الناس كلها ؟؟ هييجى امته الله اعلم .

ده لو صلاح الدين الايوبى كان عايش كنا طلعنا فيه القطط الفطسانة :( .

**mohamed_mohsen** · 06-09-2009 06:43 AM

المشاركة الأصلية كتبت بواسطة terrible_darsh

كلام صحيح فعلا , محدش جاب جديد .

لو حد متابع ابراهيم الفقي باستمرار هيلاقى ان اكتر كلام بيقوله انك تطلع اللى جواك و تنميه , مش بيقول انا هبنى جواك كذا و كذا .

بجد نفسي اشوف حد الناس كلها تشكر فيه , حتى عمرو خالد خلوه واطى .

مش عارف مين الشخص اللى هينول اعجاب الناس كلها ؟؟ هييجى امته الله اعلم .

ده لو صلاح الدين الايوبى كان عايش كنا طلعنا فيه القطط الفطسانة :( .

عُمر ما حدّ هيعجب الناس كلها...مستحيل...إختلاف تجارب الأفراد و شخصياتهم و أمزجتهم و تربيتهم....تجعل من الصعب بل من المستحيل يتفقوا علي إن فلان كويس أو فلان أي كلام

و شكراً علي الفيديو... أول مره أشوفلوا فيديوا علي فكره

الموضوع: ابراهيم الفقي في منافسه مع هيفاء وهبي!!!!

LinkBack

أدوات الموضوع

عرض

-

-

-

-

-

-

المواضيع المتشابهه

د ابراهيم الفقي في ذمة الله

حصرياُ : ألبوم هيفاء وهبي للأطفال ( بيبي هيفا )

طواريء في مطاربيروت 150 طائرة وآلاف المدعوين في زفاف هيفاء وهبي

هل في حد بيحضر لدكتور ابراهيم الفقي ؟؟

الكلمات الدلالية لهذا الموضوع

المفضلات

المفضلات

ضوابط المشاركة