الموضوع: مقاطعة شراء السيارات الجديدة في مصر الي حين احترام زكاء ووعي المستهلك المصري

المشاركة الأصلية كتبت بواسطة turbo999

بدل ما تقاطعوا إشتروا عربيات محترمة لشركات أوروبية مش تروحوا تشتروا موتيسيكلات يابانى بأربع عجلات بأغلى من ماركات اوروبى وموتيسيكلات كورى بأربع عجلات بسعر قريب من الأوروبى . واللهى العظيم انا مش عارف الناس اللى بتشترى العربيات ديه بتفكر إزاى

أستاذى الفاضل التوكيلات الأوروبيه برضه مش بتحترم المشترى (الزبون) المصرى. هاقولك على تجربتى البسيطه: فى 2007 قررت أشترى بى إم 316 من البافارية. سعرها كان 239.5الف جنيه لون إسود بدون جنوط سبور و فتحه سقف. رحت لعز العرب عملى تخفيض 5الاف جنيه . توكلت على الله و جبتها ب 234.5 الف جنيه. النهارده فى 2010 البافاريه المحترمة منزلة ال316 ب 215ألف يعنى أرخص 25 ألف من سعرها من تلات سنين فاتوا- إيه رأيك بقى؟ يعنى مش مكفيهم انهم سرقوا الزباين بتاعة 2006و 2007 و 2008 لأ و كمان بينزلوا سعرها فى الأرض علشان حتى لو الزباين دول فكروا يبيعوها يخسروا فيها بالميت 70 ألف جنيه فى سنتين!

اخى العزيز المهندس1 البى ام316 كل سنه اسعارها حاترخص وده موش لان الشركه بتعمل واجب مع العملاء لا ده لان الشركه وكل الشركات كانت بتسرق الناس علنا ولما حصل التخفيض على العربيات الاوروبى بدئو يعيدو نظر فى اسعار العربيات فى مصر ده غير ان الشركات الام بدات تنظر للشرق الاوسط على انه سوق مهم يعنى الوكيل اللى حايتدلع حايبقى مصيرهزى الرواس استماره 6

ma3ak ya basha ana ba2aly sana me2ate3 ma3 eny be3t 3arabety men sana bas lesa me2agel el shera

مقاطعة شراء السيارات الجديدة في مصر الي حين احترام زكاء ووعي و عقلية المستهلك المصري و قدرته علي التحكم في رغباته الشرائية عند الضرورة و ذلك الي ان تتراجع الاسعار الي معدلاتها الطبيعية كما في الخارج

و معاها و
- هو فين زكاء ووعي و عقلية المستهلك دول أصلا علشان التجار و الوكلاء يحترموها
- و هل المستهلك المصري لديه القدرة علي التحكم في رغباته الشرائية ؟؟

انا عن نفسي واخد فرار بالمقاطعة و الحمد لله بقالي سنتين و ناوي أستمر و لو فكرت أشتري عربية هأجيبها من بره و أشحنها بنفسي و معاها كل مستلزماتها من قطع الغيار و مش مهم الضمان و الهبل ده اللي بيضحكوا علينا بيه

لكن حملات تاني .... مش هأشترك في حملات لأن الناس هنا مش متعودة علي أي عمل جماعي و الي أن يتحقق هذا الحلم المستحيل أبقي أفكر

مع خالص تحياتي
م/ سمير الشهاوي

احنا معرفناش نعمل كده في اللحمة, بس أنا معاكم وهاخلي كل الناس اللي اعرفها ناوية تجيب تستني لاول السنة اللي جية.