مقاطعة شراء السيارات الجديدة في مصر الي حين احترام زكاء ووعي المستهلك المصري

**nawnaw2002** · 05-09-2009 03:32 AM

مقاطعة شراء السيارات الجديدة في مصر الي حين احترام زكاء ووعي و عقلية المستهلك المصري و قدرته علي التحكم في رغباته الشرائية عند الضرورة و ذلك الي ان تتراجع الاسعار الي معدلاتها الطبيعية كما في الخارج

اتمني ان الناس تتفق علي المقاطعة اللي لو فعلا حصلت لمدة 3 شهور بالكتير انا متأكد ان حيبقي ليها رد فعل جامد جدا و الاسعار حتنزل بدون شك
بس المهم ان الناس تبقي فاهمة إنها هي المتحكمة في كل السوق مش العكس
و طبعا بقي ساعتها بتوع العربيات حطلعوا اشاعات و تقول العربيات حتغلي مش حترخص فالناس تترعب وتجري تشتري
و الله يا جماعة كله في ايدنا

ودة موقع فيه اسعار السيارات بالدولار و اتصدموا زي ما انا اتصدمت
2009 Hyundai Prices - Free 2009 Hyundai Pricing, MSRP at InternetAutoGuide.com
مع ملاحظة فرق مستوي الدخل بين مصر و بين اي دولة تانية

**eslamegm** · 24-09-2009 02:54 PM

انت معاك حق في كل كلمه قلتها

**Haitham10** · 24-09-2009 03:41 PM

عندك حق والله
هيونداي النترا ب 15 الف دولار ونيو اكسنت 12 الف دولار !!!
يابلاش

**m_o_sakr** · 07-10-2009 02:38 PM

Yes but don't forget the customes paid to the Egyptian government for all imported cars,,,,

**asd7778** · 07-10-2009 11:41 PM

موضوع اسعار السيارت فى مصر يا جماعه ده ليس كاوروبا او امريكا فى هذه البلاد السياره تعتبر سلعه عادية وليس استثمار كبيروسعر العربيه المستعمله بيكون رخيص جدا والعربيه ليه عمر افتراضى ولازم اعدام العربيه بعدها
كل ديه عوامل تخلى العربيه سلعه مختلفة تماما فى الخارج عن مصر
الجمارك والضرائب هى المحرك الرئيسى لسعر العربيه حوالى 65% من الفلوس الى بتطلع من جيبك بتروح للحكومة
اذا الحكومة بتضع العربيات فى اعلى درجات الرفاهيه وده بيدى اشاره للسوق ان هامش ربح هذه الصناعه بيكون كبير عشان كدا الوكيل بيحت 50% هامش ربح
مثال لو عربيه سعرها فى امريكا 10 الاف دولار الوكيل بيحصل عليها بسعر الجمله بيكون فى الغالب ارخص 20 % ويكون فى حدود 8 الاف دولار وهنا يجى الجمرك والضرائب حوالى 65% فى حالة 1600 سىسى
وده فى حدود 5 الاف دولار
وهامش ربح الوكيل فى حدود 50% يعنى كمان 4 الاف دولار
كدا سعر العربيه بوصل ل 17 الف دولار
يعنى عربيه ب 10 الاف دولار فى امريكا الى هى مبلغ متواضع وعادى جدا يعنى 10 الاف جنيه فى مصر فى عرفنا العربيه بوصل سعرها فى مصر لحوالى 95 الف جنيه وده مبلغ محترم وكبير للاغلب عامة الشعب
نيجى لتأثير خفض التاجر لهامش الربح من 50% الى 25% مثلا وده الهامش الربح المفروض يكون اصلا
فسعر العربيه حيكون 8+5+2=15 الف دولار 82.5 الف جنيه بردوا كتير

بس لو الحكومه نزلت الجمرك والضرائب وخلافه ل 20% فقط ده يؤدى الى اشاره قويه الى السوق الى الانفتاح وتفليل هامش الربح للوضع الطبيعى 30% وطبعا الشركة الام حتتدى الوكيل فى مصر سعر جمله احسن بتخفيض 30 %
فيكون السعر 7 +2+2=11 او 12 الف دولار فى حدود 66 الف جنيه
عشان كدا تنزيل الجمرك حيكون له ـاثير السحر فى السوق
لو قاطع الفئة المتوسطة فى مصر السيارت حيكون له ـاثير محدود لان الطبقة الغنية الى هى 2% من 80 مليون الى هو 2 مليون وده حجم السوق المصرى لسيارت وبزياده يعنى دول الى مش بيقطعوا حيغطوا السوق وزياده

**m_o_sakr** · 09-10-2009 06:55 AM

yes sure, the rich people don't care about the price or the market condition, they get what they need when thay need, by the way they like it...

**momo48** · 18-11-2009 01:37 PM

تسلم يا با شا على الموضوع الشيق ده
بس

**momo48** · 18-11-2009 01:40 PM

ياريت مشترى السيارات فى مصر يفهمو ان المقاطعه دى لصالحهم لتعديل مشكله الزياده الرهيبه فى اسعار السيارات ليه متبقاش السيارات سلعه فى متناول الجميع بسعر بلد المنشا زى دول كتير

**drmasho** · 23-11-2009 05:22 PM

يا جماعة المشكلة مش في السعر بس , المشكلة في ردائة السيارات الملعوب في اساسها اللي بتيجي يعني اللي احنا بنشوفهم عالنت دول كوم و اللي بنشتريهم من هنا كوم تاني , احنا بنشتري قشرة العربية بس " المواتير ال1600 اللي بتتحط على بودي أقل موتور موجود ليه 1800 و 2000 و احنا بنشتري بردو " و " الأوبشنز الأي كلام " ... و بالرغم من كل دة بردو احنا بندفع تمن أغلى في بضاعة أرخص من اللي برة ... و حسبنا الله و نعم الوكيل ...

**YHYAKOTB** · 05-12-2009 06:24 PM

المشاركة الأصلية كتبت بواسطة drmasho

يا جماعة المشكلة مش في السعر بس , المشكلة في ردائة السيارات الملعوب في اساسها اللي بتيجي يعني اللي احنا بنشوفهم عالنت دول كوم و اللي بنشتريهم من هنا كوم تاني , احنا بنشتري قشرة العربية بس " المواتير ال1600 اللي بتتحط على بودي أقل موتور موجود ليه 1800 و 2000 و احنا بنشتري بردو " و " الأوبشنز الأي كلام " ... و بالرغم من كل دة بردو احنا بندفع تمن أغلى في بضاعة أرخص من اللي برة ... و حسبنا الله و نعم الوكيل ...

111111111111111+