الياريس المصرية

**_Khaled_** · 10-09-2009 05:32 AM

للأسف البروشور اللى مكتوب فيه 92 ده نصب فى نصب لكن مكتوب بطريقه صح ماحدش يقدر يقاضيهم بيها

Gross hp ده ال hp النظرى للموتور بدون اعتبار الفقد فى المضخات و الدينامو و اى شىء راكب على الموتور وده بتقاس على الموتور قبل حتى مايركب فى العربيه و ده كان بتكتبه الشركات المنتجه قبل سنه 1972 و كان ستاندر محطوط عن طريق Society of Automotive Engineers (SAE)

بعد سنه 1972 تم استخدام net hp وده ال hp بعد الموتور مايركب فيه كل حاجه و بيتقاس عند flywheel يعنى قبل الة الجر ( مش طبعا عند العجل) يعنى احنا لسه فى الموتور برضه وده اللى احنا بنستخدمه فى كلامنا كل يوم عن العربيات

و تستمر للأسف بعض الشركات زى تويوتا و نيسان و اخرين فى استخدام ال gross hp فى الدعايه عن طريق البروشور وطبعا مايقدروش يعملوا كده لا فى اوروبا و لا امريكا لان ده الستاندر الجديد بعد 1972 لكن عندنا ممكن.
ياريت ناخد بالنا من الموضوع ده.

**tutankhamoun** · 10-09-2009 07:44 AM

زي ما الأستاذ خالد موضح
الكتالوج مفيهوش الرقم 92 ............

رقم 92 ظاهر فقط في بروشور الشركة ............. زي موضوع 142 حصان للكورولا ...... برضه الكلام مش موجود في أي حتة غير عند تويوتا أيجيب ..... حتى تويوتا اليابان نفسها ..... بتتكلم على قوة الموتور بالحصان من عند الحدافة بدون أعتبار للفقد و الهدر في ألالات الجر .

حضرتك أتفضل أتصل بتويوتا اليابان و أسألهم

و برضه بُص على الأقتباس

sae net hp is measured at the engine's crankshaft, and so does not account for transmission losses.

حضرتك موتور بيطلع 85 حصان ........ و هاننقص 10 % كرقم متوسط من القوة دي كهدر و فقدان طاقة في الالات الجر
و الكلاك ده بينطبق على أي ماركة ........ز حتى مرسيدس

مفيش عربية يا جدعان بتعلن عن حاجة أسمها صافي و أجمالي
كله بيعلن الرقم المقُاس من الحدافة ..........

هدر الالات الجر ......... مع الفتيس ......... و العجل .......... من 5 إلى 10 % ينطبق على كل العربيات و الماركات .

**M.Mekawy** · 12-09-2009 01:10 AM

على فكرة احنا الاتنين بنقول نفس الحاجة مفيش اختلاف
بس هى 92 دى موجودة و هى تساوى القوة الاجمالية مش القوة الصافية
لان كما هو مكتوب فى المانيوال القوة الصافية هى اللى 84.5 ,....و هى دى القوة الفعلية و طبيعى تبقى القوة الاجمالية اكبر كما ذكرت سابقا , القوة الاجمالية ما هى الا مؤشر للدعاية فقط عشان ناس كتير ممكن متكونش عارفة الفرق و زى ما فعلا ما قريت على النت و زى ما استاذ خالد تكرم فقد كان هذا المقياس هو المستخدم حتى السبعينات
..........................
على الاقل شركة تويوتا كانت صريحة و كتبت فى الflier ان دى القوة الاجمالية مش الصافية و مكتوب الصافية فى المانيوال , اعتقد شركات تانية كتير فى مصر ممكن متكتبش حتى , تكتبلك كذا حصان و تسكت

**_Khaled_** · 13-09-2009 04:09 AM

المشاركة الأصلية كتبت بواسطة m.mekawy

على فكرة احنا الاتنين بنقول نفس الحاجة مفيش اختلاف
بس هى 92 دى موجودة و هى تساوى القوة الاجمالية مش القوة الصافية
لان كما هو مكتوب فى المانيوال القوة الصافية هى اللى 84.5 ,....و هى دى القوة الفعلية و طبيعى تبقى القوة الاجمالية اكبر كما ذكرت سابقا , القوة الاجمالية ما هى الا مؤشر للدعاية فقط عشان ناس كتير ممكن متكونش عارفة الفرق و زى ما فعلا ما قريت على النت و زى ما استاذ خالد تكرم فقد كان هذا المقياس هو المستخدم حتى السبعينات
..........................
على الاقل شركة تويوتا كانت صريحة و كتبت فى الflier ان دى القوة الاجمالية مش الصافية و مكتوب الصافية فى المانيوال , اعتقد شركات تانية كتير فى مصر ممكن متكتبش حتى , تكتبلك كذا حصان و تسكت

انا مختلف مع حضرتك فى موضوع تويوتا كانت صريحه. لا كده نصب وعيب قوى. هو لما تكتب و تستخدم مصطلح المفروض انه مايستخدمش فى الوقت الحالى و ممكن يخدع اكتر من 95% من الناس تبقى صريحه وعداها العيب !!! و عموما ده اسلوبها فى مصر و الخليج برضه.
تقدر تقولى كام واحد شاريها و كان عارف و فاهم انها 84.5 حصان و مش 92 حصان ؟

**tutankhamoun** · 13-09-2009 11:08 AM

المشاركة الأصلية كتبت بواسطة m.mekawy

على فكرة احنا الاتنين بنقول نفس الحاجة مفيش اختلاف
بس هى 92 دى موجودة و هى تساوى القوة الاجمالية مش القوة الصافية
لان كما هو مكتوب فى المانيوال القوة الصافية هى اللى 84.5 ,....و هى دى القوة الفعلية و طبيعى تبقى القوة الاجمالية اكبر كما ذكرت سابقا , القوة الاجمالية ما هى الا مؤشر للدعاية فقط عشان ناس كتير ممكن متكونش عارفة الفرق و زى ما فعلا ما قريت على النت و زى ما استاذ خالد تكرم فقد كان هذا المقياس هو المستخدم حتى السبعينات
..........................
على الاقل شركة تويوتا كانت صريحة و كتبت فى الflier ان دى القوة الاجمالية مش الصافية و مكتوب الصافية فى المانيوال , اعتقد شركات تانية كتير فى مصر ممكن متكتبش حتى , تكتبلك كذا حصان و تسكت

المشاركة الأصلية كتبت بواسطة _khaled_

انا مختلف مع حضرتك فى موضوع تويوتا كانت صريحه. لا كده نصب وعيب قوى. هو لما تكتب و تستخدم مصطلح المفروض انه مايستخدمش فى الوقت الحالى و ممكن يخدع اكتر من 95% من الناس تبقى صريحه وعداها العيب !!! و عموما ده اسلوبها فى مصر و الخليج برضه.
تقدر تقولى كام واحد شاريها و كان عارف و فاهم انها 84.5 حصان و مش 92 حصان ؟

كلام الأستاذ خالد مظبوط .......... اللي بيعمله التوكيل المحلي لشركة كبيرة زي شركة تويوتا أسمه غش و ضحك على الناس

و أشمعنى تويوتا مصر بس اللي بتعلن خرج المحرك الأجمالي ؟؟؟؟؟؟؟؟؟

و حضرتك فيه 3 قياسات
الخرج الأجمالي للمحرك بدون توصيله بأي شئ ... لوحده كدا
بدون توصيله بطرمبه المياة ...... و الدينامو ....... و طبعا الات الجر ...... و ده رقم 92 اللي التوكيل المحلي بيعلن عنه في البروشورات بتاعته

الحاجة التاني الخرج اللي الشركة الأم (تويوتا أعلنته و هو 84 حصان )
ده متقاس من عند الحدافة ............ قبل ما يوصل بصندوق التروس .

الحاجة التالتة و اللي هي مش معلنة و مفيش شركة بتعلنها
و هي القياس على الدينومويتر بوضع السيارة كاملة عليه و القياس من عند العجل .
و ده اللي بيدي القوة الصافية للعجل و ده بيقل من 10 إلى 15 % من القوة المعلنة من قبل الشركة الأم .

يعني الياريس 84 حصان - ( 84 حصان * 10 % هدر طاقة ) = القوة الأجمالية تقريبا 76 حصان تقريبا .و هي دي الصافية .
و كمان بتقل تاني نتيجة أحتكاك الكاوتش بالأرض ( و ده لم يتم على أختبار الداينو )
لأن العربية بتكون ثابتة على الدينو بدون حركة فعلية و لا هواء مقابل .
علشان كدا الشركان كلها بدون أستثناء بتعلن القوة الحصانية من عند الحدافة

يعني مثال تاني بعيد عن الياريس :
الجين 2 = 110 حصان
و لكن الفعلي اللي بتحصل عليه هو
110 حصان - ( 110 * 10 % ) = 99 حصان فقط . و دول تقريبا اللي بيوصل للعجل .

من الآخر تويوتا مصر .......... نصابين و كدابين .
لأن المفروض يعلن عن القوة اللي الشركة الأم و الشركات الأخرى بتعلن عنها

مش يحسس الناس أنه بيبيع عربية ملهاش مثيل في السوق المصري بالكدب بالأرقام .

هاتلي شركة تانية غير تويوتا أيجيبت و هوندا الفطيم كدبوا في موضوع القوة الحصانية
يقولك الكورولا 142 حصان !!!! ..... و الياريس 94 حصان !!!!!..... و التاني بتاع هوندا يقولك 142 حصان على السيفيك !!!!!

مع أن الكورولا 1800 سي سي .................... 131 حصان بس و دي أرقام الشركة الأم مش الوكيل الكداب .

اللي يغيظ أن الكلام مش متوافق مع بيانات الشركة الأم .......