لا حول ولا قوة الا بالله وقدر الله وما شاء فعل
بصراحة اول مرة اسمع حد بيشتكى من البيكانتو
عليك وعلى جهاز حماية المستهلك ومتسبش حقك
انت دافع تمن العربية والضمان
وانتظر رد خبراء الكيا
رقم العضوية : 45445
تاريخ التسجيل : 25Aug2009
المشاركات : 40
النوع : ذكر
الاقامة : EGYPT - CAIRO
السيارة: سيارتو 2010 هاي لين
السيارة[2]: kia picanto 2009 auto
الحالة :
الســلام عليكم ورحمة الله وبركاته
يا جماعة الخيـــر ... انجدوني لا اوقعكم الله في ضائقة ابداا
واولا كل عام وانتم جميعا بخيـــر ..
زمان لما اشتريت الانسر موديل 2003 كانت ناس كتير بتقولي وانا ببعها السنة دي بلاش يا ابني مش هتلاقي زيها
المهم انا برضوا عملت الي في دماغي وقولت اشتري عربية صغيــرة اريحلي ..
ولقيت ان افضل عربية موجودة في الفئة الي انا عايزها هي البيكانتو ...... يارتني ماكنت قررت القرار دة واشتريتها ... بس الندم مش هيفيد لان الفاس وقعت في الراس ....
المهم .. اشتريت العربية بتاريخ 13/7/2009 .... رخصت يوم 15/7/2009 اشتريتها من سمير ريان ....
بعد اسبوعين روحت اعمل صيانة ال 1000 كيلــو + شكوى من التكيف مش بيسقع نهائيا + الفرامل مش كدا ( العربية اتوماتيك يعني روحها الفرامل ) ....
روحت فرع روكسي ... الناس هناك خنقة فوق ما تتصــوروا ومهندسين مبيفهموش في البطيخ اساسا ...
غيروا الفلاتر والزيت .. وقالوا شيكنا على التكيف وظبطناه وبالفعل اتظبط نسبيا + قالوا الفرامل مفيهاش حاجــة ..
مكملتش 3 ايام وماشي في امان الله بسرعة 60 كيلوا متر ... وهوبا الطريق بيقف ... وهوبا انا عربيتي مش عايزة تقف ...
ومبدأتش تقف الا بعد ما كركت للفرامل تقريبا اربع مرات ... والحمد لله خبط في الي قدامي بس الحمد لله جات سليمة لانه كان بدا يتحرك فلا انا تضررت ولا هو تضرر ...
اتصلت بيهم فورا على رقمهم 19542 راحت الست الفاضلة محولاني على فني في الحال .. المفروض النفي هيجيلي في المنطقة الي انا فيها .. الفني يكلمني قلتله على الي حصــل يرد عليا بكل برود يقولي ( والله انا مش فاضي دلوقتي تقدر تروح وتركنها وتجيلنا بكرا ابو رواش بيها واحنا هنتصرف ... وقالي تمشي بفرامل الهاند ... روحت شاببله ميت ملة وقافل في وشه وروحت وتاني يوم خدت بعضي ورحت على ابو رواش بستر ربنــا ...
كشفوا على العربيــة .. يطلعلي المهندس يقولي مفيهاش حاجــة ... انا شخص عصابي بطبيعتي .. مدرتش الا وانا ماسك فيهم وبتخانق خناقة لرب السما .. لحد ما سكري ارتفع وروحت متنيل على عيني واقع .. بعد ما خدت الانسولين وفوقت .. راح مدير الورشة الي اسمه هشام قايلي طيب يا محمد سيب العربية لبكرا وان شاء الله ربنا هيحلها .. وسبت العربية وروحت وتاني يوم اتصلت قالولي غيرنا ماستر الفرامل العمومي ...
خدت العربية واتوكلت على الله والحمد لله ماشي الحـــال .. لحد يوم الاثنين الي فات روحت لاني حسيت ان العربية بتحدف شمال ولما بعدي على مطب ولا حاجة بحس انه ناشف جدا وبيسمع روحت ظبطوا العفشة وظبطوا زواية وقالولي احنا هنغير علبة الدركسيون بس تعالى يوم الخميس الساعة 8.30 وفعلا روحت الساعة 8.30 الصبح ... وفضـلت مستني لحد الساعة 1 .. لقيت المهندس نازلي ومعاه ازن الخروج وقالي خلاص يا بشمهندس .. قلت على البركة .. بس كنت مستغرب من حاجتين .. الحاجة الاولى ان وانا في الاستراحة كان معايا 8 عربيات غيري .. الشاشة نزل عليها ال 8 عربيات بال 8 اسماء ما عدا عربيتي انا ... والحاجة التانية ان ابو رواش بينادي على اسماء العملا الي بتنتهي عربيتهم وبيطلعوا يستلموا ... اما انا فنزلي المهندس واداني الازن في ايدي .. فاستغربت جدا جدا جدا جدا جدا جدا جدا جدا .... المهم مشيت وخدت عربيتي بس انا كنت شاكك جدا جدا .. فروحت على ميكانيكي عندي في شبرا كان شغال في توكيل لانســر زمان ودلوقتي فاتح ورشته ما شاء الله عليها وليا معرفة سابقى معاه .. فروحتله وحكتله ... الراجل بص على العربيـــة .... وانا واثق منه جدا جدا جدا جدا جدا جدا جدا جدا جدا جدا ومن كلامه .... قالي يا محمد يا ابن الناس .. بأمانة ربنا ويشهد عليا في الايام المفترجة دي ... ان لا علبة الدركسيون اتغيرت ولا يحزنون ... وانا شاكك انهم غيرولك ماستر الفرامل اساسا ... هما 99 % حبوا يريحوك فقالولك غيرنـــا واحنا كنا بنعمل عندنا كدا في التوكيل لما بنلاقي عميل مزعج ... فأنت مفيش قدامك غير حل من اتنين .. اما انك تراسل الشركة الام بالي حصل بالتفصيـــل الممل ووووو الي اخــره .... او انك تروح تتخانق تااني بس المرة دي مترجعش لورا لو هدوك واقف على ايدهم وطيح فيهم واشتم وهزق ولو وصلت للضرب اضرب ... المهم خدت منه الكلام وسكت وقولت انا هسكت وفي صيانة ال 5000 يبقى ربنا يحلها ...
لكـــــــــــــــــــــــ ـــــن ...
قبل ما اكتب الموضوع دة بحوالي ساعة ... حصــل اني داخل على لجنة ........* في شبرا عندنا بتقف لحد الساعة 6 الصبح ... وجاي اهدي بالعربيـــة وفجأة لتاني مـــرة مفيش فرااااامـــــــــــــــــ ــــــــــــــــــل ... والعربية موقفتش غير بالهاند والمكاركة ... واللجنة لوللا ان طلع فيها ظابط كان صديق سابق في الثانوية العامة مكنوش حلوني في يومهم لاني وقعت الاقماع ودخلت فيها وحوسة ....
وقبلها بشوية ... اجي احرك الدركسيون على الواقف واكسر العمجل للأخـــر الاقي العربية بتزيق تزيق غرررررررررررررررررررريب اول مرة في حياتي اسمع في عربيـــة ... دة غير ( طرقعة ) من ناحية الرفرف اليمين من ناحية السائق انا مش عارف الطرقعة دي في الماتور ولا في الكبلن ولا فين بالظبط ومش قادر احددها .... غير ان التيل ناحية اليمين برضــوا بيسرخ سريخ غير طبيعي اول ما اجي افرمـــل .... غير ان التكيف رجع زي الاول وانيــل مفيش حاجة اسمها سقعة الا لما ربنا يفرجها والعربية تمشي وتفضل دايرة مش اقل من ساعة ساعة الا ربع ....
انا راضـــي زمتكوا انتوا يا ناس ياعم يالي راكبين عربيات سواء كانت كيا او غيرها ... دة يرضي ربــنا .. دة يرضي حد ...
انا عارف اني طولت بس اقسم بالله انا عايش مأساه عربية لسة مقفلتش شرين وبهدلاني البهدلة دي امال لما تكمل سنة هيحصــل ايــــة ,,,
مستني ارائكم في الموضوع وحلولكم ..
كل عام وانتم بخيــــر
اخوكم .. محمد أيمن
رجاء الحرص فى انتقاء الكلمات
_____________
مشرف القسم
رقم العضوية : 32825
تاريخ التسجيل : 13Feb2009
المشاركات : 3,559
النوع : ذكر
الاقامة : alex
السيارة: Lanos 2016
السيارة[2]: Logan 2010..Elantra 2014
دراجة بخارية: ..............
الحالة :
لا حول ولا قوة الا بالله وقدر الله وما شاء فعل
بصراحة اول مرة اسمع حد بيشتكى من البيكانتو
عليك وعلى جهاز حماية المستهلك ومتسبش حقك
انت دافع تمن العربية والضمان
وانتظر رد خبراء الكيا
سبحان الله وبحمده سبحان الله العظيم
رقم العضوية : 33890
تاريخ التسجيل : 24Feb2009
المشاركات : 2,315
النوع : ذكر
الاقامة : Cairo
السيارة: Megane 2005
السيارة[2]: Corolla 2016
دراجة بخارية: ﻻ يوجد
الحالة :
مش عارف اقول لحضرتك ايه .. تقريبا الشكاوى من التوكيل قليلة جدا .. مكن تتابع مع المهندس خالد فاروق ... وهو محترم جدا وفي موضوع متثبت في قسم كيا .. اللي هو بتاع الشكاوى من الوكيل .. ولو محصلش حاجه عليك وعلي جهاز حماية المستهلك يا معلم .. ومتسكتش على المهزلة دي .. دي عربية مدفوع فيها الاف الجنيهات .. حد يبيع لانسرويشتري بيكانتو يا راجل يا طيب ... عموما ربنا يوفقك يا رب وتحل مشكلتك على خير . ولو عايز اي حاجه احنا في كيا هنا متعاونين جدا في المنتدى وتحت امرك
سبحان الله عدد ما كان و عدد ما يكون و عدد الحركات و السكون
رقم العضوية : 13687
تاريخ التسجيل : 27Jun2008
المشاركات : 14,730
النوع : ذكر
الاقامة : Cairo - Doha
السيارة: Optra 2008 A/T
السيارة[2]: Kia Cerato K3 TopLine
دراجة بخارية: -
الحالة :
الله يكون فى عونك
ياريت حضرتك تكتب شكوتك دى فى الموضوع دا
http://www.nilemotors.net/Nile/89129-a.html
دا خط مباشر مع الوكيل
يعنى مشكلتك هتوصل وان شاء الله هيحلوهالك
ونصيحه أخويه
فى المستقبل ان شاء الله لما تشترى عربيه
اوعى تشترى من اى معرض مهما كنت تثق فيه
تشترى من الوكيل او الموزعين المعتمدين فقط
[aldl]http://s17.postimg.org/ygne2hebj/F2000045710.jpg[/aldl]
رقم العضوية : 45445
تاريخ التسجيل : 25Aug2009
المشاركات : 40
النوع : ذكر
الاقامة : EGYPT - CAIRO
السيارة: سيارتو 2010 هاي لين
السيارة[2]: kia picanto 2009 auto
الحالة :
الامر لله وحده .. ربنا يكرمكم كلكم يارب ..
وانا قلت احط الموضوع هنا لان انا شايف تعاون بين الناس
واقسملكم بالله العلي العظيم ان انا ولا بتبلى على النسا ولا بقول كلام من فراغ
وعزته وجلاله ان انا حاسس اني اشتريت توكتوك مش عربية وربنا يعلم ..
وعلى العموم برضوا مستني اراء باقي الاخــوة الافاضــل
ربنا يجازيكم خير يارب جميعا
رقم العضوية : 1268
تاريخ التسجيل : 01Jul2007
المشاركات : 1,590
النوع : ذكر
الاقامة : Haram
السيارة: BMW 320i
السيارة[2]: Ford Explorer 2013
دراجة بخارية: دراجة نارية
الحالة :
لا حول ولا قوة الا بالله ... ربنا يعينك هي دي مصر هنلاقيها منين ولا منين ....
رقم العضوية : 45445
تاريخ التسجيل : 25Aug2009
المشاركات : 40
النوع : ذكر
الاقامة : EGYPT - CAIRO
السيارة: سيارتو 2010 هاي لين
السيارة[2]: kia picanto 2009 auto
الحالة :
رقم العضوية : 33890
تاريخ التسجيل : 24Feb2009
المشاركات : 2,315
النوع : ذكر
الاقامة : Cairo
السيارة: Megane 2005
السيارة[2]: Corolla 2016
دراجة بخارية: ﻻ يوجد
الحالة :
هي مش موضوع انك تلاقي حلول ... حضرتك شاري عربية وليها ضمان .. يا الوكيل يظبط نفسه ويصلحلك اي مشكلة فيها .. يا اما جهاز حماية المستهلك .. معادلة ذات شقين ستؤدي الي نفس النتيجة
سبحان الله عدد ما كان و عدد ما يكون و عدد الحركات و السكون
رقم العضوية : 45445
تاريخ التسجيل : 25Aug2009
المشاركات : 40
النوع : ذكر
الاقامة : EGYPT - CAIRO
السيارة: سيارتو 2010 هاي لين
السيارة[2]: kia picanto 2009 auto
الحالة :
ماهي المشكلــة ان انا لو رحت التوكيل تاني هيحصل حاجة واحدة ملهاش تااني
اما اني هتخانق وممكن يبقى في ضحايا في الموضوع ... يا اما هتخانق وممكن يبقى في ضحايا في الموضوع ...
فبصــراحة مش عارف اعمل ايــة ...ز وفي نفس الوقت في ناس بتقولي عليك وعلى كيا موتورز الاساسي في كوريا ..
واني ابعت كل الي حصــل دة بالتفصيـــل وان حقي هيجيلي وانا حاطط رجل على رجل فمش عارف هل الكلام دة صحيح ولا لاء ..
رقم العضوية : 33890
تاريخ التسجيل : 24Feb2009
المشاركات : 2,315
النوع : ذكر
الاقامة : Cairo
السيارة: Megane 2005
السيارة[2]: Corolla 2016
دراجة بخارية: ﻻ يوجد
الحالة :
جهاز حماية المستهلك احسن من مليون كيا
سبحان الله عدد ما كان و عدد ما يكون و عدد الحركات و السكون
المفضلات