الموضوع: انجكشن ولا..........

المحرك المزود بالحقن بيتميز بخاصيتين واضحتين فى الشكل، الخاصية الأولى هى وجود ماسورة قطرها فى حدود 10 سم تقريبا بطول المحرك (بعرض السيارة)من اعلى يتفرع منها لأسفل اربعة مواسير صغيرة، ودى اسمها موزع الهواء، كما يتميز بانه اسفل هذة الماسورة وفى نفس الاتجاه من المحرك توجد مسطرة موازية لها مركب عليها اربعة ادوات بلاستيكية مقابلة لتفريعات الهاوء الأربعة من الماسورة الأولى ويخرج من كل منها فيشة كهرباء ، هى المسكرة هى موزع البنزين والأدوات البلاستيكية هى الرشاشات،
المحرك ذو الحقن الإلكترونى غالبا ما يكون فلتر الهواء الخاص به بعيد عن المحرك فى مكان منفصل وغالبا ما يكون هناك حساس كهربى (حساس الهواء، اير ماس)مركب على الخرطوم الواصل بين فلتر الهواء والمحرك، فى حين ان محرك الكاربراتير غالبا ما تكون عمة الهواء مركبة فوق رأس المحرك مباشرة

ممكن تدوس كتير على دواسه البنزين وهى العربيه مبطله
ودور العربيه بعدها لو دارت على طول تبقى انجكشن
لو شرقت ومدارتش من أول مره تبقى كربراتير وهتحتاج تديها زقه وهتقرفك لغايه اما تدور:POINTI~2[2]:
بس هى طبعا انجكشن متخافش

هههههههههههههههههه.
حلوه.

طبعآ الانجكشن معروف لما تفتح الكابوت حتلاقي مسطرة الرشاشات وحتلاقي 4 رشاشات. في الجهه المقابله لل 4 بوجيهات من فوق. وكمان حتلاقي العربيه فيها ECU كنترولر او جهاز كمبيوتر صغير لتظبيط عمل الحساسات اللي هي كمان موجوده.
الكربراتير مابتلاقيش الكلام ده وبتلاقي بس الكربراتير هو اللي موجود.

وكمان ممكن تلاحظها من التابلوه (لمبة تشيك Check )...