هو أحنا ليه بنعقد المواضيع ؟؟؟
الإسلام واضح كالشمس .. الإسلام "شريعة و منهاجا" ..
و العلمانية واضخ برضه زي الشمس .. لا دين فقط قوانين وضعية من صنع البشر و ما خلاف ذلك هو خزعبلات
يعني من الأخر و بدون فلسفة المسلم يرى العلماني كافر و العلماني يرى المسلم -أو أي متدين- متخلف
العلمانية ماليه الدنيا من قرون فهل أدت إلى نجاح كل الدول المعتنقة لهذا المذهب ؟؟؟ بالطبع لا
العلمانية تتشدق بالحرية و المساوة و الديموقراطية و الكلام الفخم الجيل الأجوف ده لكن هل بيطبق ؟؟ طبعا لأ .. اللي بيمشي اللي عاوزاه الشركات الكبيرة اللي بتحرك العالم و جماعات الضغط و السلطة المستترة .. يعني هل من الحرية و العدالة و المساوة إنهم يجبروا طفلة صغيرة في سن ال 14 سنة إنها تقلع الحجاب و إلا مش هاتتعلم ؟؟ و الكلام ده فين ؟ في فرنسا بدل الحريات المزعومة؟ طب فين حق البنت إنها تلبس اللي عاوزاه ؟؟ فين حقها إنها تتعلم ؟ فين حقها إنها تمارس دينها ؟؟
طب أنا أتحدى أتخن علماني في الدنيا إن تحصل إنتخابات "ديموقراطية" ينتخب فيها "الأغلبية" تطبيق الشريعة لأن هذا "رأيهم" و "حريتهم" في "إختيار" طريقة العيش و يوافق العلماني ده بالاعتراف بنتيجة الانتخابات و ما يحاولش "بالنار و الحديد" إنه يغير الواقع و يدوس بجزمته و مدفعه "إختيار" الشعب و "حقوقهم".
المحاولات العبثية بإقناعنا إن العلمانية مش ضد الاسلام محاولة فاشلة فالليل و النهار لا يجتمعان.
يتشدقون دائما بإحترام "الأخر" و عندما يتكلم الأخر يسفهونه و قد "يقتلونه" إذا كان هوى "الاغلبية" معه.
هدانا الله و إياكم لما يحب و يرضى.