العربية بتغلبني على ما تدور (حد يساعدني)

**ezshereef** · 31-10-2007 03:24 PM

العربية 128 موديل 87 موتورها 1100.

لما بدور العربية ما تلقطش غير لما أكارك قبل ما أدور (مش بكارك و أنا بدور) و أول ما تلقط تفصل لوحدها و أكارك تاني و أدور وهكذا لحد ما تلقط فترة طويلة شوية أفضل أكاركلها براحة و لو رجلي تقلت أو خفت العربية تطفي. لما العربية تدور تفضل تحس إنها باردة جدا و يدوبك الموتور بيدور و بردو لازم لو زودت بنزين أزود براحة أوي و لو زودت زيادة سنة تشرق و تبطل. المهم بفضل أحايلها لحد ما تصحى و تفوق. على فكرة الحكاية ديه بتحصل حتى لو العربية ركنت ساعتين بس واللا حاجة يعني المفروض ماتكونش لحقت بردت. أرجوكو لو حد يعرف حاجة يقولي :-)

**hazem_khidr** · 31-10-2007 04:55 PM

غير البوجيهات والبلاتين و الكوندنسر.

**gad_fcis** · 31-10-2007 05:14 PM

غير البوجيهات والبلاتين و الكوندنس
+1

**ezshereef** · 01-11-2007 02:29 PM

شكرا على الرد يا جماعة بس أنا مغير طقم الكهربا كله من فترة و الموضوع ده ظهر بعد ما غيرته. معنى كده إن اللي ركب نوعه وحش أغيرهم تاني واللا إيه. و يا ترى حد يعرف حد بيبيع طقم كهربا نضيف أو ماركة كويسة؟ و شكرا تاني

**Ah.Farid** · 01-11-2007 02:45 PM

غير الكوندسر طالما انت غيرت طقم الكهرباء لان ممكن الكوندنسر واخد رطوبة من التخزين بعد كدة اضبط كهرباء الموتور

**sab3aawy** · 01-11-2007 04:09 PM

طالما بتلقط وتبطل تانى فالمشلكة دى مرتبطة بعمر السيارة وهى تتلخص فى حاجتين غالبا هم الإثنتين موجودتين عندك

1- ثرموستات كوعة المياه ملغى، ودى حاجة كل الميكانيكية بيعملوها علشان تؤمن العربية ضد بوظان الثرموستات ده وبالتالى ان وش السلندر يضرب

2- الكاربراتير قديم وبالتالى الشفاط مش شغال

لو عايز تحل المشكلة دى لازم تظبط الشفاط بتاع الكاربارتير هيحلها جزئيا، وتركب ثرموستات كوعة المية هيكمل لك الحل، او تكبر دماغك وتتعايش معاها ككل من لديه 128 عدا عليه اكثر من 5 سنوات

**ابوشريف** · 02-11-2007 12:30 AM

المشكله دى اكيد بيك السرنسيه فى الكابراتير

وحكاية انك تزود تشرق يبقى مشكله فى رداخ السرعه

الخلاصه ان كل دى مشاكل فى الكاربيراتير

شوف ميكانيكى كويس ينظف الكاربراتير كله ويظبطه