مشكلة جامدة في اوبل كورسا 1600 موديل 2004

انا املك سيارة اوبل كورسا 1600 موديل 2004 وبركنها بالسنة او على الاقل 10 شهور كل سنه لاني اعمل بالسعودية فالما برجع بلاقيها خربانه المهم اخر حاجة روحت مركز الصيانة الي في ربعة وكشفت بالكمبيوتر قالوا لي حساس tps بايز فروحت بيها لواحد بتاع اوبل في العباسية المهم ظبتها بس قالي حساس الايدل مش شغال ولكن كانت كويسه عن الاول كتير مجرد انه رش اسبراي في الوحده وبعد اسبوعين رجعت تاني تسخن والمروحة الكبيرة شوية تشتغل وشوية لا ولمبة الصيانة على طول منورة والكهرباء مش مظبوطة لدرجة لو عليت الكسيت يقطع اه العيب ده ممكن تكون عاوز وحده جديدة وهل الوحدة ده ليها علاقة بالكهرباء وهل ممكن اظبط الوحدة القديمة وياريت للعارف اسعار الحساسات مع الشكر

طيب هو المفروض انك تفصل البطارية و انت مسافر لمدد طويله على حد علمى و الحاجات دى بتبوظ من الشغل مش من الركنه

تمام انا فعلا بفصل البطاربة ولكن برجع الاقيها خربانة اعمل اه اغير الوحدة ولا ده مش عيب وحدة ولا عيب اه انا تعبت والله من السيارة ده ارجو المساعدة

الحل انك تبيعها و لما ترجع من السفر تشترى احسن منها يا ريس لأن العربيه لما بتتركن مده طويله عمرها ما بترجع زى الاول فبصراحه حرام انك تركبها شهر او شهرين و تصرف عليها فى الصيانه مبالغ كتير و تكون متعكنن فى اجازتك .............

طب انتا متقدرش تخلي المفتاح مع اخوك او اي حد تعرفو وهوا كل يوم يحرك العربيه دا احسن ليك
اما بلنسبه للخراب الصراحه خلينا نسأل الباشا احمد علاوي هوا يعرف الموديل دا كويس
او انتا روح عند كزا واحد وشوف ح يقولك ايه بزبط لانه المشكله كل واحد فيهم بفتي وبقول حاجه بتكون مش هيه اللى بيزا

ربنا معاك بس روح مركز صيانه كامل يشوفوها

فين الباشا احمد علاوي هنا في المنتدي ولا واحد برة وشكرا على النصائح الغالية

علاوى فين يا شباب

انا هنا يا رجالة..
شوف يا باشا.. ودي العربية عند حد يبص علي الحساسات..
طالما لمبة check engine شغالة.. يبقي في حساس بيخرف..
لازم يتكشف عليها بالجهاز.. عشان تشوف المشكلة فين.. و الحساسات دي مش غالية علي فكرة.. ممكن يكون محتاج تنضيف بس في الاول.. و بعد كده لو فضل بيخرف يبقي يتغير..
بس خلي بالك كمان ان في سيور و بوجيهات و فلاتر محتاجة تتغير..
ممكن تكون الحاجات دي كلها مأثرة علي العربية..

انا فى رأيى تبيعها و طالما بتيجى 2 شهر فى السنه يبقى تأجر عربيه فى الشهرين اوفر من اللى بتصرفه عليها لما تييجى

اقتراح سئ
مجرد وجودها ميزه لن تعوض