الموضوع: لخبراء ومالكى هيونداى جيتز

المشاركة الأصلية كتبت بواسطة ahmed1_com

ممكن اعرف منكم يا شباب هيونداى ايه اخبار هيونادى جيتز 2004 وهى الموتو 1100cc


فكنت عايز الموتور ضعيف كده على العربيه ولا سحبه كويس وهى ايه اخبار قطع الغيار


وكمان العفشه وكده وهى تعملها كما هى فابريكه ونضيفه جدا فا ممكن اعرف يبقى سعرها كام وكمان هى احلى ولا البونتو او الكليو ومستنى ردودكم

الموتور ممتاز على حجمها بعد كدة الشركة استخدمت فيها موتور الالنترا من باب التوفير فى خطوط الانتاج عشان يبقى خط انتاج واحد واظن دة السبب اما العفشة فاسعارها غالية ومش موجودة غير فى التوكيل وكل اللى ممكن تلاقيهولها برةالتوكيل هو الكبلم لانة بتاع الاتوس العربية تحفة عيبها عدم وجود قطع غيار لها خارج التوكيل وغلوها المبالغ فية داخل التوكيل بس لما الموتور يجيب اخرة ممكن تغيلرة بموتور استيراد 1600 دة متوفر مع العلم انا سوقتها وجربتها جميلة وثابتة وموفرة فى البنزين وسحبها ممتاز بتكلم على 1100 المشكلة زى ما قلتلك قطع غيار العفشة وربنا يوفقك

بص البيكانتو قطع غيارها رخيصة جوة وبرة التوكيل وواسعة جربها والسبب فى انخفاض اسعار قطع غيارها هو انتشارها وموضوع الوسع انا طولى 189 سم وبرتاح فى الجلوس ورة وادام واسال برضة انا بقولك خبرتى لانى انا واخويا بندور فبنسال مع العلم اخويا كان معاة جيتس 2004 1100 وباعها

اخويا باعها 45000 و اقرينا عن واحدة 2008 ماشية 20000 فى الوسيط الاسبوع الللى فات ب60000 (وسيط اسكندرية) ممكن تكون لسة موجودة بس ابقى بص على العفشة كويس المشكلة مش فى الموتور المشاكل دايما فى اى عربية جديدة بتبقى فى العفشة الللى بتبهدلها الشوارع والمطبات وفى ظل غلاء اسعار العفشة فلازم تكشف عليها كويس جدا وبعدين الرينو كويس والفيات كويس والهيونداى كويس والكيا كويس بس لما تقارن متهيالى لازم المقارنة تبقى بين الجميع على مستوى اسعار قطع الغيار ومدى توافر الاصلى منها خارج التوكيل عفشة وصاج ووفوانيس وطرمبة بنزين وطرمبة مية هى دى الحاجات الللى هتحتاج تغيرها باستمرار واخيرا سعر اعادة البيع اصبح على خير

مشكور جدا يا بجد يعنى انت ايه رايك اشوف حاجه قطع غيارها ارخص وكده ثم كانو بيقولو الهيونداى قطع غياره فى كل حته ده كلام كده وبس انا محتار فعلا وقدامى كمان فيات بترا كويسه مش عارف ايه احسن وكمان هى الجيتز الى اخو حضرتك بعها كانت حلتها ايه وسحبها مع التكيف عامل وانا خايف فعلا من قطع الغيار انا كنت بفكر فى الرينو وسبتها بسبب قطع الغيار

وهو كل حاجه ليها موجوده بره ما عدا العفشه ولا ايه والبيكانتو افضل منها ولا ايه بس اظن الهيونداى اوسع واكبر وكمان البيكانتو المستعمل الناس بتباغ فى سعرها مقارنة بتمنها زيرو وشكرا ليكم بجد

يايرت اعرف هو الموتور ال 1100cc كام حصان وكمان سحبه كويس وتجميعه كويشس ولا ضعيف انا كان معايا ابيزا 1000cc كان تجميعها وحش جدا جدا وسحبها فهلى برده كده الجيتز

الجيتز 1600 سي سي علي فكره
و موضوع العفشه أعتقد هي نفس عفشة الفيرنا ال1600 و الالنترا الشكل القديم و الماتريكس

لا هى فى منها موديل 2004 و 2005 1100 سى سى

عفشة الجيتز مختلفة عن اى حاجة فى الهيونداى الحاجة الوحيدة الللى مشتركة هى الكوبلن لانة كوبلن الاتوس وبعدين البيترا عربية حلوة بس قطع غيارها نار ومش متوفرة وحتى القطع المستعملة غالية جدا فلوسك تلركبك نوبيرا من موديل 99 الى 2004 ودى عربية مضمونة وقطع غيارها ببلاش وقطع غيارها جديد واستعمال بملاليم وممكن تراجع الكلام دة فى القسم الخاص باالدايو ابعد عن البيترا والحاجات اللى ملهاش قطع غيار ولا ليها سوق فى البيع يعنى خليك فى السالك انما تجيب عربية وتنعى هم قطع الغيار سواء تمنها ولا هى موجودة ولا لا وبعدين اشترى العربية الللى فى منها كتير ماشى يعنى اللى بتشوفها ماشية كتير عشان دى التجار بيجبولها قطع غيار وبتبقى رخيصة ولما تحب تبيعها تعرف انما مين هيشترى منك بعد سنتين تلاتة عربية بترا وهيدفعلك فيها كام بص فى مثل بيقول حسن السوق ولا حسن البضاعة وتحت امرك