-
ارجو المساعه ؟
ارجو المساعده على وجه السرعه يوجد مشكل فى ال 128
انا بسمع صوت قريب من شخللت المفاتيح لمى بكسر يمين ( مفيش اى صوت لو كسرت شمال )جاجه بصيطه جدا او لو باخد ملف او سعات لو على مطب المهم رحت للعفشجى قلى دى قواعد المكنه غيرته وفيش فرق فى الصوت رحتله تانى قلى دى مش من العفشه العفشه سليمه سبته ورحت لواحد تانى قلى بعد ماجربه بدام بيحصل كده وانت مدى نقله يبقى ده عيب كبالن بعد ماسبته بكام يوم لقيت الصوت بيظهر حتى لو انا مش مدى نقله
سبت كل ده ورحت لبتاع ظبط الزوايه قلى 90 % بليه روح اكشف على البلى بتاع العربيه رحت قلى الاتنين سلام
اعمل ايه انا عاوز الصوت ده يروح بسرعه لانو مزعج وتاعبنى جدااااااااااااااااااااااا ااااااااااااااااااااا
-
شوف ممكن تلاقية من الطارة نفسها من جوة حاول تفكها ممكن يكون فيها حاجة عايزة تتشحم او سايبة
-
بس المشكله ان الصوت من ادام مش جاى من الطاره خالص
-
أكشف على بيض الدركسيون وبارات الطرف
-
شوف اخبار الفرامل اية
لو التيل متأكل بتعمل الصوت ده
-
اولا كل سنة و انت طيب
تعالي نشوف عناصر العفشة واحد واحد و نشوف المشكلة منين اول حاجة عاوزك تتاكد من تربيط البطاحة بتاعت المساعد و ده بيحصل انك هاتفتح الكبوت و حد يعد يحركلك الدركسيون يمين و شمال و انت تسمع الصوت منين و تشوف الصامولة العلوية بتلعب ولا لا
تاني احتمال انها من الكوبلن (( لعنة الـ128)) حضرتك تدي غيار و تطلع بالعربية من الثبات و انت كاسر الدركيون على الاخر كل ناحية و تشوف الصوت من انهي واحد و طبعا يا ريت تبص على الكاوتش بتاعت الكوبلن مقطعة ولا لا و المفروض طول ما انت مدي غيار فيه حمل على الكوبلن الصوت موجود و لما تدوس دبرياج مفيش حمل يبقي مفيش صوت
بعدين نشيك على البيض بتاع الدركسيون (( البارة )) و بتاع المقص و ده محتاج صنيعي علشان هايفك حاجات
لو كل حاجة سليمة يبقي تبص على الركب الي راكب فيها الميزان ممكن تكون اخدت مطب و اتكسرت او اي شرخ في الشاسيه
-
صوت شخللة المفاتيح ده عادة بيصدر من اما من وردات سايبة او من جلب تآكل المطاط بتاعها شوف فين فيه وردات سايبة، انت عندك وردات فى ربط علبة الديريسكيون بجسم السيارة ووردات التقديم والتأخير عند اتصال المقص بالميزان ووممكن يكون فيه وردات عند ربط كاوتشات الميزان، بالنسبة للجلب فانت عندك فيه جلبتين لكل مقص، شوف حالتهم ايه
-
حمد الله ع السلامة يا سبعاوى
من فترمش بنشوف مشاركاتك المميزة
-
انا رحت لعفشجى وكربته كل حاجه وقلى العفشه تمام التمام وفهاش حاجه وقلى ده مش عيب عفشه المشكله اى انا كنت راكن على حاجه عليه من الحمب اليمين وبسجن العربيه لقيت الصوت ظاهر باستمرار دون توقف قلت افتح الكبوت واجيب الكشاف واشوف فى ايه اتشقلبت على العربيه ومفيش حاجه ظهره خالص وكمان فىيش اى شروخ فى العربيه خالصصصصصصصصصصصصصصصص
-
بما ان الصوت ظاهر و العربية واقفة يبقي مش عيب عفشة فعلا
ممكن تبداء تراجع على طنابير الموتور و على عمود الكامة و الكاتينة و البلية و السيور
Content Relevant URLs by
vBSEO 3.6.0 PL2