السلام عليكم مشكلة فى ثرموستات الحرارة

**giuoshe** · 06-09-2009 02:13 AM

السلام عليكم ورحمة الله

دى أول مشاركة ليا / أنا عندى مشكلة فى ثرموستات مروحة التبريد الثرموستات كانت بتشتغل على 85 وبتفصل 80 - مرة واحدة لقيتها بتشغل على 92 وتفصل 90 جبت واحدة تانية 68/85 وركبتها اشتغلت على 92 وفصلت 90 على فكرة لعربية لادا سمارا 2115 مو 2007 ياريت لو حد يعرف يجاوبنى

**SAMEH_FOUAD** · 06-09-2009 02:41 AM

اتاكد من مباة الردياتير والقربة انهم مليانين

**samirayad** · 06-09-2009 09:18 PM

أعتقد حتحتاج تغير سلك تلقيط المروحه الواصل من الثرموستات للمروحه

**sab3aawy** · 07-09-2009 01:50 PM

احتمال كبير ان الردياتير يكون شبه مسدود، لأن الثرموستات بيتحط فى ابرد نقطة فى الدايرة فى قاع الردياتير والحساس بيتحط فى اسخن نقطة فى الدايرة فى وش السلندر ، فلو حصل سدد فى الردياتير فبيخلى سريان المية بطئ جدا مما يؤدى الى ان الكمية البسيطة اللى بتعدى تبرد بشدة ثم تعود لتسخن بشدة فى المحرك، وده بيخلى الحرارة عند الحساس تكون عالية جدا وعند الثرموستات تكون واطية جدا فيحدث ان الثرموستات مليقطش غير لما الحرارة عند الحساس تعدى التسعين لأن الثرموستات شايفها عنده 60

السبب التانى اللى ممكن يؤدى الى ضعف سريان المياه ونفس النتيجة هو تلف جزئى او تآكل بطرمبة المية وده ممكن الكشف عليه بفك طرمبة المية ومعاينتها بالعين

**giuoshe** · 10-09-2009 11:05 PM

السلام عليكم ورحمة الله وبركاتة
متشكر جدا على الرد سبعاوىوأسف على التأخيبر فى الرد بس انا عندى فى العربية 2 ثرموستات واحد فى الردياتير ودة الأصلى بتاع العربية وحرارتة 90/102 أما الثرموستات الثانى الي بسأل علية فدة فى كوعة المية وهما فى التوكيل بيعملوة تعديل علشان احنا هنا لوشوفنا حرارة العربية 100 درجة طبعا هنتخض هودة دة الي أنا بغيرة لما بيبوظ هل دة ينطبق مع كلام حضرتك والدياتير يكون مسدود

**tananybasha** · 11-09-2009 12:34 AM

ممكن يكون العداد بيهيس عشان تتأكد هات واحد 68/75 و اتأكد لو نفس الدرجة يبقى العداد هو اللى فى حاجة و بيقرا درجة الحراره غلط من الموتور

**aid904** · 11-09-2009 02:36 PM

"أعتقد حتحتاج تغير سلك تلقيط المروحه الواصل من الثرموستات للمروحه "
المشكله دي حصلتلي وفعلا اتحلت زي ما نصحني الباشمهندس سمير لما غيرت المروحه و السلك بتاعها بس للاسف رجعت تاني بعد 3 اسابيع
وعلشان كدة انت فعلا لازم تتاكد من طرمبه الميه انها تعمل بكفاءة وان الريداتير سالك زي ما قال المهندس سبعاوي
بس انا احب اضيف حاجه كمان يا ريت تراجع على حساس الحرارة وتتأكد انه كويس وانه مش عليه صدأ مثلا يقلل حساسيته

**aid904** · 11-09-2009 02:39 PM

اه كمان نسيت حاول تقيس درجه حرارة الميه في الريداتير أو القربه بترموتر عند حد بتاع ريداتير علشان تعرف ان العداد سليم ولا بيخرف

الموضوع: السلام عليكم مشكلة فى ثرموستات الحرارة

LinkBack

أدوات الموضوع

عرض

-

-

-

-

المواضيع المتشابهه

ثرموستات الحرارة

كيف أختبر ثرموستات الحرارة

السلام عليكم ورحمة الله وبركاته ... عندي مشكلة في الشيفروليه لانوس 2009 وبصراحة دخت

ثرموستات الحرارة

الكلمات الدلالية لهذا الموضوع

المفضلات

المفضلات

ضوابط المشاركة