انخفاض سعر الياريس

**ramylanos** · 06-09-2009 02:36 AM

واصلت شركة "تويوتا إيجيبت" تقديم سيارتها الشهيرة "ياريس" بأسعار مخفضة بسبب انخفاض سعر الين الياباني منذ فترة طويلة ما استلزم استمرار العرض.

وجاء طرح الطراز الأول من "ياريس" ذو ناقل الحركة اليدوي وتشمل تكييف و"باور ستيرينج" مقابل 86.900 جنيها.

أما الطراز الثاني الذي يتمتع بنفس مواصفات الأول إضافة إلى وجود زجاج كهربائي و"سنتر لوك" وeyless entry فسعره أصبح 93.900 جنيهاً ، وجاء سعر الطراز الثالث بناقل حركة أتوماتيكي و"بارو ستيرنج" وتكييف ، فضلا عن ABS مقابل 95.900 جنيهاً.

وأخيراً أصبح سعر أعلى طرازات "ياريس" الذي يتوافر بناقل حركة أتوماتيكي ، و"باور ستيرنج" ، فضلا عن ABS وتكييف وSpoiler 103.900جنيهاً.

يذكر أن جميع طرازات "ياريس" الأربعة موديل 2009 ومحركها قوته 1300 سي سي ، وتتميز بتصميمها الرياضي الرشيق والذي يضفي عليها شخصية متميزة عن باقي منافسيها.

فخطوط "ياريس" الانسيابية الممتدة من الخلف إلى الأمام بأبعاد تضفي أناقة منقطعة النظير لتتلاقى عند المقدمة في تناغم ثلاثي مثير يتوسطه علامة شركة "تويوتا" المميزة.

الموضوع منقول

تم التعديل و النقل لتويوتا

مشرف عام .4

**eslamrace** · 06-09-2009 03:07 AM

مشكووووووووووور وعقبال باقى العربيات

**som3aa** · 06-09-2009 03:57 AM

مكتوب يا جماعة موديل 2009
يعنى بيصفوا

**محمد ابراهيم 1** · 06-09-2009 04:12 AM

الأسعار منزلتش ولا حاجه
العربية زى ما هى بقالها أكتر من 3 شهور بنفس الأسعار دى

**abohalmos** · 06-09-2009 02:09 PM

الاعلان هوا هوا من شهور ماتغيرشى

و التوكيل ما بيعملشى اى عروض ترويجية

هيا كل اسبوع صفحة عبيطة فى اخبار و اهرام السيارات و الكلام هوا هوا بقالوا شهور

و الموضوع اساسا عشان يحسسوا الناس انها انخفضت فى السعر ......فالناس اللى مش متابعة او ملهومشى فيها يفتكروا انه ده عرض و فترة محدودة و هيا لسه سعرها نازل جديد ......فتقوم الناس تجرى تشترى و يخلص المخزون بتاع 2009 .... و تبدأ يا حلو الاسعار تولع من تانى على موديل 2010 ....

هي دى مصر يا عبلة

قارن ده بتوكيل دايهاتسو اللى شغال عروض .......كل عرض اجمد من اللى قبله و اسمه يابانى برضه .... و اخر عرض تستلم العربية مرخصة و متأمن عليها و تدفع اول قسط بعد شهر..........و تقسيط مباشر وتأمين تكافلى اسلامى ...

انا بحس انه توكيل تويوتا نايمين فى العسل و متكلين على الماركة بتاعة تويوتا و مش بيعملوا اى حاجة خالص ...... غير انهم يشتغلوا الناس اللى عاوزة تشترى ......لما يبقى فيه ركود يقولك الاسعر نزلت ..... و هيا اساسا مغلينها من قبل الركود عشان لما تنزل تانى .......تبقى برضه اغلى

طبعا كل التوكيلات فى مصر كده ......

وكل ده فى مصر يا اولاد ......:pointi~2[2]:

**alisleman** · 06-09-2009 03:24 PM

انا السعر دة اللى شارى بيه من 3 شهور ايه اللى اتغير

**aneo** · 06-09-2009 10:49 PM

السعر ده فعلا جديد لكن لازم يكون فى إن فى الموضوع و الإن هنا ان التخفيض ده من شهر فبراير الى فات يعنى بقالو 7 شهور و كل كام اسبوع ينزلك الاعلان العقيم فى الاخبار عشان يضحك على الناس الى مش فاهمة الفولة

**sa3dawy** · 07-09-2009 04:21 PM

هما الخبر لسة واصلهم ولا اية ؟؟؟دا الكلام دا من 3 شهور ... وبعدين اصلا هيا كانت غليت حوالى شهرين ونزلت تانى .. لكن طول عمرها بالاسعار دى
اية الجديد يعنى ..