| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 28

الموضوع: هزقني .. شكرا !

  1. #1

    الصورة الرمزية MoToRiZeR

    رقم العضوية : 2780

    تاريخ التسجيل : 25Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي هزقني .. شكرا ! - Facebook Twitter whatsapp انشر الموضوع فى :

    hasad">

    فيه ناس تيجي تقولك انا مسكت واحد و انا جي إنهاردة .. هزقته تهزيق !! بستفته !! مسحت بكرامته الأرض ! و تقولها بمنتهي الفخر و كأنه قد أحرز ميدالية أولومبية .. انا مش منهم .. مبحبش أحسس حد بالدونية خاصة البسطاء زي حارس أو عامل مثلاَ لأنها بتقلب معاه بحقد طبقي و بتخش في دماغه إن عشان انا غلبان يتعمل فيا كدة ولا إييه و تنزل في الخلفية أغنية نحن لا نزرع الشوك .. لأ انا بحب أعامل الناس كويس و أمشي و هما مبسوطين و فيه إبتسامة علي وشهم و في الخلفية ناس ماسكين أيدين بعض و بيغنوا محلاها عيشة الفلاح .. لأن كمان انا مؤمن اللي بيتهزق لازم بيحتاج ينفس فا يا هيروح يضرب مراته يا عياله يا عيل صغير بيشتغل عنده فا بتجنبهم خالص .. مش دي المشكلة .. المشكلة إن فيه ناس تكاد تكون بتتوسل إليك عشان تهزقها !!! فيه ناس بتحب تتهزق .. و متجيش إلا بالتهزيق .. ولو حاولت تتعامل معاهم بطريقة تانية هيسوقوا فيها ! مثال .. حارس أمن بالمقابلة أمس .. بعد إنتهاء المقابلة و كله جميل و إتفقنا علي الذهاب إلي مركز شباب الشيشة قلتلهم يا جماعة هروح أجيب العربية و أمشي وراكم عشان معرفش الطريق .. و رحت .. و فتحت العربية و ركبت و متوجه إلي باب الخروج و لقيت قمع قدامي .

    الحارس : خير يا باشا .
    انا : طالع برة إن شاء الله .
    الحارس : أيوة بس النادي بتذاكر أو كارنيهات
    انا ( أنظر حولي مستغرباَ ) : إحنا جوة النادي !!
    الحارس : أيوة حضرتك يبقي تطلع من البوابة التانية و تمشي شوية عالأوتوستراد هتلاقي البوابة الرئيسية بتاعة النادي خش منها .
    انا : انا مش عايز أدخل .. انا عايز أخرج !! انا مروح !! و بعدين إحنا بالفعل جوة هدخل كمان ليه !!
    الحارس : طب ماهو لازم تذكرة
    انا : امال انا دخلت هنا إزاي !؟ نطيت من عالسور بالعربية !؟ انا لي تصريح عالباب .. دخلت و ركنت العربية و قعدت شوية و ماشي !
    الحارس : أنهي عربية !؟
    انا : العربية دي !!
    الحارس : إنت دخلت بالعربية دي دلوقت ؟!
    انا : لأ انا جيت لوحدي و هي قابلتني هنا ! يا عم إنت بتقول إيه ! خلصني عشان فيه ناس مستنياني ! و مش خارج من بوابات تانية عشان فيه ناس مستنياني عالبوابة دي
    الحارس : بص يا أستاذ .. مينفعش تخرج من هنا .

    دي عينة بسيطة من الحوار .. و كان بهذا الحارس من الغباء يرتسم في طريقة نطقه و تعبيرات وجهه ما يكفي إنه يخليني أشد في شعري .. و قررت أن أشوط القمع و أخبطه بالعربية و أمشي .. قام رامي نفسه تحت العربية و متكلم في لاسلكي معاه جالي واحد تاني! قلتله البهيم ده بيقولي كذا كذا و بلهجة حادة جداَ .. قاله إيه يبني فيه إيه إيه اللي بتعمله ده ! و فتحلي الطريق ! و اللي يغيظ إن أصلاَ و انا داخل النادي من البوابة الرئيسية كمان قلبتلهم نور قاموا فاتحين الباب !

    مثال أخر : القهوة اللي قريبة من البيت فيها ناس ساعات يجيبوا كراسي و يقعدوا جنب العربية و يسندوا الكراسي عليها و أحلي نقر تستناك تاني يوم و إنت نازل .. و الناس دي ناس معينة لا تتغير .. رحت مرة قلتلهم بوجه مبتسم ينفع يا رجالة اللي إنت عملتوه ده ؟ قاموا بقي لا مؤاخذة يا باشمهندس و الله ما نقصد و عربيتك في عنينا و بتاع .

    تاني يوم .. هما هما .. نفس السندة .. نزلت (وش خشب) .. إيه يا جماعة إحنا مش لسة متكلمين ولا إيه !؟ لا مؤاخذة يا باشمهندس .. إبعد يا إبراهيم شوية عن العربية !

    تالت يوم .. هما هما أكنهم راكور جنب العربية ... من البلكونة بقي (زعيق) إنت يا بني أدم إنت و هو .. هو انا موراييش غيركوا ولا إيه !؟ أجبلكم حكومة تقفل أم القهوة دي خالص !؟ ........* !!! و دي كانت أخر مرة يقعدوا فيها .

    مثال كمان .. السايس بتاع الجراج اللي في الجامعة .. متغسلش العربية يا أحمد غير لما أقولك .. متحطنيش قدام الأمر الواقع كدة !

    هو : ماشي يا باشا أؤمر إحنا بس بنحب نخدم .

    بعديها بكام يوم أطلع ألاقي العربية مغسولة برضه و ألبس 7 جنيه ولا عشرة جنيه في ركنة .. يا أحمد انا مش قلتلك متغسلش العربية ؟ يا باشا أصل كانت متربة و الله و صعب عليا تمشي بيها كدة ! شغل محلسة بقي .

    تالت مرة .. ............* يا أحمد !!! إنت هتشتغلي بقي !!!! طب مش دافع .. و إبقي إغسلهالي كل مرة ببلاش عشان مش هدفع حاجة .. و دي كانت أخر مرة أطلع ألاقي العربية مغسولة .

    المشكلة في هذه الفئة اللي تتغذي و تترعرع علي التهزيق و قلة القيمة .. متاخدش منه حاجة و متتقيش شره غير لو إتهزق .. هذه الفئة اللي تربت في بيئات جعلت التهزيق لهم كأغنية لأم كلثوم يوم الخميس .. مزاج ! انا كنت بتجنب التعامل مع الناس دي بس فيه مواقف لازم بتضطر تتعامل معاهم فيها ! أعمل فيهم إيه بجد .. انا بضايق اما أضطر أهزق حد بس مش ممكن كمية الغباوة دي !! إيه الحل عشان مقللش من قيمة حد و محرقش دمي في نفس الوقت!؟


    Leadership is based on inspiration, not domination


  2. #2

    الصورة الرمزية SeiffoZ

    رقم العضوية : 17720

    تاريخ التسجيل : 02Sep2008

    المشاركات : 3,458

    النوع : ذكر

    الاقامة : Cairo

    السيارة: Renault Logan 2010

    السيارة[2]: Florida 2006 1.4cc

    دراجة بخارية: لا

    الحالة : SeiffoZ غير متواجد حالياً

    افتراضي -

    معلش هههههههههههههههه

    موقف النادى ده يضحك جدا!!!

    بس إللى إنت كلنته ده أكيد إنسان مستوى ذكاءه محدود شوية ....

    بتوع القهوة دول ربنا يعينك عليهم ..

    نفسن براحتك ..
    إشتم براحتك ...
    إغلط و متعوزش تتحاسب ...
    إتبلطج و خدها دراع و أعمل دكر ..
    إحجر على الرأى التانى و إتريق على الناس ..
    إنت عن جدارة عالم ثالث و متتكلمش تانى على الهجرة.


  3. #3

    الصورة الرمزية أحمد كمال

    رقم العضوية : 33438

    تاريخ التسجيل : 19Feb2009

    المشاركات : 14,563

    النوع : ذكر

    الاقامة : استراليا

    السيارة: None

    السيارة[2]: Toyota Camry

    دراجة بخارية: Harley-Davidson

    الحالة : أحمد كمال غير متواجد حالياً

    افتراضي -

    لسه من اسبوعين تلاتة كده كان عندي كورس في جراند حياة

    و اتخانقت مع بتاع الأمن مرة بسبب الغباء برضه

    و انا و الله ما باحبش اجي على حد زيك يا موتورايزر ...... بس هي فعلا هزأني شكرا زي ما انت بتقول


  4. #4

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    ههههههههههههههه

    خد من ده كتير يا موتو

    هو دخول الحمام زي خروجه


  5. #5

    الصورة الرمزية yossef

    رقم العضوية : 13879

    تاريخ التسجيل : 30Jun2008

    المشاركات : 201

    النوع : ذكر

    الاقامة : al manial

    السيارة: s

    السيارة[2]: g

    الحالة : yossef غير متواجد حالياً

    افتراضي -

    فعلا الشعب ما بيجيش غير بالعنف


  6. #6

    الصورة الرمزية M.Osman

    رقم العضوية : 23065

    تاريخ التسجيل : 24Oct2008

    المشاركات : 6,831

    النوع : ذكر

    الاقامة : Egyptian highways

    السيارة: -------

    السيارة[2]: Hyundai Verna 2007

    الحالة : M.Osman غير متواجد حالياً

    افتراضي -

    بصراحة يا محمود ..
    انت بتجيب حاجات من بين السطور في حياتنا اليومية (زي برضه موضوع انا مش في الدايرة) .. ضحكتني.. و اعتقد مفيش حل غير المعاملة الهادية في الأول بدون عصبية لأن العصبية مش بتجيب غير المشاكل فعلاً


  7. #7

    الصورة الرمزية pro_samir

    رقم العضوية : 11181

    تاريخ التسجيل : 21May2008

    المشاركات : 5,568

    النوع : ذكر

    الاقامة : NULL value in a database

    السيارة: BMW E34 - 518i

    السيارة[2]: Toyota Starlet EP80

    دراجة بخارية: Toktok Coupe

    الحالة : pro_samir غير متواجد حالياً

    افتراضي -

    بقى من الصعب فعلا الواحد يمسك نفسة وميشتمش وهوا سايق

    انهاردة الصبح شوفت شيخ فى التليفزيون كان بيتكلم عن الأيمان وان علشان الواحد يكون علشان يظبط نفسة لازم يظبط قلبة ، وتظبيط القلب بيبدأ من اللسان وحسن الخلق وان لازم الواحد ياخد بالة كويس من كلامة لأن دة مدخل للقلب

    قلت الواحد هيبطل يشتم العالم الــ تيت وهوا سايق لأن الواحد بيقعد يسب ويلعن من اللى بيشوفة

    طبعا بمجرد ما الواحد ينزل الشارع بيبقى نفسة يشتم

    واللى كمل عليا الصراحة وانا راجع على الزراعي عربية فى الحارة الشمال خالص خابطة موتسيكل والواد اللى كان راكبة واقع قدام العربية شكلة ميت والعربية زى متكون داخلة فى عامود ، وبعدها بحوالى عشرة متر فى اقصى الحارة اليمين الموتسيكل واقع ومتكسر عشرين حتة

    الله يرحمة لو كان مات ، بس فضلت طول الطريق وانا راجع بتخيل نفسى مكان الراجل اللى خبطة وعمال اشتم فى المرحوم طول الطريق

    والظريف ان الناس كانو قاطعين الطريق ومش عايزين العربيات تعدي خالص مع ان فاضل ربع ساعة على المغرب

    نفسي برضو زيك ألاقى حل ، بس كما قال رسول الله صلى الله عليه وسلم-: ليس الشديد بالصرعة، إنما الشديد الذي يملك نفسه عند الغضب (متفق عليه) .

    ربنا يقوينا على نفوسنا

    Mohamed Samir

    '


  8. #8

    الصورة الرمزية eslamrace

    رقم العضوية : 33348

    تاريخ التسجيل : 18Feb2009

    المشاركات : 1,869

    النوع : ذكر

    الاقامة : alexandria

    السيارة: ........

    السيارة[2]: bmw 318I e46

    دراجة بخارية: ........

    الحالة : eslamrace غير متواجد حالياً

    افتراضي -

    والله يا جماعه صراحه ساعات الواحد بيعدى ويستحمل وساعات بيبقى الواحد مضغوط فمش مستحمل حد يعامله بغباء فبيضطر يستخدم الاسلوب ده

    بس اهم حاجه انك متجيش عليهم فى الفاضيه والمليانه
    وموضوع جامد ومشكوووووور

    http://store2.up-00.com/2015-11/1448722430351.jpeg

    my new car


  9. #9

    الصورة الرمزية SeiffoZ

    رقم العضوية : 17720

    تاريخ التسجيل : 02Sep2008

    المشاركات : 3,458

    النوع : ذكر

    الاقامة : Cairo

    السيارة: Renault Logan 2010

    السيارة[2]: Florida 2006 1.4cc

    دراجة بخارية: لا

    الحالة : SeiffoZ غير متواجد حالياً

    افتراضي -

    اقتباس المشاركة الأصلية كتبت بواسطة yossef مشاهدة المشاركة
    فعلا الشعب ما بيجيش غير بالعنف

    سؤال بس..

    حضرتك مش من ضمن الشعب بردوا؟؟

    نفسن براحتك ..
    إشتم براحتك ...
    إغلط و متعوزش تتحاسب ...
    إتبلطج و خدها دراع و أعمل دكر ..
    إحجر على الرأى التانى و إتريق على الناس ..
    إنت عن جدارة عالم ثالث و متتكلمش تانى على الهجرة.


  10. #10

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    hasad">

    يوم الجمعة بالليل كنا داخلين مستشفى المقاولون و قابلنا برده بتاع امن زى اللى قابلك ده بالظبط على البوابة .

    اخر لما زهقنا دخلنا غصب عنه و كنا هنخبطه و دخلت كشفت و خرجت و كنا هندوسه تانى . :)

    طول ما انت فى مصر كل شيء جايز .



 
صفحة 1 من 3 1 2 3 الأخيرةالأخيرة

المواضيع المتشابهه

  1. مشاركات: 51
    آخر مشاركة: 02-12-2016, 10:52 PM
  2. الحمد لله استلمت اللوجان ورخصت .. تقييم صغير + شكرا رينو+ شكرا داتشيا
    بواسطة amr.elsayed في المنتدى قسم خاص بالسيارة لـــوجـــــان
    مشاركات: 84
    آخر مشاركة: 22-01-2014, 07:54 PM
  3. الحمد لله اولا واخيرا ........ ثم شكرا رينو ..... شكرا مصر للتأمين
    بواسطة nour_nrc في المنتدى قسم خاص بالسيارة لـــوجـــــان
    مشاركات: 15
    آخر مشاركة: 23-08-2011, 03:16 PM
  4. شكرا توكيل رينو العبور- شكرا م/أحمد
    بواسطة Mahmoud Saloum في المنتدى ريــــنو
    مشاركات: 3
    آخر مشاركة: 27-04-2011, 03:40 PM
  5. شكرا هيونداي-شكرا ميتسوبيشي-في انتظار المزيد ...
    بواسطة Karim_Monir في المنتدى خــدمات نــايل موتورز للأعضــاء
    مشاركات: 167
    آخر مشاركة: 08-08-2010, 09:14 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2