عرض للطباعة
لحد دلوقتي انا صارف علي التكييف الصيف دة حوالي 500 جنية و في الأخر راحوا في الأرض
التكييف كل ما اشحنة يسرب فريون
جربت فريون 12 مفيش فايدة
جربت 34 مفيش فايدة
زيت للكباس مفيش فايدة
اروح للراجل بتاع التكييف يكبس الأمبير متزحزحش من مكانة
يقوم شاحن بعدها بيومين يطير الفريون بالتدريج كل ما اشغلة
مبقتش عارف المشكلة في اية و عايز حل نهائي لأنة خرب بيتي بصراحة
للعلم هو تكييف متركب و نوعة ساندن
ربنا يعينك وتعرف المشكلة فين
طيب ما تروح لساندن مش هما اللي مركبينه؟
المشكلة اني اشتريت العربية و هو متركب فيها و معرفش متركب فين و معاييش ولا ورقة تخصةاقتباس:
المشاركة الأصلية كتبت بواسطة tabeb
فمش عارف ، و انت عارف بتوع التكييفات اكبر نصابين في الدنيا فمش عايز اروح يعملوا عليا شغل انا فعلا صرفت فلوس كتير جدا و مش حتحمل اصرف فلوس تاني و يطلع السبب ان الكباس عايز يتغير مثلا
ساندن ليهم توكيل
http://www.nilemotors.net/Nile/1343-1400.html
الموضوع ده فيه العنوان وافادات عن التكييف
اول حاجة لازم تودى السيارة لواحد بتاع تكيف كويس ,ثانيا ونصيحة منى طالما مش عارف التسريب منين ,يبقى خرج دورة التكيف كلها برة العربية ,المواسير بالكمبروسير والكويل وكدة كلة حاجة هاتبان قدامة ولو فية عيب هايتعمل بس ماتشحنش التكيف الا لما تكون متاكد ان العربية خلاص بطلت تسرب ,وحاول بردة تسيبها كتير جدا ,
وهاقولك على حاجة خليها اول حاجة يطلعلك الكويل برة ويكشف علية
وعندك واحد اسمة الريحانى الراجل دة جامد جدا فى التكيف هو فى الحرفيين ,ادخل لاخر شارع عند بتوع اليابانى وانزل يمين هتلاقى نزلة جامدة اوى هتلاقية اخر الشارع
لا هو الكباس مش بايظاقتباس:
و يطلع السبب ان الكباس عايز يتغير مثلا
بس تقريبا بيهرب الفريون من حوالين أويل سيل الكباس لما بتشغل التكييف ................
والمفروض تطمن أن الكباس فعلا مبيهربش فريون من حوالين العمود بتاعه من وراء طنبورة الكباس لما بتشغل التكييف
انا متشكر جدا يا جماعة علي كل النصايح دية
طيب حد يعرف بعينة اروحلة غير الراجل اللي سم سم قال علية، لأني بصراحة و بدون كسوف معرفش فين الحرفيين دية اصلا انا بسمع عنها، و كمان انا من وسط البلد فحقيقي مش عارف
http://www.nilemotors.net/Nile/83128-a.html
ده موضوع ازاى تروح الحرفيين
خلي بتاع التكييف يفكلك الكباس و يجرب كبسة برة قلة بس كدة و هو يغرف يعملة قبل ما تركب او تغير الكباس و على فكرة الكباس لو بينفث بيتصلح بسهولة و بيرجع زي الاول
روح لبدوى عند القمر الصناعى فى المعادى (قريب من الاوتوستراد ) ممتاز وفاهماقتباس:
المشاركة الأصلية كتبت بواسطة amrbakly
0101216591
0184257391
انا كمان من وسط البلد فهاقولك الطريق اللى بروحلها منة,
اول حاجة خد نفق الازهر ,وبعد كدة اطلع كانك رايح مصر الجديدة ,وبعد كدة هايقبلك كوبرى اللى بيوديك على العبور اطلعة واول فتحة على الكوبرى شمال ادخلها ,وبعد كدة امشى فى طريق كانك رايح على ملاهى السندباد ,وخد الطريق دة للاخر ,هايقابلك كوبرى على يمين الطريق ماتطلعوش وخد الطريق اللى جنبة ,وبعد كدة اقطع الطريق اللى فية شريط القطار وهتلاقية على شمالك ,وبعد كدة امشى فى اتجاة الشارع العمومى واول يو تيرن شمال فى اول يمين فى اول يمين تانى على طول لاخر الشارع خالص فى شمال انت كدة بقيت فى الحرفيين
بسم الله الرحمن الرحيماقتباس:
المشاركة الأصلية كتبت بواسطة amrbakly
مبدئيا قبل ماتكلم مينفعش تكييف قديم شغال بنظام r 12 يتحطلها فريون r 134 ولا العكس كمان لان دا بيتسبب فى تلف الكومبريسور و دا امر مفروغ منو فبرجاء تشوف التكييف بتاعك بيشتغل باى نظام و متغيروغ علشان متدخلش فى موال تانى
ثانيا لو كبس دايرة الفريون بالهوا زى مبيعملو و يحطو مياه و صابون و الامبير متغيرش و الصابون معملش فقاقيع خليه يلف الكومبريسور بايدو ممكن يكون الكلاتش بتاع الكومبريسور هو اللى بيسرب فلما تكون العربية واقفةعمرها متنفس انما لما التكييف يشتغل و الكلاتش يلقط و يبدا يلف تلاقيه نفس من حواليه
على فكره... ممكن يكون البلف اللي بيشحن منه هوه اللي بينفس... و مش هيلاحظه طالما بيشحن من نفس البلف لانه قافله بالخرطوم اللي بيشحن بيه.اقتباس:
المشاركة الأصلية كتبت بواسطة amrbakly
الموضوع بتاع التنفيس دا يا احمد باشا بيقدرو يكتشفوه باختبار الكبس لان الشحن البلدى اللى هم بيستخدموه بيبقى و العربية دايرة فبيبقى من بلف الضغط المنخفضاقتباس:
المشاركة الأصلية كتبت بواسطة ahmed hassan
انما لما بييجوا يعملو كبس للدايرة بيكبسوا هوا من البلف بتاع الضغط العالى و البلف التانى بس بعدها بيقفلوا المحبس بتاع رجوع الهوا و يشيل الخرطوم اللى على بلف الضغط المنخفض اللى هم بيشحنوا منوا فمع وضع المياه و الصابون بيبان اذا كان فيه تنفيس من البلف
و بالنسبة لو فيه تسريب من اى بلف هيبان من غير كبس لان اولا بيبقى عامل زيت و ثانيا لو اتحط صابون هيعمل فقاقيع على طول