مقارنه بين فئتين من السيراتو
سيراتو EX وكيل وسيراتو خليحى EX الفئه اللى بدون فتحة سقف و Abs
ــــــــــ
سيراتو EX الوكيل
الفرق فى انها جنوط سبور 16 + طبعا الضمان
السعر 109 بالحجز طبعا انتوا عارفين النظام
ــــــــــ
سيراتو EX خليجى
الجنوط سبور 15 مش 16
لكن تزيد
ريموت كنترول - كمبيوتر للسائق - ديكور نيكل - أكر داخليه وخارجيه نيكل - شبكة اماميه نيكل
السعر مختلف من مكان لأخر
لكن هو تقريبا 110 والتسليم على طول مش زى الوكيل
تختار ايه ولماذا ؟
أنا أختار الخليجى كفايه إنها تسليم فورى + كماليات زياده + الجنوط صغير ممكن كمان يكون أحسن ويخلى العفشة أنعم وده رأيى
شكرا ياباشا على رأيك
وفى انتظار البقيه
الخليجي طبعا يا حس كفاية ان مفيهاش تقلييب
طبعا الخليجي يا حسام بس تعد تدعي ربنا ال٥ سنين إن ميطلعش فيها عيب تصنيع (حتى أضمن من الضمان)
انا برضه رأيى ان الخليجى أحسن للاسباب اللى ذكرتوهااقتباس:
المشاركة الأصلية كتبت بواسطة mohammedsamirabdeen
بس برضه حابب اسمع ارائكم
ماهى دى المخاطره بقى فى الخليجىاقتباس:
المشاركة الأصلية كتبت بواسطة yoko
بس اللى انا لاحظته اننا فى مصر بنشترى خليجى كتير اوى
مش عارف احنا شعب بنحب نخاطر ولا بنحسبها ازاى
بس انا برضه ملاحظ ان عيوب الصناعه فى الوقت الحالى فى اغلب الماركات بقت قليله اوى
يعنى مسألة حظ ونصيب
بصراحة عندك حق بس أنا مبحبش المخاطرة دي لإنها مش محسوبة يعني الكورولا الي هنزلها قريب إن شاء الله سبتها هنا ٣ سنين قبل ما ننزلها عشان لو فيها أي حاجة تتصلح وفعلا كان فية مشكلة في الإزاز الكهرباء في باب السواق وإتغيرت المكنة بكهربتها بالكامل في الضمان
فعلا الضمان افضل عشان الواحد ينام وهو مستريح وفعلا ممكن الواحد يجيب العربية خليجي وبعد شهر ولا حاجة يحصل مشاكل في العربية مثلا تكيف يعطل ازاز كهربة يبوظ
انا اختار الخليجى لنفس الاسباب بردو
معلش توضيح صغير الوكيل الex فيها كمبوتر رحلات و فيها شبكه كروم من قدام
الخليجي زياده عليها الديكور الكروم اللي جوه و الوكر النيكي
و تنقص عنه جنت 15 مش 16 او طبعا 5 سنين ضمان
و اللي خليجي بتباع 112 او 113 و التوكيل بتتباع اوفير بريس 113 او 114 اسلام فوري
انا كان قدام اللتنين و فضلت اجيب الوكيل عشان الضمان
ديه وجهات نظر
أنا أختار الخليجى طبعاااااااااااااااا
لو الوكيل فيها كومبيوتر للسائق بردو يبقى وكيل اكيييداقتباس:
المشاركة الأصلية كتبت بواسطة gasserissa
مش هضحى بالضمان والجنوط ال16 علشان نواكل ؟؟!
اقتباس:
المشاركة الأصلية كتبت بواسطة sa3dawy
فعلاً الوكيل فيها كمبيوتر للسائق زي الخليجي
وبصراحة ........عندك حق
مش هاضحي بالضمان والجنوط 16 مقابل الريموت والنواكل
:N_no[1]: :N_no[1]: :N_no[1]: :N_no[1]:
اقتباس:
المشاركة الأصلية كتبت بواسطة sa3dawy
ما هو ده كان رايي انا كمان عشان كده جبت الوكيل انا بنسبالي الضمان مهم اوي
في حد قالي قبل كده لو كل 1000 عربيه في عربيه و حده فيها مش كله برضه احتمال تكون عربيتك ليه تخاطر
و انا قتنعت فا جبت ال ex الوكيل
خليجى طبعآآآآآآآآآآآآآآآآآآآآآآ آآآآآ
شكرا ياباشا على التوضيحاقتباس:
المشاركة الأصلية كتبت بواسطة gasserissa
اسمح لى اسألك بما انك معاك ex الوكيل
واكيد شفت او اتفرجت على الفئات الاخرى اللى فيها ديكور نيكل فى الفتيس والطاره والاكر
هل الصالون من غير ديكور نيكل فارق اوى فى الشكل والشياكه
ولا عادى اللى من غير نيكل كويس برضه
بص يا باشا و الحقيقه ان تبلوه الخليجي اشيك و شكله احله بس مش كتير اوي يعني مش فرق فظيع و كمان بيليل مع النور الحمر في الطبلوه و الطبلوه السود شكلها فظيع انا بعشق السواقه بليل عشان شكل التبلوه و الانوار
بوضوع فارق اوي ده مسائله نسبيه اوي انا عن نفسي مش شايف فرق كبير رغم اني بعترف ان النواكل اشيك بس التنيه مش زباله يعني
اعتقد اني مقدرش استغنى عن الضمان
هو موضوع محير، بس فكرة الموضوع حلوة و وضحتلي حجات كتير ، يا ريت يا أستاذ حسام لو مفهاش إزعاج لحضرتك انك تعمل نفس المقارنة بين التوكيل و الخليجي بس على الفئات الأعلى و نبقى نتناقش فيها برده عشان الكل يستفيد.
كل سنة و الكل بالصحة و السلامة
و شكرا
انا عايش في قطر و هنا بتنزل بالاتي بالاضافة لكل اللي قلت عليه:
1- 2 ايرباج
2- abs
دي من غير نواكل و الجنوط 15 مش سبور
تمنها 46 الف يعني تقريبا 110الف جنيه بالجمارك