سنتر لوك النيو اكسنت

**mhmdsfwt** · 06-09-2009 10:46 AM

عندي مشكلة في السنتر لوك
وهي عند قفل الابواب بالريموت ...كل الابواب بتقفل ماعدا باب السائق...ساعات بيقفل وساعات لأ
اعمل ايه افيدوني

**BassamHafez** · 06-09-2009 01:19 PM

السنتر اصلا بيتركب في مصر عند اولاد عشم نوار في شارع دمشق فممكن يكون محتاج يتربط بس

انت ممكن تروحلهم ولو عربيتك لسه في الضمان هيعملهولك وانت واقف ببلاش

**farrag** · 20-11-2009 03:23 PM

السلام عليكم

دي أول مشاركه ليه , الحمد الله ربنا كرمني و اشتريت نيو أكسنت العربية تمام و زي الفل , بس ظهرت برضه عندي مشكلة في السنتر لوك , دايماَ الصبح و انا نازل الشغل الأربع ابواب مبيفتحوش و بأضطر ان انا افتح بالمفتاح و لما حد بيركب معايا بأضطر ان انا افتح الباب بنفسي و المفروض ان انا اكتفي بفتح اللوك اللي جنب السواق عشان افتح الأربع ابواب , أرجوا سرعة الإفادة و شكراَ

**monmonmon** · 20-11-2009 06:13 PM

المشاركة الأصلية كتبت بواسطة farrag

السلام عليكم

دي أول مشاركه ليه , الحمد الله ربنا كرمني و اشتريت نيو أكسنت العربية تمام و زي الفل , بس ظهرت برضه عندي مشكلة في السنتر لوك , دايماَ الصبح و انا نازل الشغل الأربع ابواب مبيفتحوش و بأضطر ان انا افتح بالمفتاح و لما حد بيركب معايا بأضطر ان انا افتح الباب بنفسي و المفروض ان انا اكتفي بفتح اللوك اللي جنب السواق عشان افتح الأربع ابواب , أرجوا سرعة الإفادة و شكراَ

مكن السنتر مش مظبوط سواء فى وضعه او الوير...

روح لعشم نوار لو الانذار تبعه و هيعملهولك ببلاش.. او التوكيل لو اصلى بس مش مستاهله المشوار اعمله فى اى حته

و اتأكد منه اقعد افتح و اقفل فيه قبل ما تمشى و اتأكد انه ظبطه تمام لانى روحت قبل كده و باظ بعدها

**د.محمد** · 20-11-2009 11:02 PM

انا اللى انا متاكد منه ان السنتر بيجى من بلاده زى ما هو مش بيتركب هنا, وانما اللي بيتركب هنا الكاسيت والانذار فقط

**farrag** · 21-11-2009 12:38 PM

المشاركة الأصلية كتبت بواسطة monmonmon

مكن السنتر مش مظبوط سواء فى وضعه او الوير...

روح لعشم نوار لو الانذار تبعه و هيعملهولك ببلاش.. او التوكيل لو اصلى بس مش مستاهله المشوار اعمله فى اى حته

و اتأكد منه اقعد افتح و اقفل فيه قبل ما تمشى و اتأكد انه ظبطه تمام لانى روحت قبل كده و باظ بعدها

أشكرك اخي الكريم على سرعة الرد
انا كلمت خدمة عملاء ابو غالي اللي انا اشتريت العربية من عندهم و هأروح لهم بكرة انشاء الله وهاعمل اللي انت بتقولي عليه و هما في مدينة العبور و مش زحمة أوي زي غبور بس انا كلمت الفني عندهم و قالي ان الموضوع بسيط و ان السنتر محتاج "رجلشه" مش اكتر يا ترى الكلام ده صح و الا غلط و انشاء الله لما ارجع من عندهم هابلغكم بالنتيجة.

أكرر شكري لك و للأخ الكريم د.محمد

**monmonmon** · 21-11-2009 06:11 PM

المشاركة الأصلية كتبت بواسطة farrag

أشكرك اخي الكريم على سرعة الرد
انا كلمت خدمة عملاء ابو غالي اللي انا اشتريت العربية من عندهم و هأروح لهم بكرة انشاء الله وهاعمل اللي انت بتقولي عليه و هما في مدينة العبور و مش زحمة أوي زي غبور بس انا كلمت الفني عندهم و قالي ان الموضوع بسيط و ان السنتر محتاج "رجلشه" مش اكتر يا ترى الكلام ده صح و الا غلط و انشاء الله لما ارجع من عندهم هابلغكم بالنتيجة.

أكرر شكري لك و للأخ الكريم د.محمد

العفو يا اخى و لا شكر على واجب

هو بيقول رجلشه و خلاص علشان ميخوضش فى تفاصيل.. انا حصل معايا الموضوع ده اكتر من مره (فى عربية هيونداى i10 ) و كنت بقف مع العامل و بشوفه و المشكلة ان العامل اللى بيظبط مكنة السنتر ساعات مش بيربط المسامير كويس فبعد فترة بتفك و وضع المكنة بيبوظ

و ساعات مش بيظبط وضع المكنة فتلاقيها اشتغلت كام مره و بعدين وقفت

مجرد ما يظبط و ضع المكنة صح و يربط كويس هتلاقيها شغاله تمام و استحاله تبوظ تانى.. انا معايا الماتريكس من 2007 لحد دلوقتى مفيش اى مشاكل الحمد لله