عملية إعادة التعلم للفتيس الأوتوماتيك - Quick Learn Procedure

**ahmedfd** · 06-09-2009 12:26 PM

حد يا جماعة يعرف معلومات عن الموضوع ده؟
اللي أنا عرفت أفهمه (و يا ريت تصححولي لو كلامي غلط) إن الفتيس الأوتوماتيك اللي التحكم فيه إلكتروني يعني تقريباً في كل العربيات الحديثة بيأقلم نفسه على أسلوب قياده السائق أو بمعنى أبسط بيتعلم أسلوب قياده السائق و ده بيأخذ وقت .. يعني الي سواقته رياضية العربية بتتعود تأخر النقل شوية و تعمل كيك داون بصورة أسرع و ده غير اللي سواقته هادية شوية النقل بيكون أسرع..
المهم... سؤالي إن ممكن حد يحب يعمل إعادة تعلم للفتيس و ده بيكون إما عن طريق عمل Reset لبرنامج الفتيس أو خلع كابل البطارية و تركيبه تاني..

في الحالة دي بقى عملية إعادة التعلم أو Quick Learn Procedure for Automatic Transmission ليها خطوات .. مش كدة و خلاص و المشكلة إنه يبدو إن كل عربية ليها أسلوب معين..
يعني مثلاً بالنسبة للـ PT Cruiser الخطوات كالتالي:
Automatic Transmission Learning Procedure?!?! - PT Cruiser Forum
1- تسخين العربية لدرجة حرارة التشغيل.
2- الإنطلاق من الثبات مع الضغط على دواسة البنزين حتى 25% أو 50% من مشوارها حتى الوصول إلى سرعة 80كم/ساعة ثم الضغط الخفيف على دواسة الفرامل حتى الوقوف التام بعد كل إنطلاقة. الخطوة دي تتكرر 15 مرة.
3- السير بسرعة ثابتة 60كم/ساعة ثم الضغط على الدواسة للنزول نقلة واحدة من الرابع للثالث أو كيك داون من الرابع للثاني. الخطوة دي تتكرر 10 مرات.
بكدة تكون عملية إعادة التعلم إنتهت، و أداء الفتيس هيتحسن زيادة مع الوقت طبقاً لطريقة قيادتك.
shift quality will continue to improve following the quick learn procedure.
المشكلة بقى اللي مخلياني مهتم بالموضوع الجملة اللي جاية دي:
Without these first 25 shifts, however, your car could have poor shift quality.
يعني ممكن يحصل نخعة في النقل أو نتشة مثلاً.

يا ترى إيه رأيكوا في الكلام حد سمع عنه أو جربه قبل كدة بعد تغيير بطارية مثلاً أو غيره؟

**Michael_Lanos** · 06-09-2009 12:32 PM

اول مره اسمع عنه بصراحه، بس ممكن يكون صح

**sky_line** · 06-09-2009 02:35 PM

هذا شيء غير مستبعد. و كله بإدارة الكمبيوتر. و أكيد أنه ممكن تعطيل هذه الخاصية.

**HanyHanyHany** · 06-09-2009 07:25 PM

احساسي انه صح والله اعلم

**elansary** · 06-09-2009 09:08 PM

طبعا الكلام دة 100 % غلط لان الفتيس لية حركة ميكانيكية ثابتة يطول شرحها والكلام دة مع احترامي لحضرتك خطا وياريت تعرفنا مصدر المعلومة اية ونوع العربيات اللي ممكن الواحد يعلم الفتيس بتعها

**silicon25** · 06-09-2009 10:34 PM

المشاركة الأصلية كتبت بواسطة omry40

طبعا الكلام دة 100 % غلط لان الفتيس لية حركة ميكانيكية ثابتة يطول شرحها والكلام دة مع احترامي لحضرتك خطا وياريت تعرفنا مصدر المعلومة اية ونوع العربيات اللي ممكن الواحد يعلم الفتيس بتعها

الميجان و الكورولا الشكل الجديد ناقل حركة mmc و بطل ينزل عشان أحنا شعب ميحبش التكنولوجيا فوق مستوي الموبيل

**EslaM_NagY** · 06-09-2009 11:00 PM

بس15 مرة وبعدين 10 مرات دا كدة يكون الفتيس باااظ

**eslamrace** · 07-09-2009 04:28 AM

كل شئ جايز

**ahmedfd** · 07-09-2009 09:35 AM

أنا يا جماعة بحاول أوصل معاكو لحقيقة الموضوع ده و مدى فائدته و أنا لقيت في موقع هيونداي أمريكا Technical Service Bulletin بعنوانAutomatic Trans-axle Control Module Reset and Relearn Adaptive Values:

في الصفحة الرابعة هتلاقوا طريقة مشابهة لعملية إعادة التعلم لـ Control الفتيس اللي في المشاركة الأولى للـ PT Cruiser... الفكرة بقى هل مثلاً تغيير البطارية بيعمل Reset للقيم المظبوطة في المصنع و نحتاج نعمل الخطوات دي... و حد مثلاً الفتيس عنده بينتش أو Jerky في النقل زي ما ناس كتير بتشتكي في المواقع ممكن يعمل إعادة التعلم دي؟؟

على كل يا ريت الناس تبحث في الموضوع ده زيادة علشان كلنا نستفيد ... مكن تدوروا في Google على Automatic Transmission Adaptive Learning