مطلوب سيارة بالسائق للايجار لفترات طويلة

**werewolf** · 06-09-2009 01:08 PM

السلام عليكم جميعا أولا
مطلوب سيارة (تاكسي / ملاكي/....أي حاجة ) لتوصيل 3 أو 4 افراد يوميا من المهندسين (شارع السودان) الي التجمع الخامس والعودة مرة أخري وذلك بعد مواعيد العمل
المواعيد : الاحد - الخميس ....7 ص والتحرك للعودة 3:30 م
طبعا لا يشترط التفرغ خلال الفترة من بعد التوصيل صباحا او مساءا
لا يشترط موديل / سنة محددة ولكن يشترط الحالة الجيدة ووجود تكييف عند الحاجة في الصيف
ويشترط طبعا الانتظام التام في المواعيد يوميا

يرجي ارسال رسائل خاصة بالسعر النهائي بها ارقام التليفونات وسوف يتم الاتصال بصاحب أقل عرض

ملحوظة: السعر هو اللي هيحكم عشان احنا مش عايزين نأجر عربية نروح بيها فرح....
المشوار صباحا يستغرق حوالي 35 دقيقة والعودة حسب التساهيل
وشكراااا

**mega3050** · 06-09-2009 02:10 PM

عندنا عربية شيفرولية افيو بالسائق
موديل 2009
عايزين نعرف بنزين العربية والزيت على مين واحنا نحدد سعر
اوكى
0101133170 كلمنى فى اى وقت
السيارة بتاعتى

**werewolf** · 06-09-2009 02:51 PM

المشاركة الأصلية كتبت بواسطة mega3050

عندنا عربية شيفرولية افيو بالسائق
موديل 2009
عايزين نعرف بنزين العربية والزيت على مين واحنا نحدد سعر
اوكى
0101133170 كلمنى فى اى وقت
السيارة بتاعتى

شكرا يا ميجا علي الاهتمام
المطلوب الايجار الشهري شامل كل شئ
العربية مش هتفضل معايا عشان احسب استهلاك البنزين والكلام ده كله
بس متهيألي عربية موديل 2009 هيبقي ايجارها عالي شوية
بس عموما انا مستني عرضك

**Salamonti** · 07-09-2009 01:30 AM

مع كامل احترامي لحضرتك...

اللي انت بتتكلم فيه ده مبالغ فيه جداً..

المبلغ اللي هاتدفعه بالمنظر ده يكفيك تدفع قسط عربية محترمة ومعاه مصاريف بنزينها وصيانتها...

أفضل حل بالنسبالك هايكون كالآتي..
تشوف زميل ليك في الشغل ده ويكون ساكن في اي حتة قريب منكم وتتقاسم معاه تكاليف السيارة

**werewolf** · 07-09-2009 09:16 AM

المشاركة الأصلية كتبت بواسطة salamonti

مع كامل احترامي لحضرتك...

اللي انت بتتكلم فيه ده مبالغ فيه جداً..

المبلغ اللي هاتدفعه بالمنظر ده يكفيك تدفع قسط عربية محترمة ومعاه مصاريف بنزينها وصيانتها...

أفضل حل بالنسبالك هايكون كالآتي..
تشوف زميل ليك في الشغل ده ويكون ساكن في اي حتة قريب منكم وتتقاسم معاه تكاليف السيارة

شكرا للمشاركة يا باشا بس الفكرة من الاصل ان ايجار السيارة سوف يتم تقسيمه علي عدد 3 أو 4
يعني انا مش هدفع ايجار السيارة لوحدي

**topspider** · 08-09-2009 01:51 AM

توجد سيارة نيو سيراتو - موديل 2010 – خليجي - لون مميز - Full Options – فتحة سقف – قوة تكييف جبارة – جنوط 17 – عزل كامل وتام ضد الضوضاء - متسعة داخلياً - السعر 5000 جنيه شامل كل شيء من السائق والبنزين والزيت وصيانة السيارة ... إلخ – موبايل 0101089805.

**werewolf** · 09-09-2009 11:00 AM

المشاركة الأصلية كتبت بواسطة topspider

توجد سيارة نيو سيراتو - موديل 2010 – خليجي - لون مميز - full options – فتحة سقف – قوة تكييف جبارة – جنوط 17 – عزل كامل وتام ضد الضوضاء - متسعة داخلياً - السعر 5000 جنيه شامل كل شيء من السائق والبنزين والزيت وصيانة السيارة ... إلخ – موبايل 0101089805.

أولا شكرا لحضرتك للمشاركة
بس تقريبا فيه حاجه انا مقدرتش اوضحها كويس
مع كامل احترامي طبعا لكل من تفضل بالمشاركة ، انا مش عايز عربية موديل 2010 ولا 2009 ولا حتي 2008 ...
لأن ايجارها هيبقي غالي جدا طبعا
انا مش فارق معايا ان العربية تبقي موديل سنة 1990 المهم تكون حالتها جيدة وخلاص
الفكرة ان بدل ما الواحد ينزل كل يوم ويوقف تاكسي ويقاوله كل يوم ....انا محتاج حاجة ...تقدروا تقولوا زي التاكسي .. بس تبقي ثابته علي طول وتبقي ارخص عشان هيبقي المبلغ كاش ومستمر معانا علي طول ان شاء الله
احنا لو كان العدد كبير كنا اتفقنا مع ميكروباص رحلات بس للاسف مفيش عدد كفاية
اتمني وجهة نظري تكون وضحت
وشكرا جزيلا مرة تانية لكل من شارك في هذا الموضوع

**topspider** · 09-09-2009 06:16 PM

اوكي .. ربنا يوفقك وتلاقي العربية المناسبة ليك
يكفي معرفتنا ببعض

**werewolf** · 10-09-2009 11:11 AM

شكرا جدا ليك يا topspider باشا علي ذوقك ودعوتك ليا بالتوفيق
وفعلا معرفة الناس المحترمة زي حضرتك كنوز

**Salamonti** · 20-09-2009 03:09 AM

طيب مانت تشوف بتدفعوا كام للتاكسيات
وتخصم منه نسبة التوفير اللي انتوا تشوفوها

وتقول المبلغ اللي انت عاوز تعرضه
ساعتها تلاقي الناس بتفكر في عرضك

لكن لو الأعضاء الل معاهم عربيات كلهم شافوا موضوعك وهو كده
نسبة 90% منهم هايبقى مش قادر يعمل عملية تقييم عشان يشوف ياخد منك كام (وده لأنه عمره ما اشتغل تاكسي)
انما انت ياللي بتركب تاكسي كل يوم حط تقديرك للمبلغ اللي هاتعرضه وخلي الناس تفكر فيه
وممكن حد يشوف المبلغ مناسب ليه فيشتغل معاك ...