كام استفسار كده في ماروتي (بالصور)

**HRH_Sameh** · 06-09-2009 01:29 PM

كنت عاوز استفسر عن كام حاجة كده في ماروتي 2009 زيرو

في الصورة المرفقة ايه الجزء الأسود المشار ليه ده؟
بالنسبة للفتيس العصاية بتبقى حرة الحركة شمال ويمين والغيار معشق هل ده عادي في الماروتي؟
وبرضه تحس بعضة كده في الغيارات هل هي كده؟
الزراير اللي في التابلوه شمال هما 4 زراير منهم اتنين (تسخين الزجاج الخلفي والمساحة) - في بقى 2 تاني واحد بعمل صوت ماتور شغال هل ده اللي بيرش ميه ع الزجاج الخلفي؟ - طيب في واحد تاني شكله بتاع نور شبورة ايه وظيفته مع العلم انه مش بينور لما يتداس عليه؟
مدخل العمه بتاع الهوا في وضعين شتاء وصيف ايه وظيفتهم الفنية؟

شكرا مقدما على المشاركة والايضاح

**HRH_Sameh** · 06-09-2009 02:47 PM

حاجة كمان:
ترخيص 3 سنين يتكلف كام اجمالي

**m7nsh** · 07-09-2009 04:16 AM

1- والله البتاع الأسود ده مش عارف بتاع ايه و مش مكتوب عنه حاجه فى الكتاللوج بتاعها !
كنت اتناقشت كذا مره حواليه مع ناس صحابى و موصلناش لحاجه :)
2 - ااه بتيجى يمين و شمال بس حاجه عبيطه مش اللى هو زى متكون ممور و رايح شمال ع الأول او يمين عشان المارشدير
3- العضه خفيفه جدا و هى فى الأول و المارشدير فقط ,, محتاجين شويه (حنيه ) و انت بتعشقهم
4 - فعلا الزرار التالت بتاع رش المياه ع الأزاز اللى ورا ,, و الأخير بتاع نور الشبوره اللى ورا ( بتنزل بيه بره ) اللى هتلاقيه تحت كده ع الشمال ولونه احمر وشكله بيضاوى ,, و هى بتنزل بيه هنا من غيره ,, بس ممكن جدا الأستفاده بيه لوحبيت تركب فوجات قدام ولا حاجه مع كتاوت هيعمل شغل عالى
5 - المفروض ان الهوا اللى يتحرق يفضل انه يكون بارد دايما و ده بيحسن الأداء ,, ففى الشتا لو الحراره منخفضه جدا زياده عن اللزوم فالمفتاح على وضعيه الشتاء بيخليه يدفئ الهواء شويه لحد الدرجه المطلوبه ,, و فى الصيف يبرد الهواء شويه برده لنفس السبب
بس هو اصلا عامل الشتا يعنى حراره اقل من 15 و الصيف اكتر منها ,,و بالتالى ابقى سيبه 90 % من الوقت على وضع الصيف لأن نادرا لما بتقل الحراره عندنا لتحت ال15 الا فى ظروف نادره فى الشتا
اتمنى اكون افدتك ياباشا و كل سنه و انت طيب :)

**m7nsh** · 07-09-2009 04:25 AM

اه نسيت اقولك انى رخصتها سنه واحده و كان اول ترخيص بالطفايه و الحوارات الأولانيه دى و الأكراميات وصل 600 تقريبا
مش عارف 3 والله ممكن تجيب كام

**micromoud** · 07-09-2009 05:06 AM

مره سمعت ميكانيكى بيقول جهاز حمايه البيئه بس ما فهمتش اللى قاله
وبالنسبه لباقى الاسئله زى ما قال الاخ محنش بالظبط
السؤال الاخرانى بتاع مدخل العمه دا اصدك العمه اللى على الماتور ولا ايه؟

**HRH_Sameh** · 07-09-2009 10:55 AM

المشاركة الأصلية كتبت بواسطة m7nsh

1- والله البتاع الأسود ده مش عارف بتاع ايه و مش مكتوب عنه حاجه فى الكتاللوج بتاعها !
....................
اتمنى اكون افدتك ياباشا و كل سنه و انت طيب :)

وانت طيب ومتشكر جدا على ردك الوافي

المشاركة الأصلية كتبت بواسطة m7nsh

اه نسيت اقولك انى رخصتها سنه واحده و كان اول ترخيص بالطفايه و الحوارات الأولانيه دى و الأكراميات وصل 600 تقريبا
مش عارف 3 والله ممكن تجيب كام

يالهوي

كنت فاكر اقل من كده

المشاركة الأصلية كتبت بواسطة micromoud

مره سمعت ميكانيكى بيقول جهاز حمايه البيئه بس ما فهمتش اللى قاله

مش ده تقريبا اللي تابع لوزارة البيئة

بهرج . . . .
بس ده داخل فيه خرطوم البنزين يعني اكيد حاجة ليها علاقة بالبنزين
بس ايه هو

وجهاز حماية البيئة ده هو علبة البيئة اللي في الشكمان

المشاركة الأصلية كتبت بواسطة micromoud

السؤال الاخرانى بتاع مدخل العمه دا اصدك العمه اللى على الماتور ولا ايه؟

ايوة بالظبط

**HRH_Sameh** · 09-09-2009 10:40 AM

ها يا رجالة
محدش عرف الصندوق الاسود ده يطلع ايه ؟؟؟

**noni67** · 10-09-2009 01:06 PM

الصندوقالاسود ده كاتاليتيك
ده منظمضغط الهواء والوقود اللى داخل على المحرك

**m7nsh** · 10-09-2009 05:39 PM

تسلملنا يا بشمهندس Noni
الف شكر على المعلومه :)
وكل سنه و حضرتك طيب

**HRH_Sameh** · 13-09-2009 01:44 PM

المشاركة الأصلية كتبت بواسطة noni67

الصندوقالاسود ده كاتاليتيك
ده منظمضغط الهواء والوقود اللى داخل على المحرك

شكرا على الافادة
بس:
* ايه المسمى العلمي ليه ووظيفته بالظبط؟
* ايه البديل ليه في العربيات الكربراتير اللي مش فيها الجزء ده (هل الكربراتير نفسه)؟
* كلمة Catalytic اعتقد تطلق على علبة البيئة

الموضوع: كام استفسار كده في ماروتي (بالصور)

LinkBack

أدوات الموضوع

عرض

كام استفسار كده في ماروتي (بالصور) - انشر الموضوع فى :

-

-

-

-

-

-

-

المواضيع المتشابهه

اوكتافيا a4 بالصور استفسار وتسعير

اى استفسار عن البومه بالصور

استفسار ماروتي

استفسار عن تكلفة شد عربية ماروتي..

استفسار عن الrpm يا استاذ ممدوح بالصور ......

الكلمات الدلالية لهذا الموضوع

المفضلات

المفضلات

ضوابط المشاركة