الموضوع: شرح الفرق بين الزيوت العادية والتخليقية وكيفية اختيار المناسب منها

باشمهندس مروان:

الخلاصة اللي حضرتك قلتها انك بتنصح باستخدام الزيوت العادية في فترة اول 5000 كيلو !

معنى كده ان بعد ال 5000 كيلو يفضل استخدم زيت تخليقي او شبه تخليقي؟؟؟؟

مع العلم انا عربيتي النترا 2009 وغيرت زيت اول مرة شل الاصفر ( المعدني) والعربية قطعت دلوقتي 7000 كم.

وناوي اغير زيت قريب . هل استمر على الاصفر ولا اجيب التخليقي؟؟؟؟؟؟؟؟؟؟

والله ياباش مهندس مروان حضرتك محترم وموضوع هايل انا فعلاً كنت محتاج اعرف الفرق بين الزيون التخليقية والمعدنية

وبالنسبة لدعوة حضرتك انا مش عارف هى لاية بالظبط بس انا مشوارى بعيد وصعب لانى من الصعيد

وكان ليا استفسار وارجو الافادة
انا حالياً ومن فترة طويلة بستخدم زيت موبيل سوبر الابيض وناس نصحونى انى اغير الى شيل الاصفر فمين فيهم الافضل علماً بان العربية مازدا 323 مودي 82
وبالنسبة لحالة الموتور لسة عامل عمرة كاملة والعداد عامل حواى 1500 كم وبفضل الله الحالة ممتازة

وعن تجربة احد الاعضاء يمتلك نفس نوع العربية قام بالتغيير الى شيل الاصفر وقال انه فرق معاة فى تخفيض الحرارة

وجزاك الله خيرا

المشاركة الأصلية كتبت بواسطة mohamed777

وكان ليا استفسار وارجو الافادة
انا حالياً ومن فترة طويلة بستخدم زيت موبيل سوبر الابيض وناس نصحونى انى اغير الى شيل الاصفر فمين فيهم الافضل علماً بان العربية مازدا 323 مودي 82
وبالنسبة لحالة الموتور لسة عامل عمرة كاملة والعداد عامل حواى 1500 كم وبفضل الله الحالة ممتازة

وعن تجربة احد الاعضاء يمتلك نفس نوع العربية قام بالتغيير الى شيل الاصفر وقال انه فرق معاة فى تخفيض الحرارة

وجزاك الله خيرا

المشاركة الأصلية كتبت بواسطة samirayad

لا هو اللى بيتحكم فى مدى اللزوجه لأى زيت سواء معدنى أو تخليقى
هى الأضافه الخاصه بتحسين معامل اللزوجه viscosity index improver additive

سواء الزيت المعدنى أو الزيت التخليقى
وليه التخليقى بيعيش أكبر من المعدنى
علشان ده سؤال مهم برضه
أعتقد وده على سبيل الأجتهاد من جانبى
بسبب أن قوة الترابط بين الزيت الأساسى ( التخليقى ) بتكون أكبر منها فى حالة الزيت الأساسى (المعدنى )
وبين نسب الأضافات التى توضع للزيت فى معامل الخلط من أجل أستكمال عملية تصنيع الزيوت

انت بتثبت الكلام اللي انا كتبته... ازاي؟

انت قلت """لا هو اللى بيتحكم فى مدى اللزوجه لأى زيت سواء معدنى أو تخليقى
هى الأضافه الخاصه بتحسين معامل اللزوجه viscosity index improver additive""""

كلام سليم بس طبعا حضرتك تعلم يا باشمهندس ان كل فئة من الزيت لها أصلا مدى لزوجة خاص بها وانت بتأكد الكلام ده برضه بانك ذكرت ان الاضافت بتحسن ال VI """"هى الأضافه الخاصه بتحسين معامل اللزوجه viscosity index improver additive""""

معروف عن الزيوت أحادية الدرجة أن ال VI بتاعها منخفض جدا و بيكون VI=80 أو أقل و ابتداءا من الزيوت الأرقى يبدأ ارتفاع ال VI ليكون الزيوت صاحبة ال VI المتوسط تكون في مدى من VI=80 حتى VI=110 و المرتفعة أعلى من 110

وعلشان مانخرجش عن الموضوع الزيوت التخليقية في منها بيوصل ل VI=400!! وكلا مك مظبوط برضه بالنسبة للاضافات بس بتعليها بس لاستخدامها في تطبيقات أوسع

وعلشان الكلام يبقى أوضح للناس كلها ...ما هو ال Viscosity Index (VI),,???j
هو معدل تغير اللزوجة الكيناماتيكية مع درجات الحرارة.
يعني كل ما الزيت يكون خفيف و رقيق يكون معدل تغير لزوجته مع الحرارة بيكون قليل و العكس صحيح.

مقتبس:

Viscosity Index
The viscosity index (V.I.) of an oil is a number that indicates the effect of temperature changes on the viscosity of the oil. A low V.I. signifies a relatively large change of viscosity with changes of temperature. In other words, the oil becomes extremely thin at high temperatures and extremely thick at low temperatures. On the other hand, a high V.I. signifies relatively little change viscosity over a wide temperature range

اذن ما هي الميزة التي تميز الزيت التخليقي؟؟؟ التي تجعله لا يتغير في مدى لزوجته بشكل كبير مع تغير درجات الحرارة في مدى حراري ليس بصغير؟؟؟ وايه اللي بيميز الزيت الخام اللي جاي منه الزيت التخليقي عن المعدني؟؟؟
ان حجم جزيئاته (الزيت الخام للزيت التخليقي) متجانسة و متماثلة مما يمثل تماسك واستقرار كيميائي يكون قويا في وجه أي تغيرات حرارية أو غيره.

وعلشان كدة لاينصح بوضع اضافات الابنسب بسيطة على الزيوت التخليقية لعدم الاضرار بمميزات تكوينها العضوي على عكس الزيوت المعدنية, وانت كمان قلت كده """""بسبب أن قوة الترابط بين الزيت الأساسى ( التخليقى ) بتكون أكبر منها فى حالة الزيت الأساسى (المعدنى )""""

أما بالنسبة لسؤال لملذا الزيوت التخليقية بتعيش أكتر من المعدنية؟؟؟

احنا اتفقنا ان الزيت المعدني بتتغير لزوجته بشكل كبير من لزوجة عالية والعربية باردة للزوجة منخفضة و العربية سخنة و الزيت التخليقي نفس الموضوع برضه بس مش بشكل كبير زي المعدني.

مما يؤدي الى زيادة اجهاد التعب Fatigue Stresses في الروابط الموجودة في الزيت المعدني أكثر منه في التخليقي فيؤدي الى كسر الروابط بشكل أسرع واعطاء فرصة للؤكسجين الموجود داخل المحرك بالتفاعل مع ذرات الكربون بتاعة الزيت فلما تيجي تنزل الزيت بعد 5000 كيلومتر تلاقيه محروق مع انه لو تخليقي هايبقى غامق شوية.

فزي ما قلنا ان تجانس وترابط الجزيئات بسبب تماثل شكلها هو الؤثر على كل ده.

موضوع ال Fatigue Stresses (اجهاد التعب)
بالنسبة للزيت المعدني لما يسخن ويبرد كل شوية فبالتالي لزوجته تقل و تزيد كل شويه زي بالظبط واحد بيطلع السلم على رجله وينزل عشرة أدوار طالع نازل.

بالنسبة للزيت التخليقي لما يسخن ويبرد كل شوية فبالتالي لزوجته تقل و تزيد كل شويه زي بالظبط واحد بيطلع السلم على رجله وينزل ثلاثة أدوار طالع نازل.

مين فيهم هايموت الأول....؟؟؟
المفيد ان احنا كلنا حانموت يربنا يتولانا احنا وانتم والزيت بتاعنا



أنا متشكر جدا يا باشمهندس على مناقشتي و متشكر أكتر لو قرأت كل ما أنا كتبت و ياريت ماكنش أطلت عليك أو على الاخوة.

وأنا كنت باحاول أشرح ببساطة علشان الناس تفهم
و كل ما كانت المناقشة علمية كل ما كانت أفيد
واللي عنده سؤال يبعت...

المشاركة الأصلية كتبت بواسطة tarekabosdera

باشمهندس مروان:

الخلاصة اللي حضرتك قلتها انك بتنصح باستخدام الزيوت العادية في فترة اول 5000 كيلو !

معنى كده ان بعد ال 5000 كيلو يفضل استخدم زيت تخليقي او شبه تخليقي؟؟؟؟

مع العلم انا عربيتي النترا 2009 وغيرت زيت اول مرة شل الاصفر ( المعدني) والعربية قطعت دلوقتي 7000 كم.

وناوي اغير زيت قريب . هل استمر على الاصفر ولا اجيب التخليقي؟؟؟؟؟؟؟؟؟؟

على حسب استخدامك للعربية لو هو استخدام شاق مشاوير قصيرة كتير و بتبطل العربية وتشغلها كتير أوي في اليوم يبقى هات ال 10،000

لو استخدامك عادي هات ال5،000
وأنا بانصح بحاجة جميلة هات ال5،000 وفي اضافة تتحط كل تغييرة زيت توصلك بالظبط بعد خمسة تغييرات انك تغير كل 15،000 كيلومتر!!!!!

أما بالنسبة للنوع اللي بانصح باستخدامه كزيت معدني 5000 هو :
Caltex Havoline
أما بالنسبة للنوع اللي بانصح باستخدامه كزيت تخليقي 10،000 هو :
....l Helix Ultra
Mobil 1

المشاركة الأصلية كتبت بواسطة mohamed777

والله ياباش مهندس مروان حضرتك محترم وموضوع هايل انا فعلاً كنت محتاج اعرف الفرق بين الزيون التخليقية والمعدنية

وبالنسبة لدعوة حضرتك انا مش عارف هى لاية بالظبط بس انا مشوارى بعيد وصعب لانى من الصعيد

وكان ليا استفسار وارجو الافادة
انا حالياً ومن فترة طويلة بستخدم زيت موبيل سوبر الابيض وناس نصحونى انى اغير الى شيل الاصفر فمين فيهم الافضل علماً بان العربية مازدا 323 مودي 82
وبالنسبة لحالة الموتور لسة عامل عمرة كاملة والعداد عامل حواى 1500 كم وبفضل الله الحالة ممتازة

وعن تجربة احد الاعضاء يمتلك نفس نوع العربية قام بالتغيير الى شيل الاصفر وقال انه فرق معاة فى تخفيض الحرارة

وجزاك الله خيرا

أما بالنسبة للنوع اللي بانصح باستخدامه كزيت معدني 5000 هو :
Caltex Havoline
لو مافيش حط شل أصفر مافيش مشاكل هايكون كويس جدا ان شاء الله و مبروك على العمرة.

المشاركة الأصلية كتبت بواسطة dr_walid

يعنى اية انسب نوع زيت ممكن الواحد يحطة فى السيارة الجديدة
مع العلم ان السيارة نيو اكسنت
و فية نوع اسمة فيسسكو 5000
و هو اماراتى
و فية ناس كتير استخدمتة و قالت علية كويس
بيحسن فى سحب السيارة و بيهدى الموتور
اية رايك فية علشان ان شاء اللة ناوى استخدمة

والله يا دكتور أنا جربته مره من زمان أوي من سنين و مش فاكر أداؤه كان عامل ازاي
بس أنا بنصحك ب Caltex Havoline وعلى مسؤوليتي و جرب وهاتشوف الفرق و لما نتقابل ان شاء الله هاقولكوا اشمعنا الزيت ده أو الشركة دي.

لأني بصراحة مالش خلق على الكتابة كتير لفترة طويلة.

و عموما يا جماعة أنا بحذر من استخدام زيت امارات مصر (كله فوم وأكسدة و تفاعل مع أكسجين واخر عك "اللهم بلغت اللهم فاشهد"")