شرح الفرق بين الزيوت العادية والتخليقية وكيفية اختيار المناسب منها

**Marwanelbendary** · 11-09-2009 06:59 PM

المشاركة الأصلية كتبت بواسطة mohamed777

ده بس من ذوقك واخلاقك الطيبة

وأستأذنكم فى استفسار بسيط
وهو انى حالياً ومن فترة بستعمل زيت Mobil super -10w40 ..الجركن الابيض
وعن تجربة ناس بالمنتدى نصحونى بزيت ....l super -15w40 ....الجركن الاصفر
وقالوا كمان انه فرق معاهم فى سخونة الموتور والصوت للافضل من Mobil xhp -15w40

وكلامكم عن الزيوت انا فهمة والحمد لله بس عن التجربة الفعلية مين فيهم الافضل؟

انت يا ابني شكلك كده موسوس
انت بما انك فهمت كل حاجة
اسمع بأه
زي ماشرح المهندس سمير عياد طرق تصنيع الزيوت

ان الزيوت يتتعمل من زيت خام أساسي اللي هو ال Base Oil

وبما ان جميع شركات الزيوت البترولية بها شركاء مستثمرين مصريين فان الدولة تفرض عليهم سحب حصة من الزيوت الخام لهيئة البترول المصرية التي تتصف زيوتها الخام بالجودة الأقل من أي زيوت أخرى

ويتم استخدام زيت هيئة البترول المصرية الخام في تصنيع الزيوت المعدنية فقط جميعا في مصر ما عدا زيوت كالتكس المعدنية فان زيوتها الخام تأتي مباشرة من دبي (شركة ميدور للبترول)

بالاضافة الى أن مواصفة زيت كالتكس هافولين API SL الذي هو أعلى مواصفة الشل الأصفر API SJ

وأن API SL في كالتكس تكافئ الزيت الشبه تخليقي Semi Synthetic في شل اللي هو الشل الكحلي الل بقولوا عليه بينغير كل 7500 كيلو

و أرخص من سعر الشل الأصفر اللي أنا لسه جايبه امبارح ب 95 جنيه

أيوه أنا اشتريت زيت كالتكس هافولين لأنه أحسن زيت في السوق في مصر النهارده بس مش واخد حقه في التسويق

وللعلم شركة كالتكس في مصر واخدة تصريح من شكة شيفرون أمريكا (وشيفرون ده زيت ماحدش لسه سمع عنه)
وكالتكس أصلا شركة أسترالي

وأنا المهندس المسؤول عن زيوت المعدات في جميع المصانع و تخزينها في مصنع أسمدة كيميائية اللي هو شغلي علشان كدة أنا عارف المعلومات دي...

**mohamed777** · 11-09-2009 11:36 PM

معلش انا بحب كل حاجة تكون مظبوطة وفاهمها كويس

المشاركة الأصلية كتبت بواسطة marwanelbendary

و أرخص من سعر الشل الأصفر اللي أنا لسه جايبه امبارح ب 95 جنيه

أيوه أنا اشتريت زيت كالتكس هافولين لأنه أحسن زيت في السوق في مصر النهارده بس مش واخد حقه في التسويق

حضرتك كده اشتريت الاتنين؟
وسعر كالتكس بكام؟

**akar** · 12-09-2009 05:58 AM

وين الرد يا اخوان؟
يعني الهندسة ما يجاوبني؟

**Marwanelbendary** · 12-09-2009 12:41 PM

المشاركة الأصلية كتبت بواسطة akar

وين الرد يا اخوان؟

يعني الهندسة ما يجاوبني؟:h_angry[1]:

أنا اااااااسف جدا غلى التأخر عليك في الرد بس أنا فاكر اني ضاروري أرد عليك انت وفي أخ كمان من قبل ما أشوف المشاركة دي والله

**Marwanelbendary** · 12-09-2009 01:12 PM

المشاركة الأصلية كتبت بواسطة akar

شكرا لمهندسين الثلاث الاعزاء علي مناقشتهم اللي استفدنا منه
عندي سؤال ربما يكون بسيط عليكم بس هي مشكلة لي:b4_592:
انا اعيش في العراق و بالذات في الشمال (كوردستان) المعروف بطبيعتها الجميلة و المتغير بين الشتاء و الصيف (بس الربيع و الخريف اجمل و احلي).
درجة الحرارة هنا بالصيف يصل الي مافوق الخمسين:_alshmokh08[1]::_alshmokh08[1]:
و في الشتاء في بعض الاحيان الي مادون صفر حسب المنطقة فمثلا احيانا اسافر الي منطقة درجة الحرارة فيها -10
و لكن في اكثر الاحوال ظروف قيادة سيارتي هي في داخل المدينة - اروح للدوام و ارجع للبيت او مشوار بالشوارع

سيارتي هي كيا سيراتو 2010 - 1.6 و لحد الان ماشي قريبا من 700
ماهو نصيحتكم لي؟ هل بعد الف الاولي اغير الزيت و الفلتر معا؟
اي نوع من الزيوت؟
w 20-50 هي المفضل من قبل الورشات هل هي الاختيار الاحسن؟
هل ممكن تغير نوعية الزيت حسب الفصول؟ بمعني في الصيف الحار w20-50 و في الشتاء w5-20 مثلا؟
هل نوعية الموتور يتحكم علي نوعية الزيت ام درجة الحرارة و ظروف القيادة؟ فمثلا في الظروف اللي شرحتة هل يتغير نوع الزيت بالنسبة لسيارتين سيراتو و تويوتا لاندكروز او كرولا او حتي تاهو؟ ماهو علاقة حجم الموتور بنوعية الزيت؟
اعتذر عن الاطالة

و انتظر الجواب ان شاء الله
اليكم مني التحية

مبروك على السيارة أولا .... وربنا يديك خيرها ويكفيك شر العين ان شاء الله ويكتب لك بها مشاوير السعد والهنا

وأنا عندي على فكرة كل بيانات صياتة السيارة اللي موجودة في التوكيل لو احتجت تعرف أي حاجة عنها.... ونرجع لموضوعنا

خذها قاعدة لازم تغير دايما زيت وفلير مع بعض....ده أولا

ثانيا ...يستحسن تستخدم زيت نوع واحد يغطي أكبر مدى من درجات الحرارة ألا وهو الزيت التخليقي

w5-40 api sm ويكون أحسن لو تحط w5-50 api sm لو موجود

ثالثا ... طالما انك بتتكلم عن تباين رهيب في درجات الحرارة زي ما انت قولت يبقى اختيار نوع الزيت بيكون بناءا على ظروف التشغيل الصعبة دي... وبنحط أحسن أنواع الزيوت النفطية (اللي هي الزيوت التخيليقية)

وبما اننا هانحط أحسن زيت في جميع الأحوال علشان الظروف دي يبقى مواصفة المحرك وظروف القيادة ونوع السيارة مالهمش مكان هنا .....لأن في كتيب الصيانة هاتلاقيه ياما بينصح بالزيت التخليقي أو أقل...

وااااسف جدا على التأخر في الرد عليك...

**Marwanelbendary** · 12-09-2009 01:38 PM

المشاركة الأصلية كتبت بواسطة mohamed777

معلش انا بحب كل حاجة تكون مظبوطة وفاهمها كويس

حضرتك كده اشتريت الاتنين؟
وسعر كالتكس بكام؟

ركز معايا يا باشا شوية

أنا متعود بقالي حولي 25000 كيلو متر اني أحط كالتكس هافولين لأني لقته أحسن في استهلاك البنزين و أريح للمحرك من حيث ان المحرك مابقاش بيسخن (بيصهد) زي لما كنت باحط شل الأصفر

وشل الأصفر كنت باجيبه ب98 جنيه ولا زال حتى الان سعره كده...

أما بالنسبة لكالتكس هافولين فسعره 95 جنيه وهو ده اللي أنا اشتريته بس

يعني أنا غيرت كالتكس هافولييييييننننننننننننن

تمام كده؟؟؟

وعموما أنا كده استوفيت أسئلتك ومسألة الاختيار دي بتاعتك انت وربنا يوفقك..

**akar** · 12-09-2009 02:08 PM

المشاركة الأصلية كتبت بواسطة Marwanelbendary

مبروك على السيارة أولا .... وربنا يديك خيرها ويكفيك شر العين ان شاء الله ويكتب لك بها مشاوير السعد والهنا

وأنا عندي على فكرة كل بيانات صياتة السيارة اللي موجودة في التوكيل لو احتجت تعرف أي حاجة عنها.... ونرجع لموضوعنا

خذها قاعدة لازم تغير دايما زيت وفلير مع بعض....ده أولا

ثانيا ...يستحسن تستخدم زيت نوع واحد يغطي أكبر مدى من درجات الحرارة ألا وهو الزيت التخليقي

w5-40 api sm ويكون أحسن لو تحط w5-50 api sm لو موجود

ثالثا ... طالما انك بتتكلم عن تباين رهيب في درجات الحرارة زي ما انت قولت يبقى اختيار نوع الزيت بيكون بناءا على ظروف التشغيل الصعبة دي... وبنحط أحسن أنواع الزيوت النفطية (اللي هي الزيوت التخيليقية)

وبما اننا هانحط أحسن زيت في جميع الأحوال علشان الظروف دي يبقى مواصفة المحرك وظروف القيادة ونوع السيارة مالهمش مكان هنا .....لأن في كتيب الصيانة هاتلاقيه ياما بينصح بالزيت التخليقي أو أقل...

وااااسف جدا على التأخر في الرد عليك...

شكرا علي جهودك اخي العزيز
اعتذر منك بس الان وضح الصورة امامي ولو يبقي اسأل : حسب ما فهمت من كل الموضوع ان يستحسن في اول تبديل للزيت (1000 كيلومتر الاولي) اي بعد فترة تليين الاولي استخدم زيت عادي w20-50 و بعد اذا بدلت الزيت استخدم W5-50 علي طول و في كل الفصول و الظروف. هل فهمت الوضوع صح ام لا؟

ويا ريت نستفد من (كل بيانات صياتة السيارة اللي موجودة في التوكيل) اللي يوجد عند حضرتك
شكرا و اسأل الله يحتسب جهودك عبادة و و ان تنال كل الخير في الدنيا و الآخرة

**Marwanelbendary** · 12-09-2009 03:16 PM

المشاركة الأصلية كتبت بواسطة akar

شكرا علي جهودك اخي العزيز
اعتذر منك بس الان وضح الصورة امامي ولو يبقي اسأل : حسب ما فهمت من كل الموضوع ان يستحسن في اول تبديل للزيت (1000 كيلومتر الاولي) اي بعد فترة تليين الاولي استخدم زيت عادي w20-50 و بعد اذا بدلت الزيت استخدم w5-50 علي طول و في كل الفصول و الظروف. هل فهمت الوضوع صح ام لا؟:b4_592:
ويا ريت نستفد من (كل بيانات صياتة السيارة اللي موجودة في التوكيل) اللي يوجد عند حضرتك
شكرا و اسأل الله يحتسب جهودك عبادة و و ان تنال كل الخير في الدنيا و الآخرة

صح .... بس علشان درجات الحرارة عند حضرتك بتكون منخفضة جدا ليلا و مرتفعة نهارا و بعدين انت مش هاتلحق تخلص ال 5000 كيلومتر قبل دخول الشتاء يعني في خلال شهر واحد تقريبا لذا في حالتك أنصحك ماتحطش غير الزيت التخليقي وبس حتى في أول 5000 كيلومتر

**mohamed777** · 13-09-2009 12:09 AM

ياباش مهندس مروان تسلم على ردودك ومعلوماتك اللي بجد استفد منها
وربنا يجازيك كل خير

**akar** · 13-09-2009 03:18 PM

اشكرك اخ مروان علي المعلومات القيمة و مساعدتي
استفدنا منك كثيرا و اسأل الله تعالي يحميك من شرور الدنيا و الاخرة و يرزقك من كل خيرات الدنيا و الاخرة

الموضوع: شرح الفرق بين الزيوت العادية والتخليقية وكيفية اختيار المناسب منها

LinkBack

أدوات الموضوع

عرض

-

-

-

-

-

-

شكرا علي جهودك -

-

-

شكرا يا اخي العزيز -

المواضيع المتشابهه

اختيار البنزين المناسب لسيارتك

تقرير هام عن .. اسباب ظهور ريجة فى الطنابير .. وكيفية الوقاية منها لاطول فترة ممكنة

ارجو المساعده فى اختيار نوع الزيت المناسب

أنواع الزيوت وكيفية قراءة رموزها

-الزيت المناسب لمحرك سيارتك (الحلقة الأولى: الزيوت التخليقية)-

الكلمات الدلالية لهذا الموضوع

المفضلات

المفضلات

ضوابط المشاركة