أفيدوني أفادكم الله, أنا محتار بين الشيفروليه لانوس والأفيو ولا الدايو نوبيرا والله أنا محتار ومش عارف أختار. وأرجوا من اللي يبدي رأيه يعطي سبب وجيه حتي لا تزداد حيرتي. ملحوظة: المنطقة اللي أنا أسكن فيها بها مطبات كتير والشوارع غير مستوية.
عرض للطباعة
أفيدوني أفادكم الله, أنا محتار بين الشيفروليه لانوس والأفيو ولا الدايو نوبيرا والله أنا محتار ومش عارف أختار. وأرجوا من اللي يبدي رأيه يعطي سبب وجيه حتي لا تزداد حيرتي. ملحوظة: المنطقة اللي أنا أسكن فيها بها مطبات كتير والشوارع غير مستوية.
وانا برده نفس حالتك بس ان شاء الله هجيب نوبيرا سمعتها حلوة
وأهل الخبرة يفيدوك اكتر باذن الله
لو على الارتفاع عشان المطبات يبقا افيو لانها اعلى عن الارض من لانوس ونوبيرا
بس النوبيرا اوسع واشيك
انا رأيي فكر في اللوجان او الاسبيرانزا m11 او النيو اكسنت
ياجماعه لو سمحتم هى الدايو لانوس وحشه وهل الشفروليه لانوس احسن وليه
أنا شيف إن اللنوس وال افيو ده فئة وال نوبرا فئة وال نبرة أحسن من الا دول أكيد
طلع الافيو من دماغك لو بتفكر تشتري عربية علشان الافيو مش عربية خالص
دي نصيحة من واحد معاه افيو 2008
و خدلك لفة في قسم شيفروليه و شوف
و انا واثق انك بعد ما تخش قسم شيفروليه مش هتشتري عربية من عند منصور حتى لو ادوك عليها كروز هدية
لو سمحتم ياجماعه ممكن تفهمونى النوبيرا احسن من الانوس ليه
انا جديد فى موضوع العربيه و معروض عليا لانوس ونوبيرا اخد مين و ليه وشكرا لكم
أقولك أنا ليه 1 ا; نوبيرا ماتورها أجمد واوسع وثبتها احسن
إيه رايك
النوبيرا 106 حصان و 1600 سي سي
اللانوس 86 حصان و 1500 سي سي
بس طبعا الجري والشد والعزم لصالح النوبيرا وايضا الثبات
النوبيرا سعة المجرك أكبر ولكن استهلاكها للبنزين أعلى وتتميز بصالون أوسع وأكثر فخامة وثبات ممتاز، ولكن عفشتها خشنة حاجة بسيطة مع ابن أختى لما كنت بسافر معاه كان العداد 180 مرتاح ودائما يشكر فيها.
اللانوس محرك أقل استهلاك بنزين أقل صالون أصغر نسبيا عفشة ممتازة ثابتها جيد جدا ، مع أخى الأكبر دائما يشكر فيها ولا يوجد منها أى شكوى وخاصة قطع الغيار المتوافرة فى كل مكان وأسعارها الممتازة جدا وكانت بصراحة أول قرار لشرائها ولكن لظروف غيرت الاختيار فى أخر لحظة والحمدلله.
انت فعى فى حيرة لأن السيارتين أفضل من بعض ، وأعتقد لا يوجد فرق واضح بين الدايو والشيفورليه ، أخى الأكبر معه لانوس شفورليه وابن أختى معه نوبيرا وقبلها مباشرة لانوس من دايو ووالده معه لانوس شفورليه وهو المسئول عنها مسئولية كاملة ، وبالسؤال عن الفروق ، أجبوا ليس هناك أى فرق يذكر بين الشفورليه والدايو.
أرجو أن أكون قد أفدتك بشىء ، ولا تنسى صلاة الاستخارة.
تمنياتى بالتوفيق
ربنا يباركلكم شكرا جزيلا على مساعدتى واسف على ازعاجكم