للى بيدور على لانسر كربستاله 99 وشاذه وغاويها

النوع:ميتسوبيشى لانسر

الموديل:99 الشهير بالكريستاله

الكماليات: جميع الكماليات اتوماتيك المصريه مش الخليجى وتزيد عن الخليجى حاجات اهمها ابانوس فى التبلوه الامامى اصلى ومخدع امامى ومخدع فى الكنبه الخلفيه وحامل اكواب والعفشه النصف الرياضيه المخصوصه لشوارع المحروسه مصر بلدنا طبعا ومقاس كاوتش اكبر حاجه بسيطه ويعطى ارتفاع غير ملحوظ عن الخليجى وكاسيت ميتسوبيشى اصلى بارباع سماعات 2 امامى و2 خلفى والكنبه الخلفيه طبعا قابله للطى لزياده مساحه التخزين وده اللى فكره حاليا والله وطبعا بفضل الله كل الكماليات تعمل بشكل طبيعى وفيها جهاز انذار ماركه ولف بالريموت ووحدتين لرفع الزجاج الامامى والخلفى اتوماتيكيا عند غلق السياره بالريموت

حاله الخوارج والدواخل: بفضل الله فبريكه بالكامل مرشتش ابدا والا سنتى من الداخل والخارج واللون فضى ميتاليك بس طبعا فيها التجاريح العاديه من الخارج بقالها 10 سنين فى مصر !!

حاله الصالون: من الزيرو فوقيها كسوه جلد وقطيفه وفرش الفبريكه زيرو والتبلوه والصالون من الداخل بحاله الزيرو اذراع النور والمساحات وكل الكتابه والا كلمه ممسوحه والا اى شيء بحاله الزيرو الحمد لله

حاله البطاريه: من سنه و3 شهور وهى فارته المانى وتعمل بكفائه عاليه جداا

وحاله الكاوتش: طبعا 4 فرد كاوتش بريجستون اصلى من 10 الاف كيلو فقط

والحاله العامه للسياره:: ككريستاله فهى شاذه حاله وعداد كيلو متر وصيانه واهتمام وطبعا معاها الكاتلوج وورق الشراء وملف الصيانه فى التوكيل بالورق والفواتير من الزيرو من سنه 99 حتى الان شامل كل شيء حتى ورق غسيل العربيه فى البنزينه والله هههههههههه

والسعر النهائى::52 ونصف


وسبب البيع:: هى سياره والدى ونادرا لما بتمشى علشان فيه سياره تانيه دى للمزاج بس وحب والدى فيها لثباتها وتقلها على الارض ووطيه فثباتها عالى واخيرا والدى اختار البديل المناسب وجبناها الحمد لله اللى يعوضنا عن الكريستاله طبعا هوندا سيفك وشكرا وانا اسمى حسام والتواصل رسايل على الخاص وشكرا

ربنا يبارك فيها

ياريت حضرتك تكتب هذه البيانات

1-ماركة السيارة
2-الموديل/السنة
3-عدد الكيلومترات
4-الكماليات (كاسيت-تكييف-زجاج كهرباء-باور)
5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة)
6-حالة الدواخل (رشة مناطق كذاوكذا او فابريكة)
7-حالة الصالون (معقول-جيد-جيد جدا - ممتاز- حالة نادرة)
8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة)
9-حالة الكاوتش (جديد او مستعمل كام كم؟)
10-حالة البطارية
11-مكان المعاينة
12-السعر المبد ئي كام (هل قابل للتفاوض او نهائي)
13-اسم صاحب الاعلان ورقم هاتفة
14-تاريخ انتهاء الرخصة؟
15-اول يد او ثاني او ثالث الخ الخ
16-امكانية البيع بتوكيل او اشتراط التسجيل
17-حالة الموتور

ياريت صور ليها

ربنا يحسلك بيعها انشاء الله

ممكن البدل بالنترا 2007 مانول؟ .. لان صاحبى عاوز يبيها ويجيب حاجه لانسر اقل

اقتباس:

---

المشاركة الأصلية كتبت بواسطة MAMDOH111

ربنا يبارك فيها

ياريت حضرتك تكتب هذه البيانات

1-ماركة السيارة:: لانسر كريستاله
2-الموديل/السنة::99
3-عدد الكيلومترات::55 الف
4-الكماليات (كاسيت-تكييف-زجاج كهرباء-باور) جميع الكماليات اتوماتيك مصريه مش خليجى
5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة) قبريكه بالكامل مفيهاش اى بويه نهائى
6-حالة الدواخل (رشة مناطق كذاوكذا او فابريكة) فبريكه بالكامل
7-حالة الصالون (معقول-جيد-جيد جدا - ممتاز- حالة نادرة)ممتازه
8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة)ممتازه
9-حالة الكاوتش (جديد او مستعمل كام كم؟)4 فرد كاوتش بريجستون اصلى 10 الاف كيلو فقط والاستبن الاصلى لم ينزل من السياره ومش فاكر نوعه
10-حالة البطارية:: شغاله تمام وهى نوعها فارته المانى
11-مكان المعاينة:: بالقرب من محطه مترو سعد زغلول
12-السعر المبد ئي كام (هل قابل للتفاوض او نهائي) 52 ونص ده نهائى انشاء الله
13-اسم صاحب الاعلان ورقم هاتفة : حسام ربيع 0114580700
14-تاريخ انتهاء الرخصة؟ 10 _2010
15-اول يد او ثاني او ثالث الخ الخ ::تانى يد
16-امكانية البيع بتوكيل او اشتراط التسجيل ::مش فارق
17-حالة الموتور:: ممتازه وزيرو فعلا

---

اقتباس:

---

المشاركة الأصلية كتبت بواسطة emadmody2010

ياريت صور ليها

---

اوك تتغسل بس يا باشا علشان مركونه من فتره والتراب وكده وانا اصورهالك

اقتباس:

---

المشاركة الأصلية كتبت بواسطة maby3rafnesh

ربنا يحسلك بيعها انشاء الله

ممكن البدل بالنترا 2007 مانول؟ .. لان صاحبى عاوز يبيها ويجيب حاجه لانسر اقل

---

ياريت يا باشا تكتبلى مواصفات الالنترا لانى بعشق العربيه دى وكانت معانا 2007 اتوماتيك قبل السيفك وبعناها وبفكر اخد الالنترا دى ليا ووالدى معاه السيفك ياريت بقى تقولى اللون والعداد وفبريكه والا ايه والكماليات وتفاصيل اكتر عنها والمبلغ المطلوب ويفضل تملى نموذج البيغ ولو فى نصيب انشاء الله مش حنختلف ومستنى ردك

ممكن صور لسياره

انا بدور على العربية دية بس ياريت تكون بالحالة اللى انت وصفتها وفيها مصاريف لسة و لا
و ياريت تهز السعر شوية وانا شارى قبل متفرج

لوفيه نصيب والعربيه قعدت لغايه العيد انا ممكن أجي اتفرج واشتري علشان انا مسافرحاليا وربنا يحسنلك بيعها ويرزقك باللي احسن منها

اقتباس:

---

المشاركة الأصلية كتبت بواسطة mazgangy

ياريت يا باشا تكتبلى مواصفات الالنترا لانى بعشق العربيه دى وكانت معانا 2007 اتوماتيك قبل السيفك وبعناها وبفكر اخد الالنترا دى ليا ووالدى معاه السيفك ياريت بقى تقولى اللون والعداد وفبريكه والا ايه والكماليات وتفاصيل اكتر عنها والمبلغ المطلوب ويفضل تملى نموذج البيغ ولو فى نصيب انشاء الله مش حنختلف ومستنى ردك

---

العربيه ياباشا راشه نظافه كلها معدا السقف طبعا وعددها 70 الف كيلو ولونها نبيتى فيها طقم جنط 16 وطوره كاوتش جديده وفوج لايت وزينون وكاسيت سى دى والعربيه عماتا مش محتاجه مصروف ..

ورقم التلفون لو حبيت نستفسر اكتر وتشوف العربيه ونشوف احنا كمان العربيه اهوه

0109335179

ياريت يا أستاذحسام تضيف نمرة تليفونك عشان المعاينة شكرا

اقتباس:

---

المشاركة الأصلية كتبت بواسطة lomy1990

ياريت يا أستاذحسام تضيف نمرة تليفونك عشان المعاينة شكرا

---

والله يا باشا انا كاتب رقمى كاتب حسام ربيع والرقم 0114580700 ومنور الموضوع وكل سنه وانت طيب

طيب حضرتك فين بالضبط ؟؟؟؟؟

هي مانيول ولا اوتو؟؟

ارجو اغلاق الموضوع وتم البيع بحمد الله للعضو هانى محرم

انا بشكر الاستاذ حسام على العربية الهدية و بشكر القائمين على الموقع لانهم كانو سبب فى المعرفة الكويسة دية
وبعتزر لرواد الديو لانى هاسيبهم و بتشرف بالانضمام الى منتدى لانسراوى دائما و ابدا

اقتباس:

---

المشاركة الأصلية كتبت بواسطة hanymoharem

انا بشكر الاستاذ حسام على العربية الهدية و بشكر القائمين على الموقع لانهم كانو سبب فى المعرفة الكويسة دية
وبعتزر لرواد الديو لانى هاسيبهم و بتشرف بالانضمام الى منتدى لانسراوى دائما و ابدا

---

الف مبروك ياباشا عليك الكريستاله وبصراحه انت راجل اخلاق جدا وانا سعيد بمعرفه حضرتك ومنور ومشرف المنتدى كله وقسم الانسر والكريستاله بقى وابقى اطلعنا على كل ما هو جديد فى السياره ومتنساش تفرجنى بقى على الصور بعد ما تظبط انشاء الله

اللة يبارك فيك يا باشا و اللة انت المحترم و السيد الوالد وانا اتشرفت بمعرفتكم و انشاء اللة ارفعلك صورها بعد التعديل بس بعد العيد اكون ظبطها انشاء الله
وشكرا على ردك و على العربية

ممكن البدل ب اوبل استرا مو 2000 حالتها شاذه لمثيلاتها برضه

عزيزي
ربنا يبارك لك ويحسن سوقها
هي مش غاليه شويتين باسعار الأيام دي للمستعمل