الموضوع: النيو سيراتو سياره تستحق الاحترام فعلا

المشاركة الأصلية كتبت بواسطة Ahmed Samy

لو كنت سألتني السؤال ده يوم الخميس كنت هاقوللك طبعا بدون نقاش

انما بعد ما ركبت البرافو و نزلت شوفتها في Omatra

الحقيقة كنت هابقى محتار جدا بينها و بين البرافو T-jet لأني اشتريت بتاعت بـ134 و البرافو تعملها 140-142

هي السيراتو حلوة و عاجباني صحيح ...بس أوروبا أوروبا برضه ...و إيطايا كمان

مش المفروض ان البرافو ب 160 الف كامله يا دكتور
وبعدين انا ليا كتير صحابى بيشككوا فى اعتماديه فيات وبيقول مين هيدفع 160 الف فى فيات
دى تتدفع فى فولكس او تويوتا او هوندا وكلهم متفقين فى الراىء ده
اهل الكلام ده صحيح؟؟؟؟؟؟؟ خصوصا ان العربيه دى فيها تربو وما ادراك ما التربو ومشاكله
على فكره انا ليا واحد صاحبى معاه فيات لينيا 1400 سى سى تربو 120 hp مانيوال وتسارع العربيه اول وتانى وتالت كويس لكن بعد كدا عادى جدا جدا جدا والتالت فيها اخره 120
انا مكتوب عندى فى البورشور بتاع البرافو ان العزم بتاعها 206 N.M@1750 RPM
طب ازااااااااااااااااااااااا اى
تحياتى

المشاركة الأصلية كتبت بواسطة abo samra

دكتور احمد انا بالفعل كان لى تجربه مع السياره ولكن لان السياره كانت فى التليين فكانت قياده عاديه ومش رياضيه ومقدرتش بالظبط احدد قوة الثبات او التسارع لانى وصلت الى سرعة 80 فقط
ولكن الحاجه اللى اخدت بالى منها انى حسيت ان الفتيس لما تهدى بالعربيه بياخر النقله شويه وعلشان انا من الاول متحيز ضد العربيه دى فاكيد غالبا او ما هركبها هبص للعيوب وطبعا طبعا هانكر كل المميزات وعلى فكره انا بقول الحقيقه اللى اى حد بيعملها فعلا
وانا كنت بتكلم من منطلق التقفيل والصاج وارتفاع السعر وليس من منطلق الاداء والقياده والرفاهيه

بالنسبه ان العفشه ناشفه والله انا شايف انها انعم من عفشة الاوكتافيا اللى فيها جنوط 17 حتى الجيتا كمان وده مش مشكله كبيره قوى يعنى لان ده بيذود ثبات العربيه على الطريق
ان شاء الله بعد لما السياره دى تخلص التليين هجرب ثباتها وهقارنها بالكورولا اللى معايا ان شاء الله
ولكن صاحب العربيه بيقول ان ثباتها اقل من الاوكتافيا a5 ولكن بدون تجربه محدده يعنى بيقول ده ايحاء على الملفات البسيطه
انا بتهيالى مفهياش مشكله لو الواحد وصل الى 160 مره ولا حاجه علشان يجرب العربيه فى التليين ولكن صاحبها بيقول انه مش هيعدى 100 بيها خالص الا بعد لما يخلص 1000
انا بعربيتى وصلت فى التليين الى 180 مره واحده من اجل التجربه فقط والحمد لله العربيه كويسه لحد دلوقتى
عموما يا دكتور احمد ربنا يباركلك فيها وهى بالفعل سياره جديره بالاحترام

مع احترامى الكامل للمتحيزين لليراتو متهيالى عيب اوى لما نقارن التويوتا بالكورى السيراتو يا جماعه خللينا عقلانيين وكمان طالما كل واحد لقى اللى هو عاوزه او بيدور عليه فى عربيه حاتبقى ديه عربيته وحايدافع عنها وكمان حايبقى متحيز ليها فى الاخر المهم انك تكون مرتاح لييها انا عن نفسى مش ضد السيراتو بس ضد الكورى يعدى الميت الف جنيه يعنى اخره ميه وعشرة الف جنيه غير كده يبقى حرام مع العلم انى كنت راكب فيرنا لمدة ست سنين الكورى 2004 الكامله وبعتها وانا بابعها لقيت الموتور قدرته فى الكبس 78% يعنى موتور جامد جدا ولسه بحالته يعنى انا مش ضد الكورى بس ضد الاستغلال وكمان ضد انى ادفع فى حاجه منظره بس مش عمليه
شكرا ليكم واسف ان كنت طولت عليكم

المشاركة الأصلية كتبت بواسطة oilman

مع احترامى الكامل للمتحيزين لليراتو متهيالى عيب اوى لما نقارن التويوتا بالكورى السيراتو يا جماعه خللينا عقلانيين وكمان طالما كل واحد لقى اللى هو عاوزه او بيدور عليه فى عربيه حاتبقى ديه عربيته وحايدافع عنها وكمان حايبقى متحيز ليها فى الاخر المهم انك تكون مرتاح لييها انا عن نفسى مش ضد السيراتو بس ضد الكورى يعدى الميت الف جنيه يعنى اخره ميه وعشرة الف جنيه غير كده يبقى حرام مع العلم انى كنت راكب فيرنا لمدة ست سنين الكورى 2004 الكامله وبعتها وانا بابعها لقيت الموتور قدرته فى الكبس 78% يعنى موتور جامد جدا ولسه بحالته يعنى انا مش ضد الكورى بس ضد الاستغلال وكمان ضد انى ادفع فى حاجه منظره بس مش عمليه
شكرا ليكم واسف ان كنت طولت عليكم

وبصراحة برده احنا ضد الجنوب افريقي انه يعدي 90 الف جنيه

انا راي ان العيب اوي ان نقول ان مفيش عربيه كوري تنافس الياباني .......ده معناه ان انا دماغي واقفه عند زمن معين ومش عايزه تواكب التطور
العيب اوي اني اشكك في عربيه لمجرد انها من كوريا بغض النظر عن امكانياتها وتطورها وقوه ادائها
العيب اوي اني افرض راي في عربيه مركبتهاش ومجربتهاش واقلل من شانها لمجرد بلد المنشا
عارفين لو المشكله ان حد بيهاجم العربيه لعيب فيها كنت قلت عنده حق انما يهاجمها ويعترض عليها لانها كوري هو ده العيب قووووووووووي

المشاركة الأصلية كتبت بواسطة mohammedsamirabdeen

وبصراحة برده احنا ضد الجنوب افريقي انه يعدي 90 الف جنيه

لا كدا ازعل منك
لو بقت ب 90 يبقى السيراتو ب 60 الف جنيه
تحياتى

المشاركة الأصلية كتبت بواسطة abo samra

انا كنت من الناس اللى ضد السيراتو جدا وبقول انها غاليه على الفاضى جدا وسعرها قرب من العربيات اليابانى العريقه وكنت بقول ان صاجها ضعيف فده هيبين بعد كدا انها ضعيفه فى اختبارات الامان ده غير التقفيل اللى كنت بقول عليه انه سىء جدا
لحد من قعدت واحد له باع وتاريخ كبير فى السيارات اقنعنى ان العربيه دى تستحق ثمنها بالفعل لعدة اسباب

1-سعرها لم يصل الى مثيلاتها من نفس الفئه اليابانيات ومع ذلك تقدم كماليات لا توجد فى اقرب فئه من اليابانيات
2- شكلها متناسق من جميع الزوايا وملفت للانظار وده نقطه تفوق ليها بالنسبه لفئتها السعريه
3- ثباتا غير مسبوق بالنسبه لسياره كوريه المنشأ
4- ضعف الصاج ليس له ادنى علاقه بقلة الامان طب ما العربيات القديمه كلها صاج قوى جدا ايه اخبار الامان فيها واثناء التصادمات ايه اللى بيحصل!!!!!!!! وايه رايك فى صاج الكورولا القديمه ؟؟؟؟؟؟ يفرق ايه عن صاج السيراتو ؟؟؟؟؟ ولا ايه رايك فى صاج الياريس واللانسر الشارك والبومه ؟؟؟؟؟؟
طب ما الاوكتافيا a5 صاجها اقوى من الكورولا الجديده ليه امانها اقل عن الكورولا
الاوكتافيا 4 نجوم فى euroncap
والكورولا 5 نجوم
كدا الصاج الاقوى فاد فى ايه بقا
اهم حاجه فى الصاج انه يبعد التصادم عن كابينه الركاب
5- العربيه موتورها متقدم تكنولوجيا بغض النظر عن التسارع والجرى
6- شركة هيونداى فى تقدم كل عام عن اللى قبله وشوفوا دلوقتى بقت رقم كام على العالم
7- ايه العربيه اللى ب 130 الف جنيه مفيهاش الحاجات اللى الناس بتعتبرها عيوب فى السيراتو وفى نفس الوقت فيها كل مميزاتها
8- العربيه مطلوبه بشده فى الاسواق ونجاحها شىء اكيد
وبعتذر لاى حد لو زعل منى لو كنت متحيز ضد السيراتو شويه
تحياتى

اسمحلي احييك علي شجاعتك و احترامك لنفسك قبل اي شئ - تامر