المشاركة الأصلية كتبت بواسطة د.أحمد سمير
بصراحة مش مقتنع لعدة أسباب :
الأول : إن مفيش محل جواهرجي المعروضات فيه منها للزبون كدة كل فاترينة داخلية بتكون مقفولة وبقفل كمان ، وبفرض إن القفل مفتوح بتكون الجراية القزاز مقفولة يعني مستحيل حد يمد إيده بالشكل ده .
الثاني : الست شالت حاجة لونها موف في الوقت اللي كل المعروضات على قطيفة حمراء .
الثالث : كل المعروضات في براويز كبيرة تكاد نكون حجم الفاترينة كلها ودي كلها مستحيل تتاخد من بره الفاترينة من مكان الست أصلاً .
الرابع : ازاي حطت برواز الخواتم في التايير واتحركت بشكل طبيعي
الخامس : لو كان برواز الخواتم اتاخد بهذا الشكل كان لازم الخواتم تقع منها وهي شايلاه .
السادس : مستحيل برواز خواتم كامل يتشال والعامل لا يكتشف اختفاؤه بمجرد النظر
السابع : الست رجعت العامل للفاترينة اللي بره وبعد لحظة واحدة مشيت .. وده في عرف الجواهرجية مستحيل ، إذا كان ما بيصدق حد يدخل عنده أصلاً هايسيب زبونه بتوريه اللي هيه عايزاه في الفاترينة بره بعد ما فرجها جوه على حاجات تانية تمشي ببساطة بعد ثانية ، حتى محاولش يفتح الفاترينة اللي بره ويرجعها تاني ..
وحتى لو هيا اللي صممت تمشي ده مكانش هايثير شكوكه .
الثامن : مين صاحب محل هايبعت فيديو سرقة وينشره على يوتيوب .. كنا لقينا عشرات الحاجات من دي عن مصر وغيرها .
التاسع : النشر على اليوتيوب كان قبل القبض على الست ولا بعده ، لأنه لو كان قبله يبقى كأنه بيحذرها ولو كان بعده يبقى بيوري الناس خيبته .
العاشر : أكيد اللي بعت الفيديو واحد من المحل طيب ليه مقالش إيه اللي حصل للست يعني اتقبض عليها ولا بيدوروا عليها ...
هذه الأسباب العشرة تجعلني لا اقتنع بالفيديو ولا بصدقه
والمسألة في النهاية وجهات نظر
تقبلوا جميعاً خالص مودتي