عرض للطباعة
لقيت إنذار العربية شغال و مش عايز يسكت .. نزلت .. لقيت إني كنت ناسي لمبتين الصالون والعين و البطارية نايمة خالص كل الأنوار ضعيفة و الكشافات و المارش مش بيلقط .
بس الإنذار مش عايز يسكت تماماَ ! فصلت قطاش البطارية و طلعت ..
أعمل إيه ؟ انا مش عارف أفصله ..
انا كنت هروح أجيب كبل و أدورها بوصلة من الكليو و أخد بيها مشوار طويل عشان تشحن .
طب ما تدورها زق.
الركنة ضيقة للأسف مش هعرف أطلعها دلوقت زق
انت لسه يابني..؟؟؟
أول ما تدورها الدنيا هاتتظبط إن شاء الله
إدعيلي موضوع الغلبانة بتاعتي يخلص على خير..لحسن انا تعبت من الفلوس االي بتطير
ممكن تفصل سارينة الانذار فقط مؤقتا
وبعد شحن البطارية رجعها تانى يمكن كان سبب الانذار
ان اللمبة شغالة وده بيدى اوردر ان فيه باب مفتوح وبالتالى يشتغل
محمود
انا ممكن أجيلك بوصلة البطارية ونعملها مع بعض لو لسة المشكلة متحلتش
بس موضوع الانذار ده معرفش أفيدك فيه بصراحة
حبيبي أبو حمزة الله يخليك الحمد لله قومت العربية إمبارح بالليل و كله بقي تمام .. ألف شكر لك يا باشا لمبادرتك بالمساعدة :)
نادر الموضوع ده من قبل ما أكلمك .. ههههه
هو الموضوع بقي بالتفصيل إن انا سمعت إنذار العربية إشتغل و مش عايز يسكت .. نزلت لقيت كشافات العربية نورها ضعيف أوي و هي بتنور مع الإنذار .. غير إنه مش عايز يفتح من الريموت .. فتحت بالمفتاح لقيت لمبتين الصالون الأماميين مفتوحين و ضعاف برضه .. قفلتهم و حاولت أدور العربية مبتلقطش خالص .. فصلت قطاش البطارية عشان الإنذار يسكت .. و أجي أرجعه تاني ألمسه كدة بس ألاقيه إشتغل! فا سيبته كدة مؤقتاَ و بعدين باللييييل خالص جاري عالنت بيقولي إيه اللي حصل قلتله البطارية نامت فا قاللي انا عندي وصلة .. نزلنا قومنا العربية و اما دارت الإنذار طفا من الريموت .
هو تفسير موضوع الإنذار ده إنه هنج تقريباَ من الشحنة القليلة .. أو إنه أصلاَ المفروض بيشتغل لما يحصل حمل كهربا .
أول ما العربية دارت كان فيه حاجات متبرجلة كدة و السنتر مش عايز يشتغل و بتاع ( و طبعاَ كل حاجة زي الكاسيت مثلاَ إتعملها reset ) بس اما عملت مشوار طويل عشان الدينامو يشحن البطارية و أخدت المحور رايح جي كل حاجة رجعت زي ما كانت الحمد لله .
نصيحة كل واحد يخلي في عربيته كابل شحن البطارية ده محدش ضامن الظروف .. انا لسة من أسبوع بالضبط كنت لسة هجيبه و غيرت رأيي :) طبعاَ أول حاجة هجيبها إنهاردة من هيبر .
شكراَ لنادر نبيل و أبو عبد الله اللي ظبطوني عالتليفون و أبو عبد الله فضل معايا و قاللي أفك فيوزات إيه عشان نفصل الإنذار و انا كنت بفكها عالتليفون .. و لعلي لمبادرته بالمساعدة تسلم يا باشا :) .
و شكراَ .
الحمد لله إن المحور طلع له فايدة اخيراً :)اقتباس:
المشاركة الأصلية كتبت بواسطة motorizer
وحمداً لله على سلامة سيريونتك يابو حنفي
الحمد لله انها طلعت بسيطة