الموضوع: الفرق بين السعودى والمصرى فى شراء العربية

المشاركة الأصلية كتبت بواسطة gomha

انا قريت الموضوع وبصراحة موضوع مضحك وطبعا بما انى مقيم فى السعودية لازم ارد حتى اوضح بعض الامور

ليس كل السعوديين قادرون على دفع المبلغ دة لشراء سيارة ويوجد بينهم فقراء كما بيننا فقراء طبعا مع اختلاف النسبة

تكلفة الحياة هنا مرتفعة فمثلا بناء بيت صغير من دور واحد يكلف 500 الف ريال من غير سعر الارض سعر ايجار شقة صغيرة 1200 ريال شهريا


التكلفة اليومية لاسرة صغيرة يعنى اكل وغيرة حوالى 150 ريال يوميا

مصاريف حضانة لطفل واحد 3500 ريال سنويا

الوجبة الغذاء ارز و نصف دجاجة 13 ريال من المطعم


ودى امثلة صغيرة عن التكلفة المعشية حتى نتكلم بناء على معلومات صحيحة


طيب نجى للسيارات السيارة هنا هى عماد الحياة فلا تستطيع ان تعيش بدون سيارة

تكلفة التاكسى لاى مشوار 20 ريال يعنى مثلا عايز تروح تجيب تفطر او تتغدى تروح المطعم او السوق تدفع 40 ريال مواصلات بس طبعا موضوع صعب

لماذا السيارات رخيصة فى السعودية فى الحقيقة ان دة هو سعر السيارة الطبيعى و العادى والغير الطبيعى هو السعر فى مصر


ثقافة السيارات كلمة تعنى ان كل سيارة تستخدم تفقد 5% من قيمتها كل سنة عشان كدة تلاقى سيارات موديل 2000 ب 15 الف ريال وحسب الحالة كمان وفى مصر الناس تشترى سيارة ويستخدمها ولما يجى يبعها عايز يكسب فيها

الشركات تغير سيارتها كل خمس سنين عشان كدة تلاقى مستخدم بحالة جيدة وبسعر مناسب


استيرا د السيارة المستخدمة مفتوح لكل مواطن او مقيم بحد خمس سنين عن سنة الانتاج قبل السنة دى كان مفتوح على البحرى


لايوجد ما يسمى النقل العام ومصاريفة الضائعة على الفاضى


قوانين واضحة وصريحة لتنظيم سوق السيارات واعتبار السيارة ضرورة وليس رفاهية وسلعة كاى سلعة اخرى وليست مصدر للدخل القومى

طبعا انا اتكلمت كتير بس دى نبذة مختصرة عن الاسباب لعنوان صاحب الموضوع الفرق بين السعودى والمصرى فى شراء العربية

الكلام ده صح ١٠٠٪ وعلى فكرة في المنطقى الشرقية الي أنا فيها وخاصة الجبيل أغلى من كده كمان