فى حد حاجز عند الطارق النصاب (طارق اسماعيل) فى الاسكندرية ؟؟؟
اى حد حاجز عند الطارق (طارق اسماعيل )الاسكندرية مش حيستلم لانه اخد الفلوس من الناس و جاب بيها عربيات و بيبعها بوفر بريس و الى حاجز بيماطل معاه لو مرديش يدفع اوفر بريس و يقوله ان فى حاجزين قبل منك و تروح تشوف العربيات واقفة و مافيش اى حد من الحاجزين استلم.
انا لما روحت احجز سألته الاول فى حد حاجز الهاى لاين ؟ قالى لآ
طيب حستلم امتى ؟
قالى اول ما العربيات توصل حتستلم على طول
امتى؟
قالى من 15/8 لحد اول 9
و انا حجزت فى شهر 7
و هو بيكتب الوصل كتب بالعافية (بالسعر الرسمى عند التسليم ) و مارداش يكتب السعر كام فى الوصل و لا تاريخ الاستلام لان مش ضامن حتيجى امتى بالظبط.
قولت ماشى و على اعتبار ان دى مش اول تعامل بنا قولت مش مشكلة ( وحبقى احكيلكوا على المرة الى اشتريت فيها عربية منه من كام سنة )
يجى شهر 9 و انا معدى ابوص الاقى عربية هاى لاين وقفة عنده برة
ايه ياعم فين العربية يقولى تقلقش حسلمك بس اصل فى ناس تانية حاجزة قبل منك و قالبة علينا الدنيا و مستشارين و مش عارف ايه .
عديتها
بعد يومين اعدى ابوص الاقى الباركن كله عنده هاى لاين بكل الوانه و كمان من كل لون عربيتين .
قولتله فين العربية ؟ يرد يقولى ادفع 8 الاف اوفر بريس اسلمك دلوقتى . قولتله مليم زيادة فوق ال 126 مش حدفع
قالى طيب و انا اعمل ايه فى ناس حاجزة قبل منك من شهر 4 .
قولتله و انا بحجز مقولتش ان فى حد حاجز عندك اصلا الهاى لاين .يرد يقول هو انا لازم اعرفك اسرارنا قولتله و بتعرفهالى ليه دلوقتى.
قالى الناس الحاجزة و حيلوك رحت قولتله عفاريت حاجزة قبل منى المهم انا حستلم امتى مطوح فيا كمان 3 ايام يقولى حتصل و ميتصلش و اتصل بى يقولى لسه شوية.
المهم النهاردة كلمت صاحب الشركة وائل طارق اسماعيل رد قالى ان احنا مش احسن من التوكيل التوكيل بيسلم بعد 4 شهور و احنا كمان و الى عندك اعمله .
قولتله الحمار الى حجزلى مئليش ليه الكلام ده و انا بحجز قالى خذ اسئله وراح مديله السماعة .
قعد يحلف الف يمين انه مقليش ان انا حستلم اول تسعة و ان كل الى قاله (ربنا يسهل) كداب مع انه مربيلى دقنه و كل مكلمه رايح يصلى.
نصابيييييييييييين
العربية الى انا كنت شاريها منهم من كام سنة كانت proton و العربية دى اصلا تقيلة فى بيعها فى اسكندرية
المعاملة كانت كويسة لحد ما دفعت و استلمت روحت بيها الساعة 12 باليل الصبح باابوص عليها الاقى ان فيها باب مرشوش رحتله و خناقة لرب السما لحد مبديلها (قبل ما تترخص) و مكانش عايز يقتنع انها مرشوشة لحد لما اخدته و رحنا التوكيل و قاله انها مرشوشة.
المهم انا بحزركم من التعامل مع شوية النصابين دول
و ان لو فى حد حاجز سيراتو عنده او كارينز و لسه مستلمش يقولى علشان نروح نعمل شكوى فى جهاز حماية المستهلك و لو العدد حلو ممكن نعمل بلاغ للنائب العام.
و ده طبعا قبل مايروح ياخد فلوسه
ضيع وقتى ابن ال ... معلش على التطويل .
