الموضوع: أسرار عن قطع الغيار منقول

الموضوع كبير وصعب حصره وخصوصا المعلومات دي مش بتقبى متوفره على الاقل في مصرو الوطن العربي

في شركه اسمها zf المانيه بتنتح حاجات كتييييييير اوي للعربيات جير بوكسات بي ام دبليو كلها بتاعتها ونيسان ماكسما وكام عربيه انفنتي على كام عربيه اودي وفولكس وكمان هيونداي جينيسيس

zf بتعمل كل انواع الجير بوكس والعفشه كامله ابتداء من المساعد والمقص والاجزاء الصلبه والكبالن وكمان انظمه فرامل ب abs وكمان ثبات الكتروني وحاجات كتييييير هو وبي ام بتتعامل معاها علطول هي واودي جروب بالكامل ف في حاجات كتير كده

شركه بوش نفس الكلام بتشتغل في حاجات معينه للعربيات منها طرمبات بنزين انظمه فرامل ورشاشات وحاجات كتير

وفيه زييها كتير اوي شركات في اليابان بتنتج كل الكلام ده والموضوع ملوش حصر

لدرجه ان ممكن شركه عربيات معينه تاخد كزا قطعه لنفس السياره الواحده يعني الرينو الكنترول يونت بتاعها بيجي من سيمنز وشركه تانيه كمان

شركه kyb بتتعامل مع الياباني ف المساعدين الاصلي في معظم الياباني بيبقى كي واي بي وبيبقى في كي واي بي نسخه عاديه في السوق في الاغالب بتبقى اقل في الجوده وان مكانتش اقل في الجوده ف هي اقل في العمر الافتراضي وكمان بتنتج لماركات تانيه غير الياباني

وفي تعاون كبير اوي بين شركات كتير اوي زي مثلا فورد ومازدا بقوا شركه وحده كل ما يخص المازدا 3 و 6 هو هو فورد فوكس وفورد مونديو عفشه وفرامل وتقريبا جير بوكسات بس المواتير مختلفه

الالمان من كتر ما زهقوا مش عارفين يعملوا تكييف محترم بقوا يجيبوا تكييفات العربيات كلها من اليابان في الوقت الي اليابانيين والكوريين في عربيات من عربياتهم بقى التكييف بيبقى صيني عشان خفض التكلفه هو مش بيبقى صيني صرف لكن متجمع او متقفل في الصين

والفورد والمازدا قطع غيارهم وحده واختلاف في الاسعار غريب برضو


هيونداي وكيا شركه وحده وعندهم شركه اسمها mobis بتعمل الاصلي للشركتين وبتعمل كمان نسخه شبه الاصلي بتبقى اختلافي العلبه بس ولكن نفس الجوده وبتعمل نسخ اسعارها رخصيه وجودتها مش زي الاصلي ولكن جوده كويسه جدا مقابل الاسعار وفي الحقيقه موبيس مش بتعمل كل حاجه لان مثلا مساعدين هيونداي بيجيو من شركه اسمها ماندو في كوريا بتعمل برضو صناعات مغذيه للسيارات غير المساعدين

تلاقي الاصلي مختوم عليه هيونداي وماندو والموبيس يتختم عليه ماندوا وموبيس وتلاقي برضو الماندو العادي في السوق ارخص منهم ولكن اقل جوده ولكن يزال خيار افضل من ماركات غريبه بتعمل مساعدين وخلاص

بيجو وستروين نفس الكلام حاجاتهم معظمها وحده

دلوقتي الجديد نيسان ورينو حاجاتهم معظمها وحده في عربيات معينه

----------------------------------

الصيني بقى حدث ولا حرج كل قطعهم تلاقيلها حلول

--------------------------------------------------------------------------------------------

بتجنن من غباءنا في مصر الحقيقه يوم ما نلاقي اول عربيه مصريه نلاقيها ب 3 عجلات ايه الفشل ده

منتا بكل سهوله تاخد متور من متسوبيشي اليابان كمان مش متسوبيشي الصين

وتاخد عفشه من اي نوع من انواع العربيات الماني او ياباني او كوري او هندي

والتصميم مش قصه كبيره اوي يعني

وتقدر تطلع بعربيه بمتوسط سعر مش اعلى من مثلا 100 الف جنيه وتعمل عربييه صناعه مصريه محترمه جدا وبدون مشاكل تذكر لانك ضامن مكوناتك وهو ده الي الصين بتعمله وبتعمل بيه عربيات تصاميم صيني ولكن ك عربيه حاجات كتير فيها اوي مش صيني هما مش تعبانين فيها بنكله ولا اخترعوها ده بالعكس خربوها لانهم بيصنعوها في الصين بجوده وحشه


--------------------

بالنسبه للاستاذ الي شاف ميكانيكي بيعمر كرستاله بقطع غيار اكسنت اساسا هيونداي قائمه على تكنولوجي متسوبيشي من ناحيه المواتير

1300 و 1500 بتوع الاكسنت هما هما بتوع الكرستاله بس فرق مممكن مصنع في كوريا ومصنع في اليابان
حتى الهيونداي جينسيس بمتورها ال 4.8 و 3.8 بتوع متسوبيشي ممكن تكون هيونداي عدلت فيهم لكن الاساس متسوبيشي

ومتسوبيشي عموما من الشركات الي واقعه برا في الغالب هو ده السبب الي بيخليها تبيع التكنولوجي بتاعتها لكن من هب ودب

الصين قعدت تتمكن لحد ما تمكنت الان الصين ترغم اي شركه سيارات الشراكه مع ماركه في الصين ومساعدتها وهو ده السبب في ان مثلا ال byd حاجتها بتاعه تويوتا وكمان في شركات صيني بس بتقفل العربيات الاجنبيه يعني في شركه بتقفل تويوتا ومازدا في الصين مع بعض