حركات نص كم عند طارق اسماعيل كارفور اسكندريه

**A.Saad** · 07-09-2009 12:22 PM

المشاركة الأصلية كتبت بواسطة hamadamdph

لا حول ولا قوة إلا بالله

انا حاجز اللوجان تبع محمد زكي وربنا يسترها وميطلعش زي الطارق

حد يا جماعة جرب محمد زكي كويس

محمد زكى قمة احترام المعارض فى مصر

لو اداك ميعاد يصدق فيه
انا وانا بجيب البيكانتو كنت متفق ان اخد الورق يوم سبت
طلع السبت ده اجازة تحرير سيناء
مش هتتخيل كم الاعتذارات اللى اتقال لى علشان ماخدوش بالهم واحنا بنحدد الميعاد انه يوم اجازة وان الورق هيتاخر يوم واحد بس
والحمد لله انا علاقتى بيهم كويسة
لو حد عايز منهم حاجة ممكن يقولى

**haitham83** · 07-09-2009 02:18 PM

هو فى محمد زكى فى اسكندرية؟؟؟؟؟؟؟؟؟؟؟

**محمد ابراهيم 1** · 07-09-2009 02:27 PM

أنا ابن خالى كان حاجز عندهم كيا سيراتو من 5 - 4 - 2009 ولسة مستلم من يومين ولسة الإفراج مجاش
وفى الفتره دى كانوا مديينوا بدون مبالغة 6 مواعيد تسليم ويروح ويزعق ويشتم ويتخاتق والظاهر جتتهم نحست

**samcar** · 07-09-2009 05:52 PM

المشاركة الأصلية كتبت بواسطة haitham83

الموضوع دة يا اخوانى فكرت كتير قبل ما اكتبه بس لقيت لازم اقوله لما قريت اللى فى اللينكايه دى
http://www.nilemotors.net/nile/93576...post3871972606
الموضوع ان الحج فكر يشترى لوجان و بعد مشاورات و مناورات قولنا بينا على طارق اسماعيل كارفور اسكندريه
طبعا انا خطفت نفسى قبل ما اروح مع الحج 3 مرات و اسال 3 بنى ادمين من عندة لو عاوزها فورى قالى 3 بواكى يعنى 70 و تستلم بعديها بيوم او اتنين بالكتير قولت اشطه

و يوميها الصبح شدينا الرحال على كارفور و لما دخلنا
لقينا واحد كدة قاعد على المكتب نقوله عاوزين نشترى لوجان فول اوبشن فورى
قالنا و ماله اوفر برايس 4 تلاف جنيه!!!

ليه ياعم دة انا سائل 3 مرات كذا و كذا و كذا ( اساميهم ) و قالولى 3 تلاف جنيه قالى مستحيل ( مع انى والله سائلهم ) قالى لا لا لا طيب استنى كدة و اتصل بواحد تبع طارق و ال يعنى عمل واجب و نزلها باكو
اة نسيت اعرفو اسم البنى ادم دة و احفظوه ( عبد الرحمن عادل مندوب الطارق )
المهم نقوله عاوزين لون فيرانى موجود
قالنا طبعا دة متوافر فى مخازننا ( يعنى مرطرط)
المهم قونالو نستلم امتى قالنا يومين و ورقها بعد 3 ايام قولنا حلو
بعديها بيوم يتصل يقول حاجه غريبه يقولنا ( اسمعوا و ركزوا ):
التوكيل اتصل بيا و قالى ان العربيه معيوبه و انا للامانه قولت اقولك و فيه بدالها اسود ( ينهار اسود ) لو عاوزينها سودة تعالو خدوها بكرة و لو عاوزين فرانى هتستنو 3 اسابيع ( و اوفر برايس ليه مخابرشى )
المهم بابا قالو نعم معيوبه ازاى
المهم دعبست فى الصحاب و صحاب الصحاب و صحاب صحاب الصحاب طلع واحد يعرف مهندس فى التوكيل لما قاله قاله يعنى بذمتك التوكيل هيفضح نفسه و هيطلع عربيه معيوبه و لو العربيه معيوبه هيقول للمعرض انها معيوبه
و زيادة فى التاكيد قاله هنعرف ايه الموضوع
و الصدمه : ( ان ان ااااااااة موسيقى تصويريه )
الموضوع ان اللوط بتاع العربيات اللى كان جى كله اسود ماعادا وحدة فرانى و مش فى المخازن دى فى التوكيل بيتعملها البى دى اى
و راح مدينا رقم الشاسيه و قالنا العربيه كشفت عليها بنفسى و مفيهاش الهوا
و روحنا متصلين بيه
و روحنا قولنالو معيوبه مين و كلام مهبب ايه دى مش معيوبه و عاوزين تبيعوها لحد تانى احنا هناخدها قالنا ماشى استنو 3 ايام ( دة غير 4 ايام فاتو ) و بعد ال 3 ايام ورقها لسه مجاش
هوبا روحنا رايحين و طالعين على المدير و قولنالو حصل كذا كذا كذا و هو دة كلام يخش على عيل صغير البنى ادم دة مش عاوزين نتعامل معاة تانى
و لما زعقنا و هوبا راحو قالولنا بعد الضهر الورق جه و تعالو استلمو بكرة
و احنا بنستلم من المهندس اللى تحت روحت ضارب اسفين
قولتلو البنى ادم دة اللى عندكو قالنا العربيه معيوبه و انا هكتب فى استلام العربيه ان البنى ادم دة قال انها معيوبه و تم استلامها بعيبها علشان لو فيها عيب هخربيت التوكيل و لو مطلعشى هخربيت الشركه علشان دة مفيش مصداقيه ( و هليله ) قالولنا دة كلام التوكيل هيطلعها معيوبه و يقولنا
قولتلو قولو للى عندكو و طلع المهندس جربها و فصصناها حته حته و بصراحه طلع مهندس محترم

بس اللى زعلنى ان العربيه كانت فى التارجت بتاعه ( بصراحة ميستاهلشى )

ياريت تاخدو بالكو و اسالو اللى هتشترو منه

يظهر كا تجار مصر ماركه واحده

صاحب لى برضه طلب من معرض عربيه نوبيرا ل- والدفع كاش- اول كلام موجود كل الالوان يا فندم- طيب نستلم امتى - بكره يا فندم

هب تانى يوم - الو معلش العربيه رحنا نجيبها طلعت مخربشه- ممكن تنتظروا يوم او اتنين- ماشى
بعد يومين- فى الوان تانيه لو مستعجلين- الوان ايه - اسود ودهبى - طبعا لا- طيب استنوا اسبوع حنجيب من المصنع - عدى الاسبوع - فى كحلى واخضر !! - لا لا لا

صاحبى ماشى بالعربيه فى مدينة نصر - فى فترينة معرض لقى عربيه فضى وتمام التمام - اتصل باخينا ياعم فى عربيه فضى عند فلان- ماهى دى المخربشه يا فندم - طبعا صاحبى راح على المعرض شاف العربيه زى الفل - ناس محترمه خلص واستلم فى نص ساعه واخد ورقها تانى يوم وعدى على صاحبنا الاولانى بيها اخد العربون - طبعا اخينا ما فتحش بقه

يعنى بالذمه لو فى شويه امانه وصدق فى المعامله كان الدنيا خربت- النتيجه ان صاحبى ماشى يشكر فى المعرض التانى ويحذر الناس من الاول - صاحبى حلف لى ان المعرض الاول لو كان قال له مفيش اللون المطلوب كات بيفكر يجيب عربيه اعلى من عنده - احسبوا بقى التاجر الفهلوى ده خسر اديه

**mohamed1979** · 07-09-2009 06:20 PM

بصراحه انا كل يوم محمد زكي بثبت انه راجل محنرم
انا واخد 3 عربيات منه بالسعر الرسمى و المعياد الى قال عليه بالظبط
انا لو منك كنت اديته عاقه سخنه

**Dr Zezo** · 07-09-2009 06:51 PM

حضرتك اللي قلته ده قصة كفاح ونضال

مش شراء سيارة المفروض انها من ابسط ما يمكن طالما توافرت النقود كاملة

**haitham83** · 07-09-2009 07:07 PM

المفروض تبقى اسهل من كدة دة كمان مش عجبه انها كاش علشان هياخد الفلوس و هيوديها البنك بجد والله كنت فاكرهم زمان ناس محترمه و صادقين فى التعامل و مش عارف ازاى واخد توكيل اذا كان بيعملو كدة فى بيع العربيات

و على فكرة بعد ما قلبنا المعرض كلو بصراحه قولت لطوب الارض علشان ميتعاملوش معاة

**bishoy02010** · 07-09-2009 07:46 PM

يعنى نفهم من كده ان احسن مكان بعد التوكيل محمد ذكى ؟؟؟ ومفيش لعب فى فيش العدادات والحركات ديه ؟؟؟ ديه اهم حاجة عندى ياريت اللى مجرب يقول

**Ghamrawy** · 08-09-2009 12:36 AM

طارق اسماعيل هو الوجه الاخر للمصرية للسيارات للاسف و انا ليا موقف معاه من 3 شهور لما كنت باشترى عربية لاختى و فى الاخر سحبت المقدم بعد عذاب 3 اسابيع و خناقات و وسايط و لو تبص على تصرفات مندوبين البيع و هما بيخطفوا الزباين من بعض و لا كأنك ماشى فى سوق الغرفة التجارية (الاسكندرانية حايفهموا اقصد ايه )

الموضوع: حركات نص كم عند طارق اسماعيل كارفور اسكندريه

LinkBack

أدوات الموضوع

عرض

-

-

-

-

المواضيع المتشابهه

سؤال للاسكندرانية هو كارفور اسكندرية اتنهب واتسرق زى كارفور المعادى؟؟

مساعده من اهل اسكندريه عن اماكن البيع في اسكندريه

كارفور اسكندريه

طارق اسماعيل

فى حد حاجز عند الطارق النصاب (طارق اسماعيل) فى الاسكندرية ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة