هل اللنوس عربية غير معمرة

**badblood** · 07-09-2009 11:26 PM

مدام بتحافظ على العربية تعيش 100 سنة

**tooltool123** · 08-09-2009 03:13 AM

يا جماعة انا معايا لانوس انا مش كاتب الموضوع دة عشان اقلل من العربية بس انا بقول اللي بيتقال في الاقسام التانية

انا عايز اقول حاجة بس ياريت تفهموني
انا شايف ان الانوس والكوري عمتا احسن من الاوروبي وهضربلك مثال نيجي مثلا نشوف عربيات اوروبي كانت بتنزل في سنة 95 ونشوف حالتها عاملة ازاي هنلاقي انها عشان ترجع عربية بحالتها هتصرف عاليها دم قلبك ومش هتلاقيلها قطع غيار

نيجي بقي نشوف عربيات كوري كانت بتنزل في الوقت دة زي الهيونداي اكسيل طبعا ممكن نلاقي حالتها تعبانة بس الفكرة صاحب العربية لو عايز يشد العربية كلها هتكلفوة كام ؟؟ هنلاقي كلام فاضي وكل حاجة هيلاقيها جديدة ومش هيتعب عشان يلاقي حاجتها

انا والله اعرف ناس معاهم عربيات اوروبي موديلات من 95 وانت طالع والعربيات مطلعة عينيهم لا بيلاقوا قطع غيار ولا عارفين يبيعوها

خلاصة الكلام انا راي الشخصي ان بدام احنا في مصر يبقي الكوري احسن من الاوروبي

**ahmad--ezzat** · 08-09-2009 03:17 AM

المشاركة الأصلية كتبت بواسطة mosmafa

معايا النوبيرا عاملة 170000 والحمد لله بحالة الزيرو
الصيانة والمراعية هتخلي العربية تعمر معاك اكتر مما تتصور
والصناعة الكوري نضيفة جدا

+111111111111111

الدايو كويس ومواتيرها حماره شغل (غير حجات تانيه :)) والعفشه كويسه بس كل دة لازمله صيانات اول بأول من اجلزياده عمر المكنه

**dr-mohamed** · 08-09-2009 03:53 AM

ربنا يبارك لك فيها يا ا ممدوح

بس بجد انت جبار ربنا يديك الصحة

ايه ده ؟؟؟؟؟؟؟؟؟

928 الف كيلو ؟؟؟؟؟؟؟؟؟؟؟؟؟؟

انت كنت مشغلها بالنفر مصر بغداد ولا ايه ؟؟؟؟؟؟؟؟؟؟؟؟؟

**mahmoudysf** · 08-09-2009 04:08 AM

السلام عليكم
اولا انا من ملاك الدايو (لانوس 97 )
اولا احب اننا كلنا نغير ثقافتنا فى نظرتنا للامور لانى بلاحظ اننا بنقيم العربيات على اساس امتلاكنا ليها
يعنى حد معاه اوربي يبقى مفيش بعد الاوربى ولو حد معاه يابانى يبقى هو الاول والاخير ونفس الشيء الكورى حتى الصينى اللي معاه عربيه صينى بيفكر بنفس الطريقة
لما نقارن عربية بتانية لازم تكون فعلا مقارنة منطقية عشان تدخل العقل مش على اساس تعصب وخلاص
يعنى لما نقول اليابانى فعلا اليابان ليها باع طويل فى انتاج السيارت وجودتها اعلى من الكوري بمراحل وده شيء مفروغ منه
لاكن كل واحد على اد ميزانيته يعنى انا فى الفئة السعريه اللي معايا لاقيت اللنوس انسب حاجه ممكن اجيبها
لانها باختصار عربيه فيه اوبشن معقول وشكل جميل بالنسبه ليه وكمان قطع غيار رخيصة واى ميكانيكى بيعرف يشتغل فيها يبقى كده الكورى او اللانوس بالتحديد انسب ليه من حيث الميزانية
لاكن لو انا دخلى اعلى شويتين كنت ممكن اركب يابانى واتحمل بقى تكلفة الصيانات والتشغيل
ملحوظة مهمة
حتت بقى حكاية ان الكوري مش معمر اى عربية بدون اهتما وصيانة لن تدوم مهما كان جنسيتها

**MMamdouh** · 08-09-2009 04:28 AM

المشاركة الأصلية كتبت بواسطة elakawy

اللهم صلي على النبي يا هندسة ... ربنا يزيد ويباركلك فيها ان شاء الله .

المشاركة الأصلية كتبت بواسطة cairo2005

ربنا يبارك لك فيها يا ا ممدوح

بس بجد انت جبار ربنا يديك الصحة

ايه ده ؟؟؟؟؟؟؟؟؟

928 الف كيلو ؟؟؟؟؟؟؟؟؟؟؟؟؟؟

انت كنت مشغلها بالنفر مصر بغداد ولا ايه ؟؟؟؟؟؟؟؟؟؟؟؟؟

المشاركة الأصلية كتبت بواسطة Ahmed20_08nubira

قلنا يا استاذ ممدوح عملت عمره موتور او حاجه؟

this is not my car

العربية دى جت لناصر noni67 فى مركز الخدمة بتاعة و صورهها عشان الكيلومترات العالية دى... و العربية كانت جاية تعمل صيانة عادية و معملتش عمرة حتى تاريخ الصورة

انا عربيتى عاملة 95 الف فقط

MMamdouh

**tooltool123** · 08-09-2009 05:58 AM

انا شايف ان بعد ما الياباني اسعاروة ولعت وزيادة كفاءة الكوري مبقاش قدام الناس غير الكوري

الكورولا بتبدا من 130 الف
السيفيك بتوصل ل 185 الف

فوق كدة الانوس تصميم ايطالي وموتور امريكي وصناعة كوري يعني عربية مش متكروتة زي الفيرنا مثلا برضة كوري عن كوري يفرق

**zocor742** · 08-09-2009 06:40 AM

انا اعرف واحد فاتح سوبر ماركت جنب البيت معاة باسات 2001 اللى السقف بتها عامل زى البومبية كدة
اكيد حضرتكم تعرفوا العربية دى وعرفين يعنى اية باسات وفولكس فاجن العربية عشان متهانة ومن ساعة ماجت اعتقد انها مش بيتعمل فيها حاجةا غير بيتحطلها بنزين العربية تشوفها تعيط عاليها وتشوفها ماشية بطلع اصوات من كل مكان
الموضوع مش محتاج كلام اى ماكينة مش هتعمر من غير صيانة

بس ليا استفسار كان نفسى اعرفة وافهمة صح
المقصودمن عمرة المتوراية
ان مثلا البلوك عتب والفتحةالبستم وسعت من فوق فا بيتخرط ويتوفقلة بساتم على قد القطر الجديد
ولا المقصود من العمرة تغيير طقم الشنبر
وهل فعلا اى عربية بعد فترة استعمال 10 او 15 سنة يعنى عدت 100 الف كبلو بتحتاج تغير طقم شنبر عشان بيكون خف وهل لما بيتغير بيعيش فترة زى الاولى ولا اقل
معلش هو سؤال ممكن يكون سازج وغريب
بس اللى انا فاهمة ان لو المكنة محتاجة شنبر ولا حاجة واهملت البلوك هيتبهدل يعنى الموضوع مرتبط ببعضة
واسمع ان المتور لو اتعملة عمرة لازم المكنة هدخن تانى وتتعمر تانى يعنى كل فترة هتعمر
وان الحل الوحيد الصح نغير المتور او نص ماتور اللى هو بدل البلوك البايظ بواحد سليم
وبردة ممكن يحتاج شنبر لو الشنبر اللى فية بيهرب زيت يعنى من الاخر الموضوع متوقف على البلوك والشنابر عشان حركة البساتم تكون مظبوطة ومفيش تهريب زيت ونقص ودخنة

معلش ياجماعة زى ما انتم شيفين ان مفهوم عمرة ماتور متلخبط فى دماغى
ومحتاج شوية ترتيب وتصحيح للكلام الخطأ عشان افهم الكلام صح
وطعا متعشم فيكم انا طلعت عن الموضوع بس لقيتها فرصة اسئلكم

-

-

الموضوع: هل اللنوس عربية غير معمرة

LinkBack

أدوات الموضوع

عرض

-

-

-

-

-

-

-

المواضيع المتشابهه

تفسى اركب عربية يابانى معمرة (نيسان تيدا ولا لنسر بومة)

هل مواتير ال سبيرانزا موتير معمرة

اكتر قطع غيار غير معمرة في اللانوس ؟

اللنوس اللى ب حساس شكمان و Egr و اللى بدون

هل قطع غيار البروتون معمرة

الكلمات الدلالية لهذا الموضوع

المفضلات

المفضلات

ضوابط المشاركة