الموضوع: انا متدمر ياجماعه حد يساعدنى

المشاركة الأصلية كتبت بواسطة cairo2005

وكان فيه حد من الاخوة قال انك تاخد ابوك او حد من قرايبك او شيخ البلد

اياك ثم اياك

ابوها هيصمم على رايه مهما عملت وهيرفض ويبقي كل اللى انت عملته انك قللت من قيمة ابوك او الحد المحترم اللي انت واخده معاك

واللى بيقول تكسب امها مش فاهم العقلية اللى اخونا بيتعامل معاها
ده راجل قبلي او فلاح متعصب ومش هيوافق مهما حصل

ولو وافق هايبقي زي ما احد الاخوة هنا قال هاتبقي الجواز غصب عنه وهاتبقي كلها مشاكل وتلاكيك ووجع دماغ والواحد بيتجوز عشان يستريح مش علشان يتعب نفسه

نصيحة اخوية والله ومن خلال تجارب ناس كتير انساها احسن لك وربنا هيرزقك باللي احسن منها في كل حاجة واهلها زي ما قلت يشيلوك من فوق الارض ولما تحصل مشكلة يبقوا معاك عليها واهلك يبقوا معاها عليك هي دي الاسر اللى بتعمر مش الاسر اللى بتبدا من اولها مشاكل وحرقة دم

وفي النهاية ربنا يكرمك للي فيه الخير

انا في اعتقادي انه لو اخد حد من قرايبه او شيخ كوسيط دي حاجة متقللش ابدا من قيمتهم لأن ده سعي في الخير...

ومن واقع تجارب شخصية مرت على اغلبنا...المشكلة مش بتكون في فشل مشروع الزواج فقط...ولكن بتكون المشكلة فيما يتبع ذلك من احساس بالتقصير في السعي وعدم بذل المجهود في سبيل الحفاظ على الإنسان الذي ارتبط به...والعلاج الوحيد لذلك الشعور القاتل هو كلمة واحدة حتى في حالة الفشل ألا وهي"انا مقصرتش في حاجة وبذلت كل ما في وسعي ولكنها ارادة ربنا".

حتى لو فشل والموضوع فاشل من اوله زي ما الأخوة تكرموا وقالوا بس لازم يبذل فيه اقصى جهده عشان ميحسش بالتقصير فيما بعد...


نقطة اخيرة...اخي وحبيبي في الله الغالي cairo2005...لي عليك (عتاب )-وليس زعل او ضيق والله- في كلمة "مش فاهم" اللي حضرتك علقت بيها على كلامي...
بس بجد والله انا حبيت افكر (بإيجابية) معاه وكان رأيي من واقع شغلي كطبيب ارياف اتعاملت مع العقول دي بشكل مباشر ومرت عليا مشاكل مشابهة وعارف تأثير الزوجات على ازواجهم خاصة في المواضيع دي بيبقى عامل ازاي

وفي الآخر نتمنى من الله التوفيق للخير والرضا بما قسمه لنا

المشاركة الأصلية كتبت بواسطة cairo2005

والله ما اقصد انى اقلل من فهم حضرتك ابدا ولا اقصد الاساءة اليك انت او اي اخ من الموجودين هنا واكيد فيكم اللى زيي واللي احسن مني مليون مرة واكيد انت احسن والحمد لله انها عتاب لان العتاب يكون بين الاخوة والاحباب واتمني ان تقبلني اخ لك وان احبك في الله وهي هفوة قلم ارجو ان تسامحني عليها

لا انا احسن ولا حاجة الله يبارك في عمرك
حضرتك من غير اي حاجة اخويا وحبيبي وربنا العالم وانا بصراحة حبيت اقصر الطريق بدل ما حد يتطوع ويرد على لساني ويقول ازاي تقول كده وبتاع...ويشعللها على الفاضي

وبجد ربنا يجازيك الف خير على موضوع الطفلة مريم وان شاء الله يكون في ميزان حسناتك ويجمعنا وكل المسلمين والأحباب في الجنة ان شاء الله