الرجاء الافادة بخصوص لمبة التشيك

**haredy** · 07-09-2009 08:40 AM

سيارتي دايو لانوس 1 موديل 2000 اول امبارح روحت للميكانيكي علشان ينظف الرشاشات لاني كنت بأستخدم بنزين 80 و رجعت تاني لبنزين 92 طلب مني cleaner & فلتر بنزين وقام الميكانيكي بفك مسطرة الرشاشات و طلع الرشاشات الاربعة و قعد ينظفهم بـ cleaner ثم ركبهم و غير الفلتر اه و نظف الانجكشن

المهم علشان مطولش عليكم امبارح و انا في اشارة مرور و مؤشر الحرارة كالعادة قبل المنتصف بقليل لقيت لمبة التشيك نورت استغربت بعد ما عديت الاشارة ركنت بالعربية قفلت الكونتاك و دورت تاني لقيت اللمبة اطفت و مشيت بعد كده و في اشارة مرور تانية و الطريق زحمة جدا لقيت لمبة التشيك نورت على الرغم ان مؤشر الحرارة قبل المنتصف و بلاحظ حرارة من ناحية الكرسي اليمين

انا مش عارف اه السبب هو الواحد يصلح حاجة و يبوظ حاجة

**elwad_crazy** · 07-09-2009 10:34 AM

الحراره شئ واللمبه التشيك شئ تانى

الحل الوحيد انك تروح تكشف على العربيه بالاسكانر
هوه ده هيجيبلك العيب فين بالظبط

**MMamdouh** · 07-09-2009 12:26 PM

المشاركة الأصلية كتبت بواسطة haredy

سيارتي دايو لانوس 1 موديل 2000 اول امبارح روحت للميكانيكي علشان ينظف الرشاشات لاني كنت بأستخدم بنزين 80 و رجعت تاني لبنزين 92 طلب مني cleaner & فلتر بنزين وقام الميكانيكي بفك مسطرة الرشاشات و طلع الرشاشات الاربعة و قعد ينظفهم بـ cleaner ثم ركبهم و غير الفلتر اه و نظف الانجكشن

كل اللى اتعمل دة هجس و اشتغالات... الرشاشات بتتنضف بماكينة الالترا سونيك فقط و مينفعش معاها لا كلينر ولا برسيل ولا اى حاجة

المهم علشان مطولش عليكم امبارح و انا في اشارة مرور و مؤشر الحرارة كالعادة قبل المنتصف بقليل لقيت لمبة التشيك نورت استغربت بعد ما عديت الاشارة ركنت بالعربية قفلت الكونتاك و دورت تاني لقيت اللمبة اطفت و مشيت بعد كده و في اشارة مرور تانية و الطريق زحمة جدا لقيت لمبة التشيك نورت على الرغم ان مؤشر الحرارة قبل المنتصف و بلاحظ حرارة من ناحية الكرسي اليمين

انا مش عارف اه السبب هو الواحد يصلح حاجة و يبوظ حاجة

الحرارة مله علاقة بالموضوع... طالما لمبة التشك نورت يبقى تحط العربية على سكانر عشان تعرف العيب كان ايه

MMamdouh

**MMamdouh** · 07-09-2009 05:12 PM

no

MMamdouh

**bondjames** · 07-09-2009 07:39 PM

ممكن تكون ال Map بتاعة العربية (صندوق بلاستيك إسود فى وش العربية خلف الموتور جنب رقم الشاسيه إتأكد إن الفيشة راكبة كويس و قد تحتاج تغييره - حصل فى الجولييت بتاعتى ينور و يطفى بمزاجه و تحس إن العربية متلتة - رحت للميكانيكى عنده سكانر - الصبى من غير إسكانر - جرب ماب مستعملة عنده - إختفى النور - وبعد كده لما الأسطى جه عمل إسكانر و كود العربية من جديد - وركب الإستيراد ب 250 جنيه