-
التكييف كلاكيت عاشر مرة
سلام عليكم شباب, كان ليا استفسار بخصوص التكييف و نوع الفريون ارجو من الخبراء انهم يفيدونى لأن بجد صنايعية مصر مش فاهمين حاجة, دلوقتى انا اعرف ازاى نوع الفريون اللازم للكباس, انا غيرت الكباس بواحد تانى استيراد, واللى باعهولى قالى انه بياخد 134 , و القديم كان 12, يحصل اية لو حطيت الفريون ده مكان ده, كمان انا لما غيرت الكباس مغيرتش حساس الضغط ولا اى حاجة, هل كان لازم اى حاجة تانية تتغير, مستنى الافادة و شكرا جزيلا
-
ما فيش مشكلة من تغير نوع الفريون
-
شكرا جزيلا للرد يا دكتر, بس معنى كدة انى ممكن استرخص و احط فريون 12 وميحصلش حاجة للكباس ؟؟؟
-
ايوه ينفع بس لازم تغير زيت الكباس من زيت 134 لزيت 12 و تنضف الدايره من الزيت القديم الأول و تبريد 12 اعلى و اسرع بكتير من تبريد المعفن 134
-
طنانى باشا, حضرتك متأكد من موضوع الزيت ده, الناس بتوع التكييف بيحطو اى زيت ومشوفتش عندهم نوعين من الزيت, ده مرة واحد شحنلى 12 ولما قلتلو الكباس بياخد 134 راح ساحب الفريون تانى و شحن من غير ميغير الزيت, وكان لسة حاطط زيت( الورشة دى بتاعة الصعيدى- يعنى المفروض انهم فاهمين و شاطرين)- كمان انا اول مرة اسمع موضوع ان تبريد ال12 احسن من ال134 ,طب امال يعنى اية كباس 12 و كباس 134 ؟؟؟
-
الفرق بين النوعين ان كباس 12 اقوى من كباس 134
و تغيير الزيت ده اساسى مش افتكاسة و اسأل اى حد و عدم تغيير نوع الزيت ممكن يخللى الكباس يقفش لأنه فريون 12 اتقل من 134 و على فكره زيت 12 رخيص و بتاع 134 غالى و فيه درجتين درجة 34 و درجة اعلى 68
و متأكد من كلامى بنسبة 100%
-
تبريد 12 اعلى لأن درجة انصهاره اقل بكتير من 134 يعنى تحوله من سائل الى غاز عن طريق الأكسبنشن اسهل و اسرع و بالتالى تبريد اعلى و اسأل حد بتاع تكييفات محترم و هما بطلوه عشان بيقولوا ليه اضرار على البيئة
-
ربنا يخليك يا باشا و ميحرمناش منك, اخر حاجة بقى متعرفليش صنايعى ابن حلال يكون فاهم ارحله يظبطلى التكييف ؟
-
-
فى المقطم يا عم الحج, فى معزل من الناس
-
اقرب حاجة ليك المعادي
في واحد كويس في شارع 77 اسمه طلعت هو راجل محترم، انا عملت عنده التكييف وبقالي شهر وكله تمام
-
-
باشمهندس احمد متعرفش حد يظبط لي تكييف اللانسر
انا في اول فيصل يعني الهرم وفيصل والجيزة سهل جدا ليا
-
يااخ خالد ماينفعش تحط فريون 134 فى كباس بياخد فريون ابدا انت كدة هاتبوظ الكباس ,
تانى حاجة حساس ضغط الفريون بتاع 134 اكبر من حساس 12 والسربنتينة مختلفة يبقى ازاى مغيرتوش
غير كدة اتفق مع باقى ااعضاء فى اجابتهم
-
استاذ سمسم, انا مش فاهم كويس والله الكلام كلة, كل سنة و حضرتك بخير اولا, انا حشرح لحضرتك الموقف وفهمنى اعمل اية, العربية سيفيك 93 ex , الكباس باظ او مجبتها, فجبت كباس استيراد بالقاعدة بتاعتة من واحد بتاع هوندا, و قالى انه 134 , مش 12 زى القديم, دلوقتى المشكلة اللى عندى ان الكباس بيفصل بسرعة اوى ومبيلحقش يسقع فى الحر , احط فريون 12 ولا اية .؟
-
اول: كل سنة وحضرتك طيب
الكباس لما بياخد فريون 134 لازم تتغير معاة السربنتينة عشان بيبقى فيها حساس ضغط الفريون مناسب لضغط الكباس ال134
لكن انت كدة مركب حساس 12 على كباس 134 زى مانت بتقول
ودة ممكن يكون بسبب عدم انتظام الكباس مع حساس ضغط الفريون
وعشان تعرف اذا كان عندك حساس السربنتينة 12 هتلاقية صغير عن حساس 134 ,وجرب تحط فريون 12 وتشوف الفرق وعلى فكرة فريون 12 احسن من فريون 134 الفرق بس فى المحافظة على البيئة لفريون 134
لكن فريون 12 اسرع واقوى فى برودة السيارة عن 134
-
طب هو حساس الضغط ده مكانه باين فى السربنتينة؟ ممكن يتشاف من برة؟ و لو كدة ممكن يتغير لوحده ولا لازم السربنتينة كلها ؟ وعايز كمان اجيب فلتر فريون بالمرة لأنى كدة كدة حفضى الفريون, اجيبة منين بالظبط, اسف على الاطالة و شكرا جزيلا
-
اة طبعا حساس الضغط باين وهتلاقية على اول السربنتينة من جهة اليمين اللى هى عند فانوس السيارة ,لو عند فيشة المروحة مغطية عليها هتلاقى الحساس تحتيها على طول ,وبيتم فكة عن طريق مفتاح انجليزى
حكاية قطع الغيار دية انزل الحرفيين وشوف لان بالذات قطع غيار التكيف غالية جدا ومبالغ فيها اوى
Content Relevant URLs by
vBSEO 3.6.0 PL2