اشتريت لانوس موديل 2003 هاف اوبشن العربية جميلة جدا وعجباني بس مش عارف ايه اللي المفروض أغيره وفين وبكام ومنتظر من وحوش الدايو نصيحة اعمل ايه علشان ابقي ماشي بالعربية مطمن باذن الله ومتشكر ليكم جميع مسبقا
عرض للطباعة
اشتريت لانوس موديل 2003 هاف اوبشن العربية جميلة جدا وعجباني بس مش عارف ايه اللي المفروض أغيره وفين وبكام ومنتظر من وحوش الدايو نصيحة اعمل ايه علشان ابقي ماشي بالعربية مطمن باذن الله ومتشكر ليكم جميع مسبقا
[marq="3;right;3;scroll"]مبروك [/marq]
لما تشترى عربية مستعملة تغير الاتى:
1- سير الكاتينة
2- شداد الكاتينة
و دول ضرورى و مفيش فيهم هزار لان لو السير او البلية قفشوا العربية حتجيب طقم صبابات
3- طلمبة مية
لو العربية معدية 80 الف كيلو او لاحظت تسريب مية او كانت البكرة تقيلة... الطلمبة لو قفشت حتقطع سير الكاتينة و تجيب صبابات
4- سير دينامو
5- سير تكييف
6- فلتر هوا
7- فلتر بنزين
8- بوجيهات
الحاجات دى مش حتعطلك لكن بما ان انت فاكك العربية عشان الكاتينة يبقى الاسهل تغيرهم فى ساعتها عشان توفر مصنعية التغيير فى المستقبل خصوصا انك مش عارف القطع دى اشتغلت
9-زيت موتور
10- فلتر زيت
نفس الكلام السابق بتاع السيور و الفلتر بس لان الزيت هو روح الموتور يبقى من الضرورى تغييرة لكى يطمئن قلبك
بالنسبة لتيل الفرامل الامامى فا دة حسب حالتة اللى حتبان من خلال الكشف علية و عمل رجلاش لفرامل ورا و يفضل عمل تربيط عفشة بالمرة
MMamdouh
الف مبروك
الف مبروك
الف شكر يا جماعة علي ردودكم
وشكر خاص للاستاذ/ محمد ممدوح وباذن الله هعمل الحاجات ده في اقرب وقت وانا ساكن في عين شمس لو حد من الزمرء يعرف ميكانيكي كويس قريب ياريت يقول لي
الف مبروك
:)
congratulation new daewoo club member
ايه احسن نوع سيور (كاتينة و تكييف ودينامو) وبكام ومنين معلش انا هغلس عليكم لحد ما اعرف
الف مبروك ياباشا
وربنا يبارك لك فيها
ويعطيك خيرها ويكفيك شرها
الف مبروك ياباشا
وربنا يبارك لك فيها
ويعطيك خيرها ويكفيك شرها
ألف مبروك
الف مبروك
الف مبروك
والاخوة مخلوش حاجة اقولها
الف مبروك على السياره...بعد عمل الصيانات اللى قال عليها استاذ ممدوح....روح بنزينه كويسه واغسلها جوة وبره وهاتلك فواحه نضيفه...وغطيها كل يوم لان الموضوع دة بيفرق جاااااامد فى الخدوش اللى بتظهر وربنا يباركلك فيها
متشكرا جدا جدا يا جماعة علي ردودكم الجميلة حقيقي انا سعيد جدا بان اكون عضو معاكم في منتدي الدايو
مبروك يا باشا ربنا يكرمك فيها ؟؟؟؟
هو لازم نغير طلمبة المياة و فلتر البنزين ان لسه مشترى لانوس2 غيرت كله حتى البوجيهات بس مغيرتش طلمبة المياة و فلتر البنزين وان عندى فلتر موجود على خط البنزين فى كبوت العربيه و الميكانيكى نضفه و قالى كويس هو فى فلتر تانى قبل طلمبة البنزين و عموما هما باكام مصنعيتهم كام
زي ما قال أ/ محمد ممدوح .... يفضل تغييرها لو العربيه عامله 80000 كم ..... لان لو قفشت بتجيب طقم صبابات ....
انا سألت في التوكيل عن موضوع طلمبه الميه .... لقيتهم بيغيروا طلمبه المياه كل 40000 كم مع تغيير سير الكاتينه و شداد الكاتينه و سير الدينامو و سير التكييف و بليه شداد التكييف .... يعني بيغيروها كل 40000 كم .
فلتر البنزين طالما سالك و نضيف يبقي متقلقش ....لو حبيت تغيره هوه ب 35 او 40 جنيه ....
مهم جدا تغيير فلتر الهواء لو حالته وحشه .
المصنعيه بالنسبه لتغيير طلمبه الميه ... معرفش الحقيقه .
شكر على الرد بس طلمبة المياة شغال كويس مفيش علامات تقولى امتى اغيرها وانا معرفش هى اخر مرة اتغيرت امتى والعربية عامل 130 الف كيلو موديل 2002 مش لو حصل فيها اى حاجة حرارة الموتور حترفع وساعتها اعرف ان فيه مشكلة بس حرارة الموتور مازادتش التلت الاول يبقى التبريد كويس