فكترا موديل 2000 هتعيش اكتر من كده ولا لأ ؟؟

السلام عليكم


كل عام وانتم جميعا بخير

انا ناوى اشترى عربية وبفكر جديا فى الأوبل فكترا 1600 سى سى موديل 99 او 2000

بس مش عارف بسمع كلام كتير مش حلو على الأوبل وانها عربية مش حلوة وحتى فى ألمانيا العربية دى من احقر العربيات هناك ومحدش بيكربها

بالإضافة انها بتسخن عشان جو مصر كل سنة اكتر حر من السنة اللى قبلها

وان العربية دى عمرها الإفتراضى مش كتير

ايه رأيكم يا اهل الخبرة فى الكلام ده ؟

يعنى قدامى عربية موديل 2000 وهى 1600 سى سى رشة بره بس كاملة مانوال عاملة 58 ألف اجيبها ولا ال 58 الف دول اجيب بيهم مثلا اوكتافيا موديل 98 مثلا ؟؟؟؟

وجزاكم الله خير على النصيحة

وعليكم السلام ورحمه الله

لا طبعا الاوبل عربيه ممتازه وبالذات الموديل اللي انت محدده فيه موتور ما شاء الله عليه . العربيه دي عائليه ذات طابع رياضي- في الشكل برستيجها عالي -حماله اسيه وتستحمل البهدله -في السفر راحه وثبات عالي جدا - قطع غيار متوفره الماني و برازيلي وتايواني وحتي مصري -كماليات كتيره جدا ويكفي انها حاصله علي افضل سياره تصنع خارج المانيا عن طريق الوكيل في مصر - العمر الافتراضي لاي عربيه مرهون بطريقه استخدامك لها وصيانتها الدوريه ونوعيه قطع الغيار- بالنسبه للسخونيه فالالماني كله مصنع علشان يشتغل علي درجه حراره عاليه لتحسين عمليه الاحتراق ووفر البنزين حتي الاوكتافيا اللي انت بتقارن بيها بتسخن واسال اي حد راكب مرسيدس عن الحراره عنده . واطمنك ان الالمان عاملين حساب كل حاجه للحراره من اول دوره الميه المغلقه والمراوح وحتي الخامات المستخدمه في حوض الموتور صنعت لتقاوم الحراره -مش هتكلم معاك عن الاوكتافيا لاني ما جربتهاش قبل كده بس لما تعلي بالموديل يكون افضل وربنا يوفقك ان شاء الله .

لا طبعا هى عربية محترمة جدا وركوبة وثبات عالى جدا وكمليات كتير وفخامة
واللى بيقولك كدة دة ميعرفش اى حاجة عن الاوبل
وانا خالى عايش فى المانيا وهو و ابنة مش بيركبوا غير فى المانيا اوبل فيكترا وبيقلى من احلى العربيات اللى نزلت عندنا ومشهورة جداا طبعا عندهم

أوبل باعت السنادى 180 ألف عربية فى ألمانيا بس
بى إم باعت 118 ألف عربية فى العالم
إيه رأيك بقى

إوعي تفكر تشتريها..أنا ركبت 3 أوبل..واحدة كورسا 94 و فيكترا 97 و فيكترا 99...والتلاته طلعوت عين أهلي...الكورسا يمكن كانت هي أحسنهم.و بيعتها عشان صغيرة..الفيكترا دي موااااااااال تاني بقي..سخونة تلاقي.تكييف زي الزفت تلاقي ( إنت لو مشيت في شارع في 100 عربية فيكترا هتلاقي 10 قافلين الشبابيك و مشغلين التكييف والباقي فاتح شباكه في عز الحر و بيسيح جوة العربية) عفشة ناشفة زيادة عن اللزوم تلاقي.أعطال سخيفة لا تتوقعها بتحصل معاك تلاقي...أنا موجوع من العربية دي جدا..صرفت عليها دم قلبي و كله في الأرض.

- أنا راكب دلوقتي أوكتافيا موديل 98 كاملة منوال بفتحة السقف..الشهادة لله عربية أرفع القبعة لصانعيها..وأحب أقول كلمة لأي حد ميعرفش في الأكتافيا..أولا حضرتك هتسمع كلام كتير عليها ملوش أساس من الصحة.زي إنها بتسخن ( الحرارة مبتعلاش عن الـ90 نهائيا سواء مشغل التكييف أو فاصله ) و إن الفتيس بتاعها بيبوظ بسرعة ( ده إفتراء علي العربية خاصة إنه فتيس باسات نفس الموديل ) زي إنها مبتسحبش ( تسارع العربية من 0-100 في 11 ثانية وسرعتها القصوي 215كم/س) زي إنها مش ثابته زي الأوبل ( الأوكتافيا 1700 كجم في حين الأوبل 1450 كجم تقريبا...الأوكتافيا سهم موجه علي الأرض و أنا بأخد بيها ملفات علي 170كم ولا بحس بيها ).

- الأوكتافيا تكييفها تلاجة ( لو بلليل عملته علي 2 ممكن يجيلك برد ).

الخلاصة...توكل علي الله و خلص في أوكتافيا و هتدعيلي..دي نصيحة العبد لله اللي مجرب دي و دي...أوكتافيا يعني ثبات,,راحة,,هدوء تام علي الطريق,,, عزل جيد جدا,,,تكييف تماااااام.

- أهم و أكبر ميزة...كل حاجة فيها عليها علامة أودي و سيات و فولكس فاجن.

أنا آسف علي الإطالة و يا رب أكون لحقتك قبل ما تندم علي إختيارك للأوبل.

ياباشا التلاته الاوبل اللى ركبتهم كانو هلكانين وطالع عينهم ده مش زنب الشركة ده زنبك انت اشتريت عربيات مش نضيفة يعنى اتضحك عليك
يبقى الاوبل ماله
انت ركبت اوكتافيا نضيفة مثلا لازم تكون مريحاك
اى عربيه مهما كانت فئتها لو نضيفة هتريحك ودى حاجة معروفة
حتى لو فيات او لادا
وبعدين التكييف ده منعرفش ادائه بالليل
اى عربيه نضيف تكييفها بالليل يجيب برد
انا معايا استرا بشغل التكييف على 1 بالليل شئ عادى يعنى
وبعدين انت بتعيب كمان فى ثبات الفيكترا؟؟؟؟؟؟!!!!
انت غريب ياهانى هههههههههه

بص ياباشا اولا انا تعاملت مع العربيتين

اولا خلينا نتفق على ان مفيش عربية بدون عيوب وكل مقلت العيوب زاد السعر الذى هو فى حد زاتة عيب
الفكترا عربية جميلة كثبات عالى جدا بصراحة انقزتنى من منحنيات كتير لا تستطيع اى عربية تحملها الا الفئات العلية من السيارات
ثانيا تعالة نتفق على حاجة حالة العربية هى المقياس المحدد ومدام هتحب تركب المانى تبقا تدور على الحالة لان الالمانى غالى وليس فى قطغ غيارة ولكن تكمن غلوة فى الايدى العاملة الجيدة التى تستطيع العمل فى العربية لذالك الحالة هنا هى الجودة فى الاستخدام يعنى لو سعتك جبت اوكتفيا حلتها ليسة جيدة هتشوف ايام سودة ونفس الموضوع مع الفكترا انا هكلمك عن تجربتى مع العربيتين

اولا موضوع السخونة انا عندى مثلا الحرارة العادى 90 اقل بحاجة بسيطة مع التكيف بتقل الى 85 هى يوضح لك ان دورة التبريد وانظمة المراوح جيدة جدا لذالك عند شرائى لهذة السيارة حرصت على الحالة للعربية وجبتها حالة نادرة عشان كدة بقالى سنتين ونص مفتحتش فيها الا اول لما جبتها الصيانة العامة للمتور والعفشة تغير بعض الحجات الدرورية وطبعا انا من ذو السرعات العلية ولبس المطبات والحفر والسفر المستمر وعملت ما يقرب الى 50 الف كيلو او اذيد شوية عربية جميلة وعلى فكرة التكيف عندى ثلاجة والحمد اللة
حكايت التكيف دية بسبب انك لازم تهتم بالعربية وتجبلها القطع الاصلية لضمان الاستمرارية وللاسف راغبى بيع هذة السيارة من من عانة من هذة السيارة بسبب استخدام من سبقوة محدش بيبيع عربية مريحة ابدا الا فى اضيق الحدود وبيديها لحد قريب منة

نجى للسكوداء اولا عربية جميلة واريح فى الكراسى جدا عن الفكتراء
لكن احد عيبها الفتيس لانة نازل بعيب وعلى فكرة a4 نزلة بمتورين
متور البورة ودة موديل التسعينات والمتور الثانى متور البست وطبعا نحن نعلم تكلفة صيانة هذا المتور لكن هى عربية جميلة وشيك وانا بعتبرها توازى الفكتراء من حيث الفئة السعرية انا بحب الوكتفيا جدا وهى رائعة الجمال والروعة بس المهم انك تجيب عربية حالة متميزة لتستمتع بالعربية
وفى نهاية حديثى هى ازواق انا اخترت الفكترا مثلا لانها عجبتنى ولاجل الحالة عربيت واحد جارى وانا عرفة ارجو ان تتأنا فى الاختيار

- نشوب العيوب :

1- تسارع العربية مش مرضي بالشكل المطلوب.
2- المساعدين اللي وره ناشفين شوية.
3- مساحة الكنبة الخلفية ضيقة.
4- النقلات بتاعة الفتيس تقيلة شوية.
5- العربية مش ناعمة طبعا زي الياباني.
6- العربية واطية وساعات كتير بتحك مني في المطبات.
7- الأبواب الخلفيه بيطلع منها صوت مستفز جدا و حاولت أعالجه معرفتش.
8- مساحات التخزين قليلة.

....* حضرتك كتبت العيوب ال8 السابقين للاوكتافيا a4 بخط ايدك في موضوع بعنوان
تقييمي للاوكتافياa4 بتاريخ 18-7-2009
واحب ازودعليهم ؛
1-استهلاكها للبنزين عالي وبالذات في الاوتو ماتيك منها لانه 4 نقلات فقط
2-مافيهاش abs وحضرتك قلت في مداخله ان عربيتك شخصيا من غير abs
3-طلعه العربيه تقيله جدا لان وزنها زي ما حضرتك قلت 1700 ك
4-العربيه ما فيهاش كنسول امامي
5-التابلوه شكله مش عصري ( قديم )
6-اماكن التخزين قليله حتي انك تحتا تحط موبايلك فين
7-الغيار التالت تقيل في المانوال
8-فرش ووتر بروف مشابه للفيليشيا

....*انا قبل ما ارد علي حضرتك دخلت قسم اوكتافيا وجبت المعلومات السابقه اللي جزء منها بخط ايدك
وانا مش بحجر علي رايك اطلاقا ولكن كل عربيه فيها مزايا وعيوب وحضرتك امطرتنا بوابل من العيوب كان العربيه دي مصنعه في الصين وما ذكرتش اي مزايا . انما النقد البناء هو اللي بيوضح المزايا وبيوضح العيوب واهلا بيك في قسم الاوبل .

اقتباس:

---

المشاركة الأصلية كتبت بواسطة inspiron

إوعي تفكر تشتريها..أنا ركبت 3 أوبل..واحدة كورسا 94 و فيكترا 97 و فيكترا 99...والتلاته طلعوت عين أهلي...الكورسا يمكن كانت هي أحسنهم.و بيعتها عشان صغيرة..الفيكترا دي موااااااااال تاني بقي..سخونة تلاقي.تكييف زي الزفت تلاقي ( إنت لو مشيت في شارع في 100 عربية فيكترا هتلاقي 10 قافلين الشبابيك و مشغلين التكييف والباقي فاتح شباكه في عز الحر و بيسيح جوة العربية) عفشة ناشفة زيادة عن اللزوم تلاقي.أعطال سخيفة لا تتوقعها بتحصل معاك تلاقي...أنا موجوع من العربية دي جدا..صرفت عليها دم قلبي و كله في الأرض.

- أنا راكب دلوقتي أوكتافيا موديل 98 كاملة منوال بفتحة السقف..الشهادة لله عربية أرفع القبعة لصانعيها..وأحب أقول كلمة لأي حد ميعرفش في الأكتافيا..أولا حضرتك هتسمع كلام كتير عليها ملوش أساس من الصحة.زي إنها بتسخن ( الحرارة مبتعلاش عن الـ90 نهائيا سواء مشغل التكييف أو فاصله ) و إن الفتيس بتاعها بيبوظ بسرعة ( ده إفتراء علي العربية خاصة إنه فتيس باسات نفس الموديل ) زي إنها مبتسحبش ( تسارع العربية من 0-100 في 11 ثانية وسرعتها القصوي 215كم/س) زي إنها مش ثابته زي الأوبل ( الأوكتافيا 1700 كجم في حين الأوبل 1450 كجم تقريبا...الأوكتافيا سهم موجه علي الأرض و أنا بأخد بيها ملفات علي 170كم ولا بحس بيها ).

- الأوكتافيا تكييفها تلاجة ( لو بلليل عملته علي 2 ممكن يجيلك برد ).

الخلاصة...توكل علي الله و خلص في أوكتافيا و هتدعيلي..دي نصيحة العبد لله اللي مجرب دي و دي...أوكتافيا يعني ثبات,,راحة,,هدوء تام علي الطريق,,, عزل جيد جدا,,,تكييف تماااااام.

- أهم و أكبر ميزة...كل حاجة فيها عليها علامة أودي و سيات و فولكس فاجن.

أنا آسف علي الإطالة و يا رب أكون لحقتك قبل ما تندم علي إختيارك للأوبل.

---

مدام الفكترا مضايقاك اوى كدة جبت منها اتنين لية؟
عموما واضح من كلامك ان حالة العربيات كانت سيئة او استخدامك ليهم كان سئ لأسباب كتير
- سخونة تلاقي == الموضوع دة اتكلمنا فية مرارا وتكرارا ووضحنا ان دة الطبيعى بتاعها فى رينج 90 ولو العربية مظبوطة مش هتعدى 90 او 92 بالكتير بأى حال من الاحوال ايا كان حالة الجو سواء بالتكييف او من غير والعربية لحد 98 متقلقش منها وهى عمرها مهتوصل لكدة
القسم هنا مليان فكترا من موديلات مختلفة اسأل كام واحد عندة مشكلة سخونة ازلية فى العربية والسخونية دى بوظت حاجة فى العربية ولا لأ .. بتقول الاوكتافيا مش بتعدى ال 90 يعنى نفس الكلام وزى ماقلنا قبل كدة العربيات دى متصممة لكدة يعنى مثلا لو حد مش عارف العربية وواخد على اليابانى او الكورى مثلا وركب سواء الاوكتافيا او الفكترا هيقول العربية مولعة

- تكييف زي الزفت تلاقي == تكييف الفكترا من التكييفات المظلومة فى بلدنا اظبط التكييف صح وشوفة زفت ولا لأ , لو تكييف العربية مظبوط تلاجة بمعنى الكلمة .. صلحة عند حد بيفهم ومش عكاك واتأكد من الحاجة البايظة بنفسك قبل ماتغير فى صنايعية كتير بيعملوا شغل وفى الاخر يقولك اصل العربية فيها وفيها
مع واحد قريبى الانترا 2008 عاملة 30000 لو هنقارن بين تكييف الفكترا والاتنرا (هيونداى يعنى كورى يعنى زى مالناس بتقول تكييف الاوروبى مش زى الكورى واليابانى) وبدون تحيز تكييف الفكترا

- عفشة ناشفة زيادة عن اللزوم تلاقي == انت بتقارن باية ؟؟ اليابانى؟؟ كل الالمانى مش بنعومة اليابانى بما فيهم الاوكتافيا .. العربية مش ناشفى للدرجة اللى بتتكلم عليها انا ركبت bmw 94 تقريبا نفس الوضع الفرق مش كبير , الصنى 2008 والعربية جديدة واهى يابانى وعفشتها ناشفة برتاح فى الفكترا اكتر , اوكتافيا 2006 نفس الوضع تقريبا بردة مش فرق السما والارض كلهم فروق بسيطة بينهم كل واحدة حسب تصميمها .. لو هتحط كورولا 2007 مثلا جنبهم وتقارن يبقى الكورولا طبعا انعم منهم كلها وبفرق بس فى المقابل مفيش اى ميزة تانية لو هتقارن بالفكترا او الاوكتافيا او ال bmw

- أعطال سخيفة لا تتوقعها بتحصل معاك تلاقي== نفس الكلام الفكترا هنا كتير كل واحد يقول المواقف السخيفة اللى قابلتة !
بس بالامانة حافظ على العربية دى ومتهنهاش وهتلاقى عربية اصيلة ومش هتكسفك
عيبها ان التوكيل ربنا يهدية والصنايعية بيحبوا يفتوا ويشغلوا دماغهم كتير + قطع الغيار المضروبة = كل المشاكل اللى الناس بتقولها

اقتباس:

---

زي إنها مش ثابته زي الأوبل ( الأوكتافيا 1700 كجم في حين الأوبل 1450 كجم تقريبا

---

اسحالة دة وزن الاوكتافيا فاضية!!! اومال الباسات كام؟!! ولو الاوكتافيا محملة هتوصل كام ؟ وال 1.6 لسة موجود؟؟
عموما ثبات العربية مش وزن وبس دة ابعاد وتصميم وتصميم العفشة
بس بالامانة ودة كان كلام واحد كان معاة استرا 1.2 واوكتافيا a4 والاوكتافيا كانت زيرو .. الاسترا اثبت واحسن


عموما دة رأيك فى العربية وانت حر انا وضحتلك بس شوية حاجات على العربية والحمد للة ربنا وفقك وجبت العربية اللى مرتاحلها

بص طبعا مفيش كلام بعد ما الرجالة عملوا الواجب
بص اهم حاجة فى العربية هى الحالة بتفرق من عربية الى عربية

العربية الحمد لله عمرها ما عدت ال 90 منى "درجة الحرارة "

انا حقول علي كام حاجه كده عن الفيكترا الي معايا اولا التكيف فعلا ساقع اوي الحمد لله انا باليل بشغله علي واحد لاني بتعب منه للعلم انا جسمي بيسخن جدا و مش بعرف اخد نفسي لو حران
انا كنت في القاهره من شهر الجو مكنش ينفع و كنت عادي جدا

حكايه السخوونه ديه لو الرادياتير مش متظبط حتكون دايما عاليه انا عندي في عز الحر 90 92 لو بالتكيف بتقل عن كده و عربيتي


طبعا مش حتكلم عن الثبات خالصصصصصصصصصصصصصصصصصصصصصص صصصصصصصصصصصصصصصصصصصصص


مش محتاجه الناس كلها عارفه الاوبل

الوكتافيا دي بقي موضوع تاني عشان تركب ال a4معلش لازم تكون موديل حديث شويه
عشان الولا القديم شكلها من جوه وحش اوي اوي اوي
و بعدين انا كان معي واحد صاحبي a4 قديمه كانت قرفاه فعلا
يعني سواء اوبل اوكتفيا اي عربيه مستعمله ياما نضيفه و مش متهانه يا اما لاش


بس برضو الوكتافيا جميله اوي انا بحبها بس زي مبقولك تجيبها موديل حديث لان ششكل التابلوه القديم وحشششششششش

انا شايف ان العربية دى مش معمرة على الاقل شكلا مفيش عربية اوبل 98 99 2000 شوفتها شده حيلها كل العربيات فى الشوارع متفرتكه حتقولى عيب استخدام ده لما يكون العكس الغب العربيات ممتاز والبعض مهلوك نتيجة الاستخدام لكن النسبة الى بشوفها فى الشوارع لاتتعدى 2 % من عدد الاوبل حالته نظيفة وانا بتكلم عن الشكل العام الخارجى

اقتباس:

---

المشاركة الأصلية كتبت بواسطة hossamdoaaaa

انا شايف ان العربية دى مش معمرة على الاقل شكلا مفيش عربية اوبل 98 99 2000 شوفتها شده حيلها كل العربيات فى الشوارع متفرتكه حتقولى عيب استخدام ده لما يكون العكس الغب العربيات ممتاز والبعض مهلوك نتيجة الاستخدام لكن النسبة الى بشوفها فى الشوارع لاتتعدى 2 % من عدد الاوبل حالته نظيفة وانا بتكلم عن الشكل العام الخارجى

---

العربية دى بدأت من 96 يعنى فى عربيات منها بقالها 13 سنة فى شوارع مصر ومش كل الناس بتحافظ على عربياتها ..
انا بشوف منها متهان بمعنى الكلمة وفى منها نضيف على الاقل من برة بس النسبة مش 2% يعنى .. قارن بين عمرها واشكال العربيات اللى بتشوفها وقارن بينها وبين عربيات جيلها وشوف الحالات عاملة ازاى
مشكلتها اكصداماتها اى خبطة هتلاقية ريح شوية وقطع غيارها الاصلية غالية(بالنسبة للاكسسوارات الخارجية ) انما كصاج وتحمل موضوع تانى شوف فردة الصاج بتاعها بعد العمر دة كلة وعربيات جيلها عاملة ازاى
غير كدة شوف لما بتيقى نضيفة بيبقى شكلها عامل ازاى

أنا مش هقول غير إني كنت مشتري الفيكترا الـ 99 كانت عاملة 100000 كم .. وأنا مش مفتري عليها.هي فعلا طلعت عيني.و كل معارفي اللي راكبينها بيشتكوا نفس الشكاوي.أما بقي بالنسبة لتقييمي المقتبس في رد العضو اللي أخده وجابوا هنا.أحب أقوله إن ده كان تقييم سريع أول ما جبت العربية.يا ريت تتعب نفسك شوية و تدور علي باقي مواضيعي اللي عاملها عن العربية و تشوف بنفسك بعد ما إستعملتها فترة و عرفت الفرق.وبالنسبة لموضوع شكلها من جوة وحش أوي أوي أوي ..ممكن أرد و أقول ((لااااا تعليييق))..أما حكاية طلعة العربية تقيلة جدا..بصراحة أنا مش شايف إنها طلعت عربية مقطورة.ده غير إن الفيكترا الـ1600 طلعتها تقيله.وبالنسبة للثبات أنا متكلمتش عن ثبات الأوبل و معروف إن الأوبل ثابته.لكن الأوكتافيا أثبت و ده عن تجربة للعربيتين.وبالنسبة لتكييف الأوبل اللي بيتقال عنه إنه تمام و زي التلاجة..جايز..ممكن تبقي حظوظ بقي..لأن أنا غيرت الكومبرسور و الكباس والمروحة و الشحن..وبعد 4 شهور مات.بعد ما صرفت علي صيانة التكييف ده في التوكيل مرة و في دافيا مرة ما يقرب الـ8000 جنيه.

- بالنسبة لموضوع الفتيس في الأكتافيا وإنه في عيوب و تقيل ((لا تعليق)) إلا إذا كانت عربيتي مغيره فتيس وأنا معرفش بقي.

- بالنسبة للفرق في الكماليات ما بين الفيكترا و الأوكتافيا ..طبعا معروف الفرق لصالح مين بدون تحيز.

- بالنسبة للجودة والخامات في العربيتين والتقفيل..طبعا معروف دي متقفلة فين و دي فين.

- بالنسبة لسعر إعادة البيع للعربيتين طبعا معروف المقارنة لصالح مين.

خلصت كلامي..شكراااااا. و متزعلوش الأوبل دي أحسن عربية ألماني علي مر التاريخ.والأوكتافيا دي يعععع

حبيت أضيف كمان اللينكات دي....

YouTube - Opel Vectra B 1.6 16V 0-180kmh


YouTube - Acceleration Octavia 1.6 74kW 0 - 100 km/h

http://www.youtube.com/watch?v=JIzd8...eature=related

اولا السرعة والتجميع بصراحة فى صالح الاوبل بلاء تحيز انا جريت معها كتير بصراحة بصقت الثانى بتبقا وراية بشوية محترمة اوى بالنسبة للثبات الاوبل اعلى بردة وبدون تحيز دة لا يمنع ان الاوكتفيا ثبتها رائع
ثالثا الخامات يراجل الاوبل كفاية الطبلوة بتعها جلد طبيعى الطبلوة كلة ومسند اليد جلد طبيعى انت بتتكلم فى اة ياراجل ياطيب لكن الاوكتفيا افضل فى الصلون اريح بصراحة الاوبل الاعدة بتعتها صحية نشفة

والله يا تامر انت راجل محترم و مقنع بس الراجل شكله داخل افش ومش طايق كلمه من حد




مع انا كلنا قلنا الوكتافيا حلوه بس بنقارن في حاجات بسيطه

اقتباس:

---

المشاركة الأصلية كتبت بواسطة inspiron

أنا مش هقول غير إني كنت مشتري الفيكترا الـ 99 كانت عاملة 100000 كم .. .

---

العربية مش بعداد الكيلومتر
- العربية استخدام
- فى عدادات كتير بتتضرب , انا شوف استرا عدادها 38000 وموتورها غرقان زيت من برة . هل دة عيب العربية؟
الامثلة فى موضوع العدادات دى كتيرة لو عايز احكيلك
فى عربيات فكترا عاملة ضعف العداد اللى بتقول علية واكتر كمان ومفهاش المشاكل اللى بتقول عليها

اقتباس:

---

وأنا مش مفتري عليها.هي فعلا طلعت عيني.و كل معارفي اللي راكبينها بيشتكوا نفس الشكاوي

---

طيب وكل العربيات الفكترا اللى هنا مش بتشتكى نفس الشكاوى لية ومادام عربية تعبانة وكل معارفك مجربينها جبتها مرتين لية وجبت كورسا كمان يعنى 3 عربيات اوبل .. الواحد مش بيرمى فلوسة !

اقتباس:

---

أما بقي بالنسبة لتقييمي المقتبس في رد العضو اللي أخده وجابوا هنا.أحب أقوله إن ده كان تقييم سريع أول ما جبت العربية.يا ريت تتعب نفسك شوية و تدور علي باقي مواضيعي اللي عاملها عن العربية و تشوف بنفسك بعد ما إستعملتها فترة و عرفت الفرق.وبالنسبة لموضوع شكلها من جوة وحش أوي أوي أوي ..ممكن أرد و أقول ((لااااا تعليييق))..أما حكاية طلعة العربية تقيلة جدا..بصراحة أنا مش شايف إنها طلعت عربية مقطورة.ده غير إن الفيكترا الـ1600 طلعتها تقيله

---

بالنسبة لموضوع التقييم السريع معظم كلامك حاجات فى شكل العربية (ضيقة , شكل الصالون ... ) ومش قادر افهم هتفرق فى اية بعد ماستعملتها فترة ! العربية شكلها مش هيتغير !!
وبعدين معلش يعنى انت بتقارن بأسوأ موديل فى الاوكتافيا 98 (كشكل لأن انا جربت 2006 عربية محترمة بس مجربتش 98 واكيد 2006 افضل)
العربية من برة ابعادها مش متناسقة الصالون ضيق جدا مقابل شنطة واسعة جدا جدا !! الصالون شكلة قديم جدا وسئ (موديل 98)
الاوكتافيا 2006 صالونها من ورا ضيق ( بالمناسبة صالون ال 98 اضيق)

سواء الفكترا 1.6 او الاوكتافيا 1.6 الاتنين طلعتهم تقيلة واصلا الالمانى ميتركبش تحت 2.0 علشان تحس بقوة الموتور

اقتباس:

---

وبالنسبة للثبات أنا متكلمتش عن ثبات الأوبل و معروف إن الأوبل ثابته.لكن الأوكتافيا أثبت و ده عن تجربة للعربيتين

---

انا قلتلك عن تجربة واحد معاة استرا 2001 واوكتافيا A4 .. الاسترا اثبت
واكيد لما الاسترا اثبت يبقى الفكترا اثبت من الاتنين

اقتباس:

---

وبالنسبة لتكييف الأوبل اللي بيتقال عنه إنه تمام و زي التلاجة..جايز..ممكن تبقي حظوظ بقي..لأن أنا غيرت الكومبرسور و الكباس والمروحة و الشحن..وبعد 4 شهور مات.بعد ما صرفت علي صيانة التكييف ده في التوكيل مرة و في دافيا مرة ما يقرب الـ8000 جنيه.

---

جايز .. بس مش غريب عربية عاملة 100000 ومش متهانة وفيها دة كلة !!
خلى بالك بغض النظر عن نوع العربية فانت بتتكلم على عربية المانى مش صينى!!

هى شكلها حظوظ زى ماقلت!!

اقتباس:

---

- بالنسبة للفرق في الكماليات ما بين الفيكترا و الأوكتافيا ..طبعا معروف الفرق لصالح مين بدون تحيز.

---

ال 2006 ال 1.6 كان الفرق كمبيوتر لحساب استهلاك البنزين بس (واعتقد بس مش متأكد ومش فاكر اوى كانت باور كهربا)
كمبيوتر حساب استهلاك البنزين وكمبيوتر اعطال موجود فى ال cdx المصرى وبينزل فى عربيات 1.6 و 2.0 بس جاية من برة ولو قصدك علشان فتحة السقف نفس الكلام بردة والاسهل من دة كلة انزل افتحها فى الحرفيين اسهل.. مش اختراع يعنى!!

اقتباس:

---

- بالنسبة للجودة والخامات في العربيتين والتقفيل..طبعا معروف دي متقفلة فين و دي فين.

---

الاوكتافيا بصراحة معرفش
الفكترا فى منها تقفيل مصرى بس على فكرة مش دة مصنع الشركة الام يعنى هى بتتقفل برة بردة وافتكر على حسب ذاكرتى ان منصور اخد فى سنة من السنين احسن تقفيل للفكترا
بالمناسبة كل العربيات التقفيل المصرى بكافة انواعها فيها عيوب تقفيل
جودة الخامات.. لا تعليق!! ... ممكن يكون فى فرش الباب انما باقى الصالون لأ

اقتباس:

---

- بالنسبة لسعر إعادة البيع للعربيتين طبعا معروف المقارنة لصالح مين.

---

بلاش موضوع سعر اعادة البيع اوى وبالذات فى مصر لأن فى عربيات هتتحط فى مكان مش مكانها والامثلة كتير , كلنا عارفين ان السوق ماشى بالاشاعات والموضة
بالمناسبة سوق الاوكتافيا 98 غير ال الاوكتافيا facelift

اقتباس:

---

و متزعلوش الأوبل دي أحسن عربية ألماني علي مر التاريخ.والأوكتافيا دي يعععع

---

بصراحة مش عارف انت واخد الموضوع على نفسك اوى ومضايق نفسك لية مع اننا بنتكلم على شوية صاج وقت لما بنزهق منة بنرمية ونجيب غيرة !!!! سبق وقلتلك "والحمد للة ربنا وفقك وجبت العربية اللى مرتاحلها "


بالنسبة للكليبات اللى انت باعتها واللى مشوفتهاش انا ممكن اجيبلك كليبات فرنا 1.6 تقطع الاتنين !!

انا خالى فعلا كان معاه استرا 1200 بعها بس بعد ما فضلت معاه كزا سنة
واشترى اوكتافيا مطولتش معاه مكملتش سنة وبعها هى كمان بسبب الكنبه الخلفية الضيقة اوى وكمان الكبوت طويل زياده عن اللزوم
وقال ان الاسترا اثبت منها كمان
على فكره اوكتافيا 2008وكانت مانيوال لان مفيش 2008 اوتوماتيك على حد علمى

الأفضل إني مجيش قسم أوبل ده تاني.لأن طبعا زي ما قولت الأوكتافيا عربية زبالة و مينفعش تيجي سيرتها في قسم الأوبل اللي هي أحسن عربية في العالم و خرافية و جودتها عالية و أثبت من الدبابة.إنما الأوكتافيا دي زبالة و ضيقة جدا و سيئة جدا جدا.إفففف قال أوكتافيا قال...آه نسيت أقول حاجة.أنا كنت لسة مسافر النهاردة إسكندرية و معايا 4 في العربية أقصر واحد فيهم طوله 176 سم.العربية ضيقة جدا.من كتر ما هي ضيقة كان كله قاعد براحته.والعربية تقيلة جدا و مش بتسحب زي الأوبل.حتي كنت محمل الحمولة دي والشنطة علي آخرها و التكييف متقفلش لحظة و مش عارف ليه مش راضية تزيد عن 210 كم/س...تحيا أوبل و تسقط أوكتافيا.:Ta_clap[1]: سلام يا رجالة..شكرا علي إستضافتكم

اقتباس:

---

المشاركة الأصلية كتبت بواسطة inspiron

الأفضل إني مجيش قسم أوبل ده تاني.لأن طبعا زي ما قولت الأوكتافيا عربية زبالة و مينفعش تيجي سيرتها في قسم الأوبل اللي هي أحسن عربية في العالم و خرافية و جودتها عالية و أثبت من الدبابة.إنما الأوكتافيا دي زبالة و ضيقة جدا و سيئة جدا جدا.إفففف قال أوكتافيا قال...آه نسيت أقول حاجة.أنا كنت لسة مسافر النهاردة إسكندرية و معايا 4 في العربية أقصر واحد فيهم طوله 176 سم.العربية ضيقة جدا.من كتر ما هي ضيقة كان كله قاعد براحته.والعربية تقيلة جدا و مش بتسحب زي الأوبل.حتي كنت محمل الحمولة دي والشنطة علي آخرها و التكييف متقفلش لحظة و مش عارف ليه مش راضية تزيد عن 210 كم/س...تحيا أوبل و تسقط أوكتافيا.:ta_clap[1]: سلام يا رجالة..شكرا علي إستضافتكم

---

انا حزين جدا من الاسلوب الغير حضارى الذى وصل الية الحديث
اولا انا ارفض هذا الاسلوب الغير جيد
ثانيا متزعلش الاوكتفيا افضل لو دة هيخليك مرتاح نفسيا
ثالثا لو هتكلم عن الاوبل انا كنت مسافر على طريق العين السخنة جايب 210 ومحمل خمس افراد بشنطهم وهناك كثير من السيارات تقدر على ذالك هذا ليس احتكار او ميزة خارقة
رابعا الاوكتفيا اساسا تشيكى وليس المانى لان شركت فلكس واجن لسة شريهاء مش من كتير فهى فى الاصل لا تنتمى الى العائلة الالمانية وانت تعرف ماذا اقصد بالصناعة الالمانى والثبات الالمانى المتميز
خامسا من حيث تاريخ الشركتين لا تعليق الاوبل منذو 1889 وتنتمى الى جنرال موتور التى كانت تعتبر اكبر مصنعى السيارات فى العالم فهى تمتلك شركات كثيرة
سادسا التسارع الذى اشرت الية ضعيف جدا انتظر منى فديو الخاص بالسيارة الخاصة بى وهى من فئة 1600 كامة واحدة ومشية 150000 الف ونزل الفديو الخاص بالسيارة المراض مقارنة التسارع
سابعا يكون ردى القادم هو الاخير للاسف اذا لم يكن الحديث على الشكل المطلوب

يا ريت يا جماعه نقفل الموضوع ده لان الاخ بتاع الاوكتافيا مش مدرك يعني ايه حوار راقي نحترم فيه وجهات نظر بعض بسعه صدر والموضوع عمره ما هييجي قفش او فرض راي واهلا وسهلا بيه في قسم الاوبل .

اقتباس:

---

المشاركة الأصلية كتبت بواسطة inspiron

الأفضل إني مجيش قسم أوبل ده تاني.لأن طبعا زي ما قولت الأوكتافيا عربية زبالة و مينفعش تيجي سيرتها في قسم الأوبل اللي هي أحسن عربية في العالم و خرافية و جودتها عالية و أثبت من الدبابة.إنما الأوكتافيا دي زبالة و ضيقة جدا و سيئة جدا جدا.إفففف قال أوكتافيا قال...آه نسيت أقول حاجة.أنا كنت لسة مسافر النهاردة إسكندرية و معايا 4 في العربية أقصر واحد فيهم طوله 176 سم.العربية ضيقة جدا.من كتر ما هي ضيقة كان كله قاعد براحته.والعربية تقيلة جدا و مش بتسحب زي الأوبل.حتي كنت محمل الحمولة دي والشنطة علي آخرها و التكييف متقفلش لحظة و مش عارف ليه مش راضية تزيد عن 210 كم/س...تحيا أوبل و تسقط أوكتافيا.:ta_clap[1]: سلام يا رجالة..شكرا علي إستضافتكم

---

السلام عليكم
اولاً انت محل ترحيب دائم فى أوبل و فى المنتدى كله
ثانياً : انا معايا 95 مانيوال 2000 سى سى يعنى بقالها 14 سنة و مشتكش من السخونه نهائى و عفشة العربية اللى معايا انشف من باقى الأوبل كمان بس مقابل ثبات خرافى - خامات التقفيل معتقدش ان عربيتى هتفرق كتير بس 95 معروف ان تقفليها افضل - السرعة انا لغاية 198 و الماف و الرشاشات بايظين و العربية محمله و التكييف شغال و لمطروح صد رد بدون توقف - عربيتى داخلة على 200000 كم و خدتها من صاحبها عاملة 180000 من شهر 11 / 2008 و الحمد لله رب العالمين و هى فابريكه جوه وبره بس فيها خبطات بسيطة مش ناوى اعملها - قطع غيار زى الفل و الحمد لله استيراد و جديد و اصلى و مضروب - العربية واسعه معرفش زى البى او اضيق او اوسع بس العربية 5 مستريحين زى الفل - مشاكل التكييف عندى ظهرت بسببى انا مش بسبب حاجة و اتصلحت بملاليم بحوالى 500 جنيه اول عن اخر
ثالثاً : محدش عاب على الأوكتافيا بس بلاش طريقة الأستهزاء دى محدش جاب كلام من عنده سواء فادى او تامر او مهندس احمد و الناس دى انا اعرفهم و هما يعرفونى و مش بتوع كلام فى الهواء الكلام كلامك و المنتدى بتاع اسكودا فى كلام كتير مش حلو على الأوكتافيا بردوا و لا انا غلطان
العملية مش مستهله كل الكلام اللى اتقال و حضرتك تنور فى اى وقت كزميل عزيز فى المنتدى و لكن مع احترامى الشديد ليك فى حدود ادب الحوار لأن مفيش حد تطاول عليك باللفظ او حتى عاب فى عربية ثابته نفسها الا من كلامك الشخصى اللى انت اعتبرته تطاول على العربية كأنه شرك مع انه كلامك
شكراً

اسلوبك مش حلو خالص يا كابتن
هىشركة اسكودا بتاعتك ولا ليك اسهم فيها ولا ايه بالظبط ؟
وبعدين 210 ايه
انا اعرف واحد معاه نيو اكسنت جاب 200 والعربيه 5 افراد والتكييف شغال وكانو راجعين من المطار يعنى الشنطة محمله برده
واسمها كورى مفيش داعى انك تفرح ب210 ربنا يستر طريقنا كلنا

كل الجديد بيجرى موت حتى الشيرى ال 1000 سى سى

اقتباس:

---

المشاركة الأصلية كتبت بواسطة inspiron

الأفضل إني مجيش قسم أوبل ده تاني.لأن طبعا زي ما قولت الأوكتافيا عربية زبالة و مينفعش تيجي سيرتها في قسم الأوبل اللي هي أحسن عربية في العالم و خرافية و جودتها عالية و أثبت من الدبابة.إنما الأوكتافيا دي زبالة و ضيقة جدا و سيئة جدا جدا.إفففف قال أوكتافيا قال...آه نسيت أقول حاجة.أنا كنت لسة مسافر النهاردة إسكندرية و معايا 4 في العربية أقصر واحد فيهم طوله 176 سم.العربية ضيقة جدا.من كتر ما هي ضيقة كان كله قاعد براحته.والعربية تقيلة جدا و مش بتسحب زي الأوبل.حتي كنت محمل الحمولة دي والشنطة علي آخرها و التكييف متقفلش لحظة و مش عارف ليه مش راضية تزيد عن 210 كم/س...تحيا أوبل و تسقط أوكتافيا.:ta_clap[1]: سلام يا رجالة..شكرا علي إستضافتكم

---

لا تعليق!!
مع السلامة ياباشا !

اقتباس:

---

أنا كنت لسة مسافر النهاردة إسكندرية و معايا 4 في العربية أقصر واحد فيهم طوله 176 سم.العربية ضيقة جدا.من

---

احنا بنتلكم على الاوكتافيا اللى بنشوفها .. ممكن تكون عربيتك مصنع سكودا عاملها اسبيشيال .. اللة اعلم !

اقتباس:

---

المشاركة الأصلية كتبت بواسطة ENG\AHMED

لا تعليق!!
مع السلامة ياباشا !



احنا بنتلكم على الاوكتافيا اللى بنشوفها .. ممكن تكون عربيتك مصنع سكودا عاملها اسبيشيال .. اللة اعلم !

---

÷هههههههههههههههههههههههه ههههههههههههههههههههههه
ممكن برده

انتو واجعين دماغكم ليه لو اتساب الموضوع هيتقفل لوحده و خلاص